| 1 |
 |
“...Tael tit aster tit, en ha
begin nu for onderwies na die volgens die Order van Collegium.
Dat ha hab deese gesegend Werking, dat die Negers die
tevoorn ha how die Leering voor een hard Woord, door die
Swaerigheid van die vreemd Tael, na die sellie ha mut ontfang
Onderwiesing, ha vind soo veel meer Smaek na die nu, als
sellie ha kan vat en verstaen die voorgehowen Leer meer ligt
en meer gaw in sender eigen Muder Tael.
Soodaenig een meer groot Getal ha kom begeerig nae die
Melk van Evangelium, en ha suek Onderwiesing meer gewillik,
en ha ontfang die Woord mit meer groot Lyst.
En soolang nu veele van die Negers ha wordt gevonden for
wees gehoorsam na die Gloof, soo die Proselyten ha wordt
getroken van die deen Gemeinten voor die wille van die Onder-
skejing van die Tael, en ordentlig Neger Gemeinten ha wordt
opgerigt, voor die een eigen Missions Dominie nu staen, en
bestelte Missions Catecheten, die verrigt die opentlig Godtes
Dienst mit Sang, Predik, Catechisation en Onderwiesing in die
Skolen...”
|
|
| 2 |
 |
“...192
ha loop na een ander Pad na
sender Land.
13. II.) Maer aster sellie ha
ka loop wej, kik die Engel van
die Heer ha openbaer sie selv
voor Joseph na binne een
Droom, en ha seg: hoppo, en
neem die Kind mit sie Muder,
en vlygt na Egipten, en bliev
daesoo tee mie seg na ju; want
Herodes sal suek die Kind, for
maek hem doot.
14. Maer hem ha hoppo, ha
neem die Kind en sie Muder na
Donker, en ha vlygt na Egipten.
15. En hem ha bliev daesoo
tee Herodes ha ka doot; dat
die ha sal vervylt, wat die
Heer ha ka seg door die
Propheet, die seg: mie ka ruep
mie Soon van Egipten.
16. III.) Dietit Herodes ha
kik nu, dat die Wiesen ha ka
bedrieg hem, hem ha kom gu
qvaed; en ha stier yt, en ha
lastaen maek doot almael Kin-
ders, die ha wees na binne
Bethlehem, en na al die Land
daesoo, van twee Jaer oud en
daeronder, aster die Tid hem
ha ka ondersuek die van die
Wiesen.
17. Dan die ka vervylt, wat
die Propheet Jeremias ka seg,
die seg:
18. Een Stem ka hoor na
binne Rama, Kries, Skreew,
en gu Hyelen: Rachel...”
|
|
| 3 |
 |
“... sender no werk,
en sender no spin.
29. Maer mie seg na jender,
dat Salomon selv in al sie
Heerligheid no ha ka kleedt
glik als een van sender.
30. Als Godt dan kleedt die
Gras soo na die Veld, diestaen
van Dag, en sellie gooj die na
die Oven morgen, hem no sal
kleedt jender veel meer, jellie
kleingloovigen ?
31. Daerom jellie no sal sorg,
en seg: wat ons sal jeet? of:
wat ons sal drink? of mit wat
ons sal kleedt ons?
32. Want na al dat die
Heidens suek. Die maek jender
hemels Vaeder weet, dat jellie
hab almael die gut noodig.
33. Maer suek eerst die
Kooningrik van Godt, en sie
Geregtigheid, en almael die gut
sal wordt jender tugelegt:
34. Daerom, no wees verlegen
voor die ander Morgen; want
die Dag Morgen sal sorg voor
sie selv, die bin gnug, dat elk
Dag hab sie eigen Plaeg selv.
DIE 7. CAPITTEL.
I.) Christus praet van oordél, en for vind Vout bie
ander, 1—6. II.) for bid, 7—11. van die Hoofd-Sum van die
Wet, 12. III.) van die nauwe Poort, 13—14. IV.) van
valse Propheeten en HyMars, 15—23...”
|
|
| 4 |
 |
“...202
sender Vutten, en draej, en
verskeer jender.
7. II.) Bid, en jellie sal krieg;
suek, en jellie sal vind; klop,
en die sal open voor jender.
8. Diemaek, hem, die bid,
krieg, en hem, die suek, vind,
en voor hem, die klop, sal
wordt open gemaekt.
9. Of wie van jender, als
sie Soon bid hem voor Brood,
sal giev na hem een Steen?
