| 1 |
 |
“...
mie na die wedergeboorte dietit
die Mens sie Soon sal sit na
die Stul van sie Heerligheid,
jellie ookal sal sit na twaelf
Stulen, en oordeel die twaelf
Stammen van Israel.
29. En elk een, die ka ver-
laet Hus, of Bruders, of Sisters,
of Vaeder, of Muder, of Vrow,
of Kinders, of Akker voor mie
Naem wil, hem sal ontfang die
honderd voud weeran, en erv
die eeuwig Leven.
30. Maer veele, die bin die
eerste, sal kom die leste, en
die leste die eerste.
DIE 20. CAPITTEL.
I.) Jesus spreek van die Werkmans na binne die Wienberg,
1—16. II.) van sie Leiden, 17—19. III.) Hem bestraev die
Soons van Zébedeus, en vermaen tot Ootmudigheid, 20—28.
IV.) genees twee Blinden bie Jericho, 29—34.
ie Hemelrik bin glik een I 2. En dietit hem ka accor-
-L'Husvaeder, die ka loop yt deer mit sender voor een Pen-
gu vrue for hier Werk-Volk na ning na die Dag, hem ha stier
binne sie Wienberg. | sender na die Wienberg....”
|
|
| 2 |
 |
“...243
geleerden en Phariseewen, jellie
Hyklars! dat jellie loop ront
na Land, en na Water, dat
jellie kan maek een Joodgenoot;
en als hem ka kom die, jellie
maek van hem een Kind van
die Hel, twee dobbel meer, als
jellie bin.
16. Wee jender, jellie blinden
Leidsmans! jellie die seg: die
sweer bie die Tempel, dat bin
niemendal; maer die sweer bie
die Goud na binne die Tempel,
hem bin skyldig.
17. Jellie sotten en blinden!
wat bin meer groot ? die Goud ?
of die Tempel, die heilig die
Goud?
18. Verder: die sweer bie die
Altar, dat bin niemendal; maer
die sweer bie die Offer na bobo
die Altar, hem bin skyldig.
19. Jellie sotten en blinden;
wat bin meer groot? die Offer?
of die Altar, die heilig die Offer?
20. Daerom, die sweer bie
die Altar, sweer bie die selve,
en bie al wat bin na bobo die.
21. En die sweer bie die
Tempel, sweer bie die selve,
en bie hem, die woon daesoo.
22. En die sweer bie die
Hemel, sweer bie die Stul van
Godt, en bie hem, die sit na...”
|
|
| 3 |
 |
“... sie
Heerligheid, en almael die heilig
Englen mit hem, dan hem sal sit
na die Stul van sie Heerligheid.
32. En almael Volk sal ver-
gaeder voor hem, en hem sal
skej sender van malkander,
glik als een Herder skej die
Skaepen van die Bokken.
33. En hem sal set die Skae-
pen na sie regter Hand, en die
Bokken na sie slinker Hand.
34. Dan die Kooning sal seg
na sender na sie regter Hand:
kom hiesoo jellie gesegende van
mie Vaeder! erv die Rik, die
ka berej voor jender van die
Begin van die Weereld.
35. Want mie ka wees hon-
grig, en jellie ka giev miejeet;
mie ka wees dorstig, en jellie
ka giev mie for drink; mie ka
wees een Gast, en jellie ka
herbergeer mie.
36. Mie ka wees naekt, en
jellie ka kleedt mie; mie ka
wees siek, en jellie ka besuek
mie; mie ka wees gevangen,
en jellie ka kom na mie.
37. Dan die Regtveerdigen
sal antwoordt hem en seg:
Heere! wattit ons ka kik ju
hongrig, en ka giev ju jeet? of
dorstig, en ka giev ju for drink ?
38. Maer wattit ons...”
|
|
| 4 |
 |
“....) Maer Jesus ha staen
voor die Landvoogd; en die
Landvoogd ha vraeg hem, en
ha seg; ju bin die Kooning
van die Jooden? maer Jesus
ha seg na hem: ju seg die.
12. En dietit die Hoog Pries-
ters en die Oudste ha beskyldig
hem, hem no ha antwoordt
niet een gut.
13. Soo Pilatus ha seg na
hem: ju no hoor, hu hart sellie
beskyldig ju?
14. En hem no ha antwoordt
een Woord selv; soo dat die
Landvoogd ha wonder gu.
15. IV). Maer die Landvoogd
ha wees gewent, for giev na
groot Sondag een Gevangen
los na die Volk, die sellie selv
ha wil.
16. Nu na die Tid die ha
hab een Gevangen, een beson-
ders voor ander, sie Naem ha
wees Barrabas.
17. Daerom, dietit sellie ha
ka kom malkander, Pilatus ha
seg na sender: welk jellie wil,
dat mie sal giev los na jender?
Barrabas? of Jesus, van die
die Woord bin, dat hem bin
Christus ?
18. Want hem ha weet heel
wel, dat sellie ha ka leever
hem over voor Spit.
19. En dietit hem ha sit na
die Regter-Stul, sie vrow ha
stier Woord na hem...”
|
|
