| 1 |
 |
“...mi, limpiando algn pistol, den fresku.
Den bida militar tin un detaje ku bo ta sinja rpidamente: Kon saka bo kurpa na fini manera for di trabow desagradabel.
*
* *
Ehersisio ku skopet tabata e adjudant su sistema di kibra nos alma.
Drumi plat abow den un kama di anglo, nos mester a ensaja e posishon pa tira ku skopet. Kantidad di sunpinja di anglo tabata hinka rondo di nos kurpa. Anto bo kokoti di man drechi mester a lastra den tera bai bini, sigun bo ta pone e skopet na posishon.
Si tin un kaminda ku mi kurason a basha palabra malu, sin habri mi boka, anto ta den tal ehersisio.
Asina e adjudant kalkula ku el a mua nos basta, e tabata duna komando: Lanta para, kita sumpinja i kik.
*
* *
Dios a turna e adjudant ei su alma basta tempu kaba. Pero ami ta korda dia notisia a drenta, ku Alemania a ataka Hulanda.
Nos tabata sinti ku algu ta bai pasa. Pesei mester a drumi, ku uniform kla riba stul banda di bo kama, ku skopet, pistol i bala prepara.
Anochi lat un sergeant a kore drenta kampamentu...”
|
|
| 2 |
 |
“...pusha un pedal djis un tiki, i sigui kore kasi shen meter, sin manda bisikleta. Ta e toro ei a sinjami kon bo por drumi, sint riba bisikleta. Por siertu un posishon masha doloroso. Pero ta posibel.
Kwa patruja ku ma sali huntu ku floho, e mester a buska mesora un luga den fresku, pa e para huma su sigaria. Si mi konose tur mondi den Suffisant, ta pasobra floho a sinjami.
*
* *
Un dia mainta, banda di mitar di ocho, e amigu di mi (esun di den Valentijn) i ami tabata koriendo banda di otro riba kaminda grandi. Sigun Politiekeur tabata prohibi pa dos bisikleta kore banda di otro.
9...”
|
|
| 3 |
 |
“...E homber ei tabata un tipo singular. E tabata makamba. Pero su hulandes tabata loke se jama mankaron. Riba un dia el a tira un buriku mata. Bo mester sa ku
polisnan tabata kwe e burikunan ku ta kamna riba kaja. I si donjo no bin
buska nan, anto ta tira e bestianan mata. Pia di kater tabata gosa ki ora ku e por tira un buriku mata.
Ku masha delikadesa e tabata marka dos linja ku potlot riba e buriku su kabes: Di orea drechi pa wowo robes. Di orea robes pa wowo drechi. Dos linja krus. Anto net kaminda e linjanan ta krusa, e ta buta su pistol, laga bala bai. No tin nada mas tragiko ku mira un buriku muri di tal manera. Di ripjente su pianan ta perde forsa. E ta sak den otro, keda morto, sin bisa ni hi.
Ta klaro ku Pia di kater mester nota e kos ei den wachtrapport. Pesei un dia el a skirbi: Heden een ezel doodgeschoten, benevens de kampcommandant.
*
* *
Te patras den Suffisant tabatin un kacho muhe ku a werp nuebe ju. E kacho tabata basta brabu.
Pia di kater a bai huntu ku mi, pa tira e kacho...”
|
|
| 4 |
 |
“...Den un saku di kaimas el a hiba e nuebe junan di kacho Rio Canario. Par kontra di e kur di porko, el a saka su klewang skerpi, i korta garganta di tur nuebe kacho.
Mi ta papia berdad, pasobra ma para mira. Mi stoma a wal.
*
* *
Te awe mi ta sinti dwele, sigun mi korda kara di mi amigunan ku tabata jega Rio Canario, for di Boneiru. Aja nan tabata tee wrda kaminda e Alemannan tabata ser. Pero e wrda tabata poko pis. I masha hopi di nan tabata pega sonjo na post. Un tras di otro nan tabata hanja streng arrest. Na Rio Canario nan tabata sera nan. Pero mainta ta saka nan for di cel, pa nan bai banja. I nan ta probecha pasa den loods serka nos. Nos tur tabata duna nan sigaria ku lusafe i kos di kome, pa nan diberti den cel.
Ku punaise nan tabata pega e kwater puntanan di nan lensu bow di nan kama di palu den cel. I den e lensu nan tabata skonde sigaria i kumnda.
*
* *
Un di e celnan (cel No. 21) tabata net keminda nos tin ku sinta ora nos tin kampwacht anochi. Nos tabatin jabi di e cel, pa ora...”
|
|
| 5 |
 |
“...WARDA DI PUNDA (Hoofdwacht)
Mi prome warda na Punda tabata di diesdos pa ocho. Nachtdienst. Kiko a pasa mi no ta korda. Kestion ku tin e dia nochi ei no tabatin hopi polis pa kore patruja. Ma sali mi solitu den Punda. Di dos or pa tres or di marduga.
Ja kajanan tabata ketu. Tur e putanan di hotelnan den Punda a bai drumi. Shapnan a sera. Tabatin burache drumi na diferente kaminda. Kachonan di kaja tabata skombel den kaha di sushi. I naturalmente Jan Wowo tabata pasa den hanchinan di Punda, ku su bar di kaka riba su garoshi.