10. En als hem bid hem
voor een Vis, sal giev na hem
een Slang?
11. Als jellie dan, die bin
boos, weet for giev gueje Gae-
ven na jender Kinders, hu veel
meer jender Vaeder, die bin
na binne die Hemlen, sal giev
gueje Gaeven na sender, die
bid hem?
12. Daerom, al wat jellie
wil, dat die Mensen sal due
na jender, jellie due dat na
sender ookal; want soo die
Wet en die Propheeten bin.
13. III.) Loop na binne door
die nauwe Poort; voordiemaek
die Poort bin wied, en Pad
bin breed, die bring na die
Verdumnis, en sellie bin veele,
die loop na binne door die.
14. Voordiemaek die Poort
bin nauw, en die Pad bin smal,
die bring na die Leven, en
sellie bin weinig, die vind...”
|
|
| 5 |
 |
“...209
10. Ook geen Sak voor die
Reis, ook niet twee Rokken,
ook niet Skuen, ook niet Stok;
want een Werkman bin waerdig
sie Jeet.
11. Maer na welk Stad of
Dorp jellie kom na binne, onder-
suek, als die hab een Volk
daer, die bin die waerdig; en
bliev daer tee jellie loop wej.
12. Maer, als jellie loop na
binne een Hus, gruet die.
13. En als die Hus bin die
waerdig, jender Vreede sal kom
na bobo die; maer, als die no
bin die waerdig, dan jender
Vreede sal kom na jender
weeran.
14. En als een Volk no wil
ontfang jender, en no wil hoor
jender Woorden, loop yt van
die Hus of die Stad, skyd die
Stof af van jender Vutten.
15. Waerwaer, mie seg na
jender: die Land van Sodoma
en Comorra sal hab die meer
verdraeglig na die Dag van
Oordeel, als die Stad,
16. II.) Kik, mie stier jender
yt glik als Skaepen na middel
van die Wolven; daerom wees
voorsigtig, als die Slangen, en
sonder Valsheid, als die Diefies.
17. Maer neem jender in agt
voor die Mensen; want sellie
sal leever jender over na die
Raed,...”
|
|
| 6 |
 |
“...seg: Meester,
ons wil gern kik een Teeken
van ju.
39. Maer hem ha antwoordt,
en ha seg na sender: deese
qwaeje en hueragtig Geslagt
suek Teeken; en niet een
Teeken sal giev na hem, als
die Teeken van die Propheet
Jonas.
40. Want glik als Jonas ha
wees drie Dagen mit drie Nagt
na binne die Biek van die
Walvis; soo die Mens sie Soon
ookal sal wees drie Dagen mit
drie Nagts na binnen die Aerde.
41. Die Volk van Ninive
sal hoppo mit deese Geslagt
na die Oordeel, en sal verdum
die; diemaek sellie ka bekeer
door die Predikasje van Jonas:
en kik: hiesoo bin meer als
Jonas.
42. Die Kooningin van die
Syd sal hoppo mit deese Geslagt
na die Oordeel, en sal verdum
die; diemaek hem ka kom van
die Einde van die Aerde for
hoor die Wiesheid van Salomon;
en kik, meer als Salomon bin
hiesoo.
43. Als die onrein Geest ka
vaer yt die Mens, dan hem
wandel door dor Plaesen, suek
Ryst, en no vind die.
44. Dan hem seg; mie wil
keer weeran na binne na mie
Hus, van waer mie ka loop
yt; en als hem kom, hem vindt...”
|
|
| 7 |
 |
“...216
die leeg, ka veeg, en ka versier.
45. Soo hem loop heen, en
neem seven ander Geesten mit
sie, die bin meer slem als hem
selv, en als sellie kom daer
na binne, sellie woon daesoo;
en die kom meer erg asteran
mit die selve Mens, als die ha
wees teevoorn: soo die sal
loop ookal mit deese qwaeje
Geslagt.
46. V). Maer dietit hem ha
praet na die Volk nogal, kik
sie Muder en sie Bruders ha
staen na bytten, en ha suek
for praet mit hem.
47. Soo een ha seg na hem:
kik ju Muder en ju Bruders
staen na bytten, en ha suek for
praet mit ju.
48. Maer hem ha antwoordt,
en ha seg na hem, die ha ka
seg dat na hem: wie bin mie
Muder? wie bin mie Bruders?
49. En hem ha strek sie
Hand yt over sie Disciplen, en
ha seg; kik mie Muder, en
mie Bruders!
