| 1 |
 |
“...Boneiru. Dos plaka pa un. Esun polis ku tabata pinta na Berg Altena a kumpra bintisinku webu, herebe nan duru, i sinta kome nan den un supl. E anochi ei no tabatin hende ku por a drumi drechi den su kamber.
Pisk no tabata ni kos di papia mes. Sint riba waf ma jega di kwe basta pisk. Unda ku bo tira linja, pisk ta kome.
Un dia, na kampamentu, ma mira un labadera jega ku un asechi pa un di e polisnan. Kuriosidad a butami puntra ta kiko. E labadera a habri e asechi, munstrami pisk has, dom ku sibjo ku tomati. Algu delisioso. Mesora ma puntre ta kwantu e grasia ei ta kosta.
Kwarenta sen.
Trese manjan pa mi tambe. Asina ei ma kome pisk te fada riba Boneiru.
*
* *
Ja ku mi a menshona e labadera ei, mi tin ku konta di un otro labadera, ku tabata biba pariba di Nikiboko. Un muhe ku un atras onbeskop.
Despwes ku el a laba panja pa mi varios be, ma bin komprond ku no ta panja so e ta laba. E tabatin bon kurason tambe. Anto grandi.
35...”
|
|
