| 1 |
 |
“...direktamente den bida di tur dia, komo fundeshi di un vishon nobo di bida humano, no tin e efekto ku a spera di dje.
Holterman a hasi tur su esfuerso, el a mira hopi bia na unda mester pone atenshon. Despues di Verriet ta Holterman a saka dos karta pastoral, mustrando riba nesesidat di un formashon i trabou sosial di henter Iglesia. Apesar di tur esfuerso, tur trabou hasi tur apoyo ku obispu a duna na tur inisiativa, ku kier hasi algu pa pueblo, mester bisa ku resultado tabata poko. No tabatin koordinashon di esfuerso riba e diferente terenonan riba kua Iglesia tabata aktivo. Den Iglesia lokal di Antia, meskos ku tur parti di mundu, tin falta di lider ku mentalidat i sentido di Iglesia, ku kier baha den pueblo i yuda remedi situashon kaminda tin mester, ku ta turna hende kompleto ku su nesesidatnan material i spiritual....”
|
|