50. Want die due die wil
van mie Vaeder, die bin na
binne die Hemel, hem bin mie
Bruder, en Sister, en Muder.
DIE 13. CAPITTEL.
I.) Jesus praet door Gliknissen, van die Saejer, 1—23.
II). van die Onkryd, 24—30 en 36—43. van een Moster Saed,
31 32. van een Sierdeeg...”
|
|
| 8 |
 |
“...berg na binne een Akker ; die
een Mens ka vind, en ka ver-
berg die, en ka loop van
Blieskap, en ka verkoop al wat
hem ha hab, en ka koop die
Akker.
45. Weeran die Hemelrik bin
glik een Koopman, die hasuek
gueje Peerlen:
46. En dietit hem ka vind
een kostlig Peerl, hem ha loop
heen, en ha verkoop al wat
hem ha hab, en ha koop die.
47. Weeran die Hemelrik bin
glik een Net, die ka gooj na
binne die See, en vang van
almael Sort.
48. Als die bin vol, sellie
hael die op na die See-Kant,
en sit, en suek yt die gueje
malkander na een vat, maer
sellie gooj die qwaeje wej.
49. Soo die sal loop ookal
na die Einde van die Weereld:
die Englen sal loop yt, en skei
die qwaeje van die regtveer-
digen ;
50. En sal gooj sender na
die Vier Oven; daer sal wees
Kries, en Kneersing van Tand.
51. Jesus seg na sender;
jellie ka verstaen die almael?
sellie seg na hem: ja, Heere.
52. Maer hem ha seg na sen-
der: daerom elk Skriftgeleerd,
die ka leer na die Hemelrik, bin
glik een Hus-Vaeder, die bring
yt sie Skat...”
|
|
| 9 |
 |
“...225
DIE 16. CAPITTEL.
I.) Jesus bestraev die Phariseewen, die ha suek Teekens,
1—4. roaerskow voor die Sierdeeg van sender, 5—12. II.)
Petrus beken, dat Jesus bin die Soon van Godt, 13—20.
Ill) Jesus spreek van sie Leiden, bestraev
Petrus, 21—23. IV.) spreek van selv-verlooking, en van sie
Tukomst, 24—28.
T* n die Phariseeuwen en Sadu-
L-i ceewen ha kom, ha versuek
hem, en ha begeer, dat hem
ha wil wies sender een Teeken
van die Hemel.
2. Maer hem ha antwoordt,
en ha seg na sender: na Avond
jellie seg: die kom een mooje
Dag; diemaek die Hemel bin
rood;
3. En na vruvrue jellie seg:
een Storm sal kom van Dag;
diemaek die Hemel bin donker
rood. Jellie Hyklars! jellie kan
oordeel die Manier van die
Hemel, jellie ho kan oordeel
die Teekens van die Tid ookal ?
4. Deese qwaeje en hueragtig
Geslagt suek Teekens; en hem
no sal krieg ander Teeken, als
die Teeken van die Propheet
Jonas. En hem ha lastaen sender,
en ha loop wej van daesoo.
5. En dietit sie Disciplen ha
ka vaer over na die ander Sie...”
|
|
| 10 |
 |
“...en Skriftgeleerden, en for wordt
gedoot, en staen op weeran na
die derde Dag.
22. En Petrus ha neem hem
na sie, en ha bestraev hem,
en ha seg: Heere, spaerju selv;
dat no gebeer ju levendag!
23. Maer Jesus ha draej sie
om, en ha seg na Petrus: loop
wej van mie, Satan! ju bin een
Ergernis voor mie! want ju no
meen, wat bin godtlig, maer
wat bin menslig.
24. IV.) Soo Jesus ha seg na
sie Disciplen: als Imand wil
volg mie, hem mut verlooken
sie selv, en neem op die Krus,
en volg mie.
25. Want, die suek for
sal veer sie Leven, sal verloor
die; maer die verloor sie Leven
voor mie wil, sal vind die.
26. Wat die kan help een
Mens, als hem wind die heel
Weereld, en lie Skaede na sie
Siel? of wat een Mens kan
giev, dat hem kan los sie Siel
weeran ?
27. Want die sal gebeer, dat
die Mens sie Soon sal kom na...”
|
|
| 11 |
 |
“...230
Mens ha hab honderd Skaepen,
en een van sender ha verdwael,
hem no lastaen die negen en
negentig, en loop na bobo die
Bergen, en suek die, die ka
verdwael ?
