Your search within this document for 'brek' resulted in ten matching pages.
1

“...want sellie ver- draej sender Angesigt, for Volk kan kik, dat sellie vast; waer- waer mie seg na jender, dat sellie hab sender Loon wej. 17. Maer, dietit ju vast, salv ju kop, en was ju Angesigt; 18. Dat die Mensen no sal kik ju vast, maer ju Vaeder, die bin in Verborgen; en ju Vaeder, die kik in Verborgen, sal betael ju openbar. 19. IV.) Jellie no sal hoop op Skat na bobo die Aerde, waer die Mot en Rust bederv, en waer Dieven brek door, en steel die: 20. Maer hoop op voor jender een Skat na binne die Hemel, waer Mot en Rust no kan bederv die, en waer Dieven no kan brek door, en steel die. 21. Want, waer jender Skat bin, daer jender Hart sal wees ookal. 22. Die Oog bin die Ligt van die Likam; daerom, als ju Oog bin eenvoudig, soo ju geheel Likam sal wordt Ligt; 23. Maer, als ju Oog bin boos, ju geheel Likam sal wees donker: daerom, als die Ligt, die bin na binne ju, bin Dyster- nis, hu groot die Donker sal kom dan? 24. V.) Niemand kan for dien twee Heeren; want hem sal haet die een, en hab...”
2

“...Wusteine, en Donker kom; lastaen die Volk loop van ju, dat sellie kan loop na die Dorpen, en koop jeet. 16. Maer Jesus ha seg na sender: die no bin noodig, dat sellie loop heen: jellie giev na sender for jeet. 17. Maer sellie ha seg na hem: ons no hab méér hiesoo, als veif Brooden, en twee Vissen. 18. Maer hem ha seg: bring sender hiesoo na mie. 19. En hem ha seg na die Volk, for sit neer na bobo die Gras, en ha neem die veif Brooden, en die twee Vissen, ha kik op na die Hemel, ha dank, en ha brek sender, en ha giev die Brooden na die Disciplen, maer die Disciplen ha giev sender na die Volk. 20. En sellie almael ha jeet, en ha kreeg sender Bekomst; en sellie ha neem op die gut, die ka bliev over, twaelf Makutten vol. 21. Nu die ha ka jeet, ha wees bie veif dysend Man, sonder Vrowen en Kinders. 22. III.) En anstonds Jesus ha forceer sie Disciplen for loop na binne die Skip, for vaer over voor hem na die ander Sie, tee hem ha ka stier die Volk wej. 23. En dietit hem ha ka stier die Volk wej...”
3

“...Soom van sie Kleed; en sellie almael, die ha ruer die an, ka kom gesond. DIE 15. CAPITTEL. •) Jesus leer, wat die bin, die maek die Mens onrein, en bestraev die Hyklarie en blindheid van die Phariseewen, 1—20. II.) versuek en verhoor die Cananeis Vrow, 21—28. III.) genees veele, en spies 4000 Man, 29—39. a die Tid die Skriftgeleer- den en Phariseewen van Jerusalem ka kom na Jesus, en ha seg: 2. Watmaek ju Disciplen brek die Instelling van die Ouden? want sellie no was sender Han- den, dietit sellie jeet Brood. 3. Maer hem ha antwoord, en ha seg na sender: watmaek jellie brek die Geboden van Godt voor jender Instelling sie wil? 4. Want Godt ka belast: ju sal eer ju Vaeder en juMuder; | maer die vluek Vaeder en Muder sal sterv die Dood. 5. Maer jellie leer: wie seg na sie Vaeder of Muder (als mie offer die, die bin meer nyt) hem due wel. 6. Dat maek, dat niemand meer eer sie Vaeder en sie...”
4

