| 1 |
 |
“...per campos, per villas, per deserta, bestie
omnes erant sine custodibus, horrea et cellaria vinaria
aperta, domus vacue, et pauci reperiebantur, in tan-
tum quod in multis villis, civitatibus et castris, si
fuerant in principio viginti milia personarum, pene duo
milia non remanebant; et in pluribus villis et locis
campestribus, si erant mille et quingente persone, pene
centum remanebant; et vinee et terre inculte remane-
bant in multis climatibus.
Audivi autem predicta a quodam milite et legis-
perito qui erat unus de dominis Parlamenti Parisius1;
hic autem, una cum reverendo domino episcopo Mori-
nensi, fuit missus ab illustrissimo domino rege Franchie
Philippo ad regem Arragonie, qui in suo reditu venit
per Avinionem; et ibi et Parisiis, sicut asserebat, fuit
per multos fide dignos informatus de predictis.
Audivi etiam a quodam peregrino, qui in eundo ver-
sus Sanctum Jacobum transiverat per Sanctam Mariam
de Rochemadour et per Tholosam, quia propter guer-
ras non poterat ire viam consuetam...”
|
|