13. En als die gebeer, dat
hem vind die, waerwaer mie seg
na jender: hem bin meer blie
over die, als over die negen en
negentig, die no ha verdwael.
14. Soo ookal, die no bin
die wil van jender Vaeder na
binne die Hemel, dat een van
deese kleintjes sal verloor.
15. II.) Maer als ju Bruder
sondig tegen ju, loop heen, en
bestraev hem tyssen hem en
ju alleen; als hem hoor ju, ju
ka wind ju Bruder.
16. Maer als hem no hoor
ju, soo neem een oft twee mit
ju nogal; dat almael Saek sal
bestaen na die Mond van twee
of drie Getiegens.
17. Maer als hem no hoor
sender, soo seg dat na die
Gemeinte; maer als hem no
hoor die Gemeinte, soo how
hem als een Heiden en Tollenar.
18. Waerwaer mie seg na
jender: al wat jellie bind op
die Aerde, sal ka bind na binne
die Hemel ookal; en al wat
jellie los op die Aerde, sal ka
los na binne die Hemel ookal...”
|
|
| 12 |
 |
“...ka gooj wej, ka kom een Hoofd-
Huk-Steen; van die Heer dat
ka kom, en die bin wonderlig
voor ons Oogen.
43. Daerom mie seg na jender,
dat Godt sal neem sie Rik wej
van jender, en sal giev die na
die Heidens, die sal bring die
Vrygten van die.
44. En die val na bobo die
Steen sal brek heel heel; maer
na die die Steen val, hem sal
mors heel heel.
45. VII.) En dietit die Hoog-
priesters en Phariseewen ha ka
hoor sie Gliknissen, sellie ha
verstaen, dat hem ha ka spreek
van sender.
46. En sellie ha suek for
vang hem, maer ha bang die
Volk; diemaek sellie ha how
hem voor een Propheet.
DIE 22. CAPITTEL.
I.) Jesus seg een Gliknis van die Brylloft van een
Kooning sie Soon, 1—14. II.) leer, dat die Jooden sal giev
Skat na die Keiser, 15—22. III.) leer van die
Opstandingen 23—33. IV.) van die grootste Gebod in die
Wet, 34—40. V.) dat Christus bin David sie Soon,
en sie Heer, 41—46.
"[Tin Jesus ha antwoordt, en
Pj ha spreek na sender weeran
door Gliknissen, en ha seg:
2. Die Hemelrik bin glik een
Kooning...”
|
|
| 13 |
 |
“...jender Vaeder,
die bin na binne die Hemel.
10. En jellie no sal lastaen
sender ruep jender Meester;
diemaek een bin jender Meester,
Christus.
11. Maer die grootste tyssen
jender, sal wees jender Dienar,
12. Maer die verhoog sie selv,
sal kom vernedert, en die ver-
neder sie selv, sal kom verhoogt.
13. II.) Wee jender, jellie
Skriftgeleerden en Phariseewen,
jellie Hyklars! voordiemaek
jellie slyt die Hemelrik voor
die Mensen; jellie no selv kom
na binne die, en jellie no wil
lastaen sender loop, die suek
for kom daer na binne.
14. Wee jender, jellie Skrift-
geleerden en Phariseewen, jellie
Hyklars! dat jellie jeet die
Husen van die Wedywen, en
dat onder die Skin van lang
Gebeden; daerom jellie sal krieg
te meer Verdumnis.
15. Wee jender, jellie Skrift-...”
|
|
| 14 |
 |
“...binne jender
Skolen, en jellie sal vervolg
sender van die een Stad na
die ander.
35. Dat al die regtveerdig
Blud sal kom over jender, die
ka stort op die Aerde van die
regtveerdig Abel sie Blud, tee
die Blud van Sacharias, die
Soon van Barachias, die jellie
ka vermoordt tyssen die Tem-
pel, en die Altar.
36. Waerwaer mie seg na
jender, dat almael dat sal kom
over deese Geslagt.
37. Jerusalem! Jerusalem!
ju, die maek die Propheeten
doot, en steenig sender, die ka
stier na ju, hu dikwils mie
ka suek for vergaeder ju Kin-
ders, glik als een Huner sie
Kikkentjes onder sie Vlerken?
en jellie no ha wil.
38. Kik, sellie sal lastaen
jender Hus wust voor jender.
39. Want mie seg na jender:
jellie no sal kik mie van nu
af, tee jellie seg: geloovt hem,
die kom in die Naem van die
Heer!