“...hab niet een gut for jeet; en mie no wil lastaen sender loop wej van mie son der jeet, dat sellie no sal versmagt na die Pad. 33. En sie Disciplen ha seg na hem: van waesoo ons sal krieg soo mussie Brood na binne die Wusteine; dat ons kan versaedig soo veel Volk? 34. En Jesus ha seg na sender: huveel Brooden jellie hab ? maer sellie ha seg: seven, en weinig klein Vissen. 35. En hem ha seg na die Volk for sit neer na bobo die Aerde. 36. En hem ha neem die seven Brooden en die Vissen, ha dank, ha brek sender, en ha giev sender na sie Disciplen, maer die Disciplen ha giev sender na die Volk. 37. En sellie almael ha jeet, en ha krieg sender Bekomst; en sellie ha neem op seven Makutten vol van die Brokkies; die ka bliev over, 38. Maer sellie, die ha ka jeet, ha wees vier dysend Mans, sonder die Vrowen en Kinders. 39. En aster hem ha ka lastaen die Volk loop wej, hem ha loop na binne een Skip, en ha kom na die Land van Magdala....”
5

“...hem sal vermoordt die qwaeje, en sal verhier sie Wienberg na ander Wiengartmans, die sal giev na hem die Vrygten na regt tit. 42. Jesus ha seg na sender: jellie noit ka lees in die Skrift : Die Steen, die die Bowmeesters ka gooj wej, ka kom een Hoofd- Huk-Steen; van die Heer dat ka kom, en die bin wonderlig voor ons Oogen. 43. Daerom mie seg na jender, dat Godt sal neem sie Rik wej van jender, en sal giev die na die Heidens, die sal bring die Vrygten van die. 44. En die val na bobo die Steen sal brek heel heel; maer na die die Steen val, hem sal mors heel heel. 45. VII.) En dietit die Hoog- priesters en Phariseewen ha ka hoor sie Gliknissen, sellie ha verstaen, dat hem ha ka spreek van sender. 46. En sellie ha suek for vang hem, maer ha bang die Volk; diemaek sellie ha how hem voor een Propheet. DIE 22. CAPITTEL. I.) Jesus seg een Gliknis van die Brylloft van een Kooning sie Soon, 1—14. II.) leer, dat die Jooden sal giev Skat na die Keiser, 15—22. III.) leer van die Opstandingen 23—33. IV...”
6

“... 1 2. II) . van die Ondergang van Jerusalem, en die voorgaende Teéken, 3—28. Ill), van die Ondergang van die Weereld, en Teéken eer die Oordeel Bag, 29"—36. IV.) va/n Seékerheid, 37—41. en vermaen tot Waeksamheid, 42 51. * n Jesus ha loop yt van die Jij Tempel; en sie Disciplen ha kom na hem, dat sellie ha wil wies hem die Gebow van die Tempel. 2. Maer Jesus ha seg na sender; jellie no kik die almael ? waerwaer mie seg na jender: die no sal bliev een Steen na bobo die ander hiesoo, die no sal brek af. 3. II.) En dietit hem ha sit...”
7

“...247 40. Dan twee sal wees na die Veld; die een sal wordt angenomen, en die ander sal wordt verlaeten. 41. Twee sal mola na die Molen; die een sal wordt ange- nomen, en die ander sal wordt verlaeten. 42. Daerom jellie waek; want jellie no weet, na welk Yer jender Heer sal kom. 43. Maer jellie sal weet dat, als die Hus-Vaeder ha weet, na welk Yer die Dief wil kom, dan hem sal ha waek, en nö lastaen brek na binne sie Hus. 44. Daerom wees bereidt ookal; diemaek die Mens sie Soon sal kom na een Yer, die jellie no denk. 45. Maer wie bin nu een getrow en wies Knegt, die die Heer ka set over sie Husvolk, for giev jeet na sender na regt Tid? 46. Die Knegt bin saelig, als sie Heer sal kom, en sal vind hem due soo. 47. Waerwaer mie seg na jender, dat hem sal set hem over al sie gut. 48. Maer als een boos Knegt sal seg na sie Hart: mie Heer no kom langtit nogal; 49. En begin for slaen sie Meede-Knegten, maer for jeet en drink mit die Dronkarts: 50. Dan die Heer van die selve Knegt sal kom na die Dag...”
8

