| 1 |
 |
“...tramerdia Pepern, e gai kantad di Buchi Albu, tabata sinta kabisha bow di poko rama di flaira. Kalor a bute marja, di moda ku el a bai skonde pa solo kajente.
Den esei el a tende un kombersashon djis banda di dje. El a habri un wowo so, i mira Djodji, e buriku di Buchi Albu, ku Shi Bitwel, e warawara sinbergwensa, ta para papia. Pepern tabatin rabia riba Djodji, pasobra Djodji tabatin e mal mania di dal gritu den anochi. E kos ei tabata molestia Pepern. Sigun Pepern ta e so tabatin derechi di kanta kokojoko den anochi, pa marka ora. Ademas e gritu mahos di Djodji tabata lanta tur galinja for di sonjo. Loke ta ku Shi Bitwel, ku esei Pepern no por a parti un pan. Shi Bitwel no tabatin konsenshi. Masha hopi be Pepern mester a konsola e galinjanan, pasobra Shi Bitwel a kome nan puitunan.
Pesei ora Pepern a tende su dos enemigunan ta papia, el a span su orea, pa e tende ta kiko e dosnan tin di bisa.
Shi Bitwel di: Bo sa kiko ta pasa, Djodji? Ol stinki di mi kurpa ta molostiami. Tur bestia ta kore...”
|
|
| 2 |
 |
“...39
CHIKU I SU KABAI
Chiku su dia tabata kuminsa for di seis or di mainta. Asina e lanta for di sonjo den su kas di pali maishi, e tabata gloria su kurpa i bai laba kara i spula boka den kur banda di e trank di datu. Despwes di esei e tabata kamna bon pur bai serka Nana, den kushina di e kas grandi di shon Cario. Ei e ta bari tur shinishi di karbon for di den fornu i bai tira nan te pafo di kur. Ora e bolbe, e ta hanja su konchi di kofi pretu serka Nana, huntu ku un pan ser i pida sku di klenku.
Sint kantu di porta di kushina Chiku tabata bebe su kofi i kome su pan, skuchando Nana ta kanta tur sorto di kantika. Nana koki tabata su tanta grandi, un di e katibunan di shon Cario. Nana tabata masha gordo aunke e tabata move masha lihe den kushina.
Ei kantu di porta Chiku tabata wak e katibunan ta reuni dilanti porta di kas di shon Cario. Bomba Cheli tabata parti trabow i kada un tabata sali bai traha, sea pa muha hofi, roza mondi, planta o kima karbon. Chiku tambe tabata katibu, pero komo e...”
|
|
| 3 |
 |
“...basta rpido.
Subiendo Seru Chiki, nan a weta solo sali. Jen di brio nan a sigui manda bisikleta, te ku nan a bin jega na Klof banda di ochor di mainta.
No tabatin ningn hende riba kaminda. Pesei nan a probecha baha bai den Klof mesora. Ku masha kwidow nan a tee nan bisikleta na man, i baha poko-poko. Jen di rama
> tabata raska nan kurpa. Piedra tabata blo lora bow di nan pia. Bon kans nan a jega abow den Klof. Ei nan a kai sinta, pa sosega i bebe poko awa. E mondi den Klof tabatin algu
i misterioso. E kietud a duna nan miedu. Asta e pranan tabata
kanta manera bestia spant.
E ambiente stranjo a traha asina tantu riba e dos amigu-nan, ku nan a lanta nan dos tent bow di un palu di watapana grandi, sin bisa un pia di palabra.
Despwes di basta ratu, ora nan a stiwa tur kos den tent, Mario a observa: Si kwalke hende pasa den kaminda aja riba, nan no por mira nos tentnan aki bow. Nan ta kompleta-mente skond pa bista.
Emilio a para bow di e palu i wak ariba. Bo tin rason. Nan no por hole ku nos ta...”
|
|
| 4 |
 |
“... Ata shon a laga tirami den pos di kastigu, pasobra abo a bula bai.
Asina Nati a tende pos di kastigu, el a spanta. Ni awa ni kumnda un katibu no ta hanja ora nan tire den pos di kastigu. Te patras den mondi, na parti di nort tabatin e pos di kastigu, den un pida sabana. Bozu, e katibu ku ta kima karbon, a jega di konte kon bo ta sufri den pos di kastigu. Tres dia Bozu a pasa den dje. Solo ta kimabo mata, anto bo no ta hanja bjentu. Sedu ku hamber ta pone bo kurpa trose.
A la largu Nati no por a soporta mas. El a bira su kurpa den laria i bula den direkshon di San Kristof, pa e bolbe bai su kas. Pa nan no mire bini for di laria, el a bai baha lew den mondi. Djei el a dal un bwelta grandi, i bai sinta na su luga bw di palu.
Banda di un or di merdia shon ku bomba a bio riba dje.
Ta unda ba hinka bo kurpa? e bomba a grite. No ta awe mainta bo a bula bai?
Ni un ora so mi no a bula bai, Nati a ganje kara seku. Ta den mondi mi mester a bai, pasobra un dolo di barika masha duru a kwe mi.
Mesora...”
|
|