DIE 24. CAPITTEL.
I) . Jesus propheteer van die Ondergang van die Tempel, 1 2.
II) . van die Ondergang van Jerusalem, en die voorgaende
Teéken, 3—28. Ill), van die Ondergang van die
Weereld, en Teéken eer die Oordeel...”
|
|
| 15 |
 |
“...Want, dat die Vrow ka
gooj deese Salf na mie Likam,
dat hem ka due, voor dat sellie
sal begraev mie.
13. Waerwaer mie seg na
jender: overal, waer sellie sal
preek deese Evangelium in die
geheel Weereld, daer sellie sal
seg ookal tot sie Gedagtnis,
wat hem ka due.
14. Soo een van die Twaelf,
sie Naem Judas Ischariot, ha
loop heen na die Hoog-Priesters.
15. En ha seg: wat jellie wil
giev mie, en mie sal verraedt
hem na jender? en sellie ha
giev hem dertig Silverlingen.
16. En van die Tid Judas
ha suek Gelegenheid for ver-
raedt hem.
17. III.) Maer na die eerste
Dag van die sut Brood die
Disciplen ha kom na Jesus, en
ha seg na hem: waer ju wil,
dat ons sal maek klaer voor
ju for jeet die Paeslam?
18. Maer hem ha seg: loop
na binne na die Stad na een,
en seg na hem: die Meester
lastaen seg na ju: mie Tid ka
kom; mie wil how die Paes
mit mie Disciplen bie ju.
19. En die Disciplen ha due,
soo, als Jesus ha ka belast
sender; en ha maek die Paes-
lam klaer.
20. En na Avond hem ha
sit sie selv na...”
|
|
| 16 |
 |
“...beer, dat die Skriften van die
Propheeten sal kom vervylt.
Soo almael die Disciplen ha
lastaen hem, en ha vlygt.
57. IX.) Maer sellie, die ha
ka vang Jesus, ha bring hem
na die Hoog-Priester, Caiphas,
daer die Skriftgeleerden en Oud-
ste ha wees malkander.
58. Maer Petrus ha volg
asteran van verre, tee na die
Hus van die Hoog-Priester; en
hem ha loop na binne, en ha
sit hie die Knegten, dat hem ha
kan kik, husoo die sal loop af.
59. Maer die Hoog-Priesters
en die Oudste, en die geheel
Raed ha suek vals Getiegnis
tegen Jesus, dat sellie ha kan
maek hem doot; en sellie no
ha vind niet een gut.
60. En maskee veele valse
Getiegens ha kom voor, dog
sellie no ha vind niet een gut.
Maer na die leste twee valse
Getiegens ha kom voor, en ha
seg:
61. Deese ka seg: mie kan
brek af die Tempel van Godt,
en bow die weeran na drie
Dagen.
62. En die Hoog-Priester ha
staen op, en ha seg na hem:
ju no antwoordt, na wat sellie
getieg tegen ju?
63. Maer Jesus ha swieg stil.
En die Hoog-Priester ha ant-
woordt...”
|
|
| 17 |
 |
“...Week
Maria Magdalena, en die ander
Maria ha kom, for bekik die
Graf.
2. En kik, een groot Aer-
beeving ha kom; diemaek die
Engel van die Heer ha kom
van die Hemel, en ha loop
heen, en ha rol die Steen van
die Door, en ha sit na bobo die.
3. En sie Gestalt ha wees
glik als die Weerligt, en sie
Kleed ha wees wit, als Sneew.
4. Maer die Wagters ha ver-
skrik gu voor hem, en sellie
ha kom glik als dooje.
5. Maer die Engel ha ant
woordt, en ha seg na die
Vrowen: jellie no bang! mie
weet, dat jellie suek Jesus, die
ka krusig.
6. Hem no bin hiesoo; hem
ka staen op weeran, soo als
hem ka seg: kom hiesoo, en
kik die Plaes, daer die Heer
ka leg.
7. En loop gaw heen, en seg
na sie Disciplen, dat hem ka
staen op van die Dood; en kik,
hem sal loop voor jender na
Galilea, daer jellie sal kik hem.
Kik mie ka seg die na jender.
8. En sellie loop gaw yt van
die Graf mit Vrees, en mit
groot Blieskap, for verkondig
die na die Disciplen.
9. En dietit sellie ha loop
heen, for seg die na sie Di-
sciplen, kik...”
|
|
