| 1 |
 |
“...112
was een advys Bercke ghekommen van St. Domingo,
wesweghen t selve oock die naem hebben gbegheven.
Naer dat haer daghelijcx hier hadden besich ghehouden met
water halen ende de Schepen te versien, soo heeft den Generael
den achthienden vijl Schepen, te weten, de Vice-Ammirael
Adriaen Claess., de Valck, de Geele Sonne, de Goude Sonne, en
t Jacht West-cappel af-ghesonden naer St. Domingo, omaldaer
op te passen op een Galeon, welck hy hadde vernomen uyt
eenighe brieven in t laest veroverde Schipken ghevonden aldaer
zeyl-reedt te ligghen, rijckelijck gheladen. Daer naer waren
noch eenighe daghen besich met de buyt-goederen die in des
Generaels Schip waren, over de andere Schepen te verdoelen,
ende eenighe land-tochten te doen, om Beesten ende Vruchten
tot verversinghe van t volck aen te halen. Ende de twee
bevrachte schepen, de Koninginne Hester ende de Jonas wierden
afgheladen, ende naer tVaderlandt ghesonden, de welcke eerst
den twaelfden Martij des toe-komstighen jaers in Zeelandt ende...”
|
|