“...hem ha antwoordt, en ha seg: die dip mit sie Hand mit mie na binne die Skettel, hem sal verraedt mie. 24. Die Mens sie Soon loop wel heen, glik als die ka skriev van hem; maer wee die Mens, die verraedt die Mens sie Soon! die ha wees beeter voor die selve Mens, als hem noit ha ka wees gebooren. 25. Soo Judas, die ha ver- raedt hem ha antwoordt, en ha seg: da mie die bin, Rabbi! en Jesus ha seg na hem: ju seg die. 26. IV.) Maer dietit sellie ha jeet, Jesus ha neem die Brood, ha dank die, en ha brek die, en ha giev die na sie Disciplen, en ha seg: neem jeet; die bin mie Likam. 27. En hem ha neem die Beeker, en ha dank, en ha giev die na sender, en ha seg: drink almael van die: 28. Want deese bin mie Blud, van die nyw Testament, die wordt gestort voor veeletot Vergeving van die Sonden. 29. Maer mie seg na jender, dat mie van nu af no sal drink meer, van wat gruej na die Wien-Rank, tee na die Dag, mie sal drink die nyw mit jender na binne die Rik van mie Vaeder. 30. V.) En dietit sellie ha...”
9

“...ha volg asteran van verre, tee na die Hus van die Hoog-Priester; en hem ha loop na binne, en ha sit hie die Knegten, dat hem ha kan kik, husoo die sal loop af. 59. Maer die Hoog-Priesters en die Oudste, en die geheel Raed ha suek vals Getiegnis tegen Jesus, dat sellie ha kan maek hem doot; en sellie no ha vind niet een gut. 60. En maskee veele valse Getiegens ha kom voor, dog sellie no ha vind niet een gut. Maer na die leste twee valse Getiegens ha kom voor, en ha seg: 61. Deese ka seg: mie kan brek af die Tempel van Godt, en bow die weeran na drie Dagen. 62. En die Hoog-Priester ha staen op, en ha seg na hem: ju no antwoordt, na wat sellie getieg tegen ju? 63. Maer Jesus ha swieg stil. En die Hoog-Priester ha ant- woordt, en ha seg na hem: mie besweer ju bie die levendig Godt, dat ju seg ons, als ju bin Christus, die Soon van Godt. 64. Jesus ha seg na hem: ju seg die; dog mie seg na jender: van nu af jellie sal kik die Mens sie Soon sit na die regter Hand van die Kragt, en kom na die Wolken...”
10

“...258 sal kom vervylt: sellie ha partie mie Kleer onder sender, en ha gooj Lot over mie Kleed. 36. En sellie ha sit daesoo, en ha bewaer hem. 37. En sellie ha set over sie Kop die Reeden van sie Dood, geskreven: deese bin Jesus die Kooning van die Jooden. 38. En sellie ha krusig mit hem twee Moordenars, een na sie regter, en een na sie slinker Hand. 39. VII.) Maer sellie, die ha passeer, ha laster hem, en ha skyd sender Kop, en ha seg: 40. Ju die kan brek af die Tempel, en bow die weeran na drie Dagen, help ju self; als ju bin Godt sie Soon, soo kom af van die Krus. 41. Die Hoog-Priesters, en die Skriftgeleerden, en die Oudste ha spot hem soo ookal, en ha seg: 42. Hem ha help ander, en hem no kan help sie selv; als hem bin die Kooning van Israel, dan hem klem af van die Krus, soo ons sal gloov hem. 43. Hem ka betrou na Godt, hem verlos hem nu, als hem wil hem; want hem ka seg: mie bin Godt sie Soon. 44. Die Moordenars, die ha ka krusig mit hem, ha verwiet hem die ookal. 45. VIII.) Maer van...”