| 1 |
 |
“...250
wat jellie ka due na een van
die minste van deese mie Bru-
ders, jellie ka due die na mie.
41. Dan hem sal seg ookal
na sender na die slinker Hand:
loop wej, jellie vervlukte! na
die eeuwig Vier, die ka berej
voor die Dievel, en sie Englen.
42. Want mie ka wees hon-
grig, en jellie no ka giev mie
jeet; mie ka wees dorstig, en
jellie no ka giev mie for drink.
43. Mie ka wees een Gast,
en jellie no ka herbergeer mie;
mie ka wees naekt, en jellie
no ka kleedt mie; mie ka wees
siek en gevangen; en jellie no
ka besuek mie.
44. Dan sellie ookal sal ant-
woordt hem, en sal seg: Heere,
wattit ons ka kik ju hongrig,
of dorstig, of een Gast, of
naekt, of siek, of gevangen,
en no ka dien ju?
45. Dan hem sal antwoordt
sender, en sal seg: wat jellie
no ka due na een van deese
minste, jellie no ka due na
mie ookal.
46. En deese sal loop na
die eewig Pien, maer die Regt-
veerdigen na die eeuwig Leven.
DIE 26. CAPITTEL.
I.) Jesus praet van sie Lejden, 1—2. die Jooden hom
Raed, for maék hem doot, 3—5...”
|
|