Pasando den Madurostraat, ma weta porta abow di un hotel habri. Puru kuriosidad a butami kamna drenta. Ma subi dos trapi, i hanja e porta mas ariba di e hotel na kap. E sala grandi mi dilanti tabata bast. Pero den e sala mas patras tabatin lus. Un grupo di homber tabata sint rondo di un mesa moda biew di mahok, hungando plaka.
Tabata prome be di mi bida ku ma mira un wega di plaka barb. Ma spanta. Ma tolondra. Keremi, mi no tabata sa kiko mi hasi na e momentu ei. E karanan...”
|
|
| 6 |
 |
“...ma mira un kort na su barika di punta pa punta. E sanger a kwaha kaba. No tabatin ni un gota mas ta lek. Bon pur ma hibe wrda, pa nan transporte pa hospital. Te awe mi no por komprond kon un hende por a kamna ku un kort asina mahos, sin bai lew, sin sanger ta kore. E homber ei tabata kanj di su alma. Kisas alkohol a juda.
*
* *
Un ku a korta garganta den Fleur de Marie tambe mi a presensia. E tabata drumi na swela den un kas kibr di tabla. E flur di tabla tabata kompletamente na werki. Tur kaminda e tablanan putr a sak. Tera fis, muskita ku kakalaka tabata hefia den su kas.
Su wowonan a span asina grandi. E no por a papia mas, maske kwantu e purba. E zonidu for di su garganta tabata unikamente un ronk mahos. Anto un klompi di sanger, peg na un pidasitu kweru di garganta, tabata tembla bai bini, sigun e rosea pasa.
Ambulance a hibe hospital. Ei el a muri djis despwes.
*
* *
Pero laga nos lubida un ratu riba e kasonan tristu aki, pa mi konta bosnan di e Alt maj.
Den un wrda di kwater pa...”
|
|
| 7 |
 |
“...al.
Mal sweltu a toka ami di hanja e homber, ora el a sali for di un wega di domino ei banda. Tabata, kere o no kere, un bon konosi di mi.
Ma splike e asuntu. Pero e no kier a tende. Na final mi a dune proces-verbal. E homber a keda ku rbia riba mi te dia di awe.
*
* *
Solteronan polis tabata biba un tempu den Penstraat 24, kaminda awor aki ta Cas di Pueblo. Pero tin asina tantu kos ku a sosode ei den, ku mi
tin ku laga nan pa mas aki ratu.
*
* *
Bosnan lo ta korda ku tempu di gera nos tabatin Verduistering di mi no sa kwantu fase. Trfiko no por a pasa riba Rif. Tabatin baki di santu, ku skop largu ... pa fangu bom ku kai! Tabatin ehersisio di alarma. Varios kaminda den stad tabatin sirena grandi riba master haltu. Tabatin schuilkelder. (Esakinan a sirbi pa hande bibu skonde na momentu di amor i na momentu di nesesidad di kurpa).
Un tramerdia tabatin un alarma. Sirenanan a sklama. I tur hende mester a kore skonde. Turna nota ku ningn hende a drenta ningn schuilkelder. Ta ken lo por a soporta...”
|
|
| 8 |
 |
“...ratu.
Toon ku mi tabatin patruja di un pa dos, esta wrda di anochi. Pasando den Kuiperstraat nos a tende beheit di un tarai den un kas na di dos piso.
Mi di ku Toon: Bo ta ban balia den tarai.
Toon su kurpa a tembla. Mester ta ku e palabra Tarai tabata zona igwal na fiernu den su orea. Morto spant el a puntrami: Bo ta riska?
,,Pakiko no? Ta Ju di Corsou mi ta. Mi konose tur e muhenan ei riba. Ban, laga di ta hasi bo pendew. Subi!
Toon a subi mi tras. E trapi kolebra tabata falta tret varios kaminda. Mester a span pia pa jega e proximo tret. Un tow di homber a montona den e pidasitu balkon. Nos mester a forsa, pusha, pa nos pasa bai paden. Toon a keda koti-koti mi tras. Mi por a sinti na su rosea, ku su alma na tabata den su kurpa.
Asina ma blo den porta, un puta seku manera jorki mal salg, a dal mi un gritu: Pai dushi, wardami kaba e piesa aki, pa mi mulabo.
Kaha di musika tabata kokobia huntu ku wiri. Henter e flur tabata zoja, subi baha. Den huki parti pabow, banda di e skot di tela,...”
|
|
| 9 |
 |
“...bisa. Ta pesei lo e tabata baha su nervio riba nos.
Pero nos a sinti su debilidad. E tabata gusta kortabus ku dabudek masha. Di tantu ku el a kome, e no tabatin garganta mas. Bo no sa manera un bola? Wel, un bola, ku dos man ku dos pia, asina e tersio ei su figura tabata.
Den wrda di kwater pa diesdos i den wrda di diesdos pa ocho nos tabata bai kumpra su gastu pe: Sea kwater dabudek o kwater kortabus. E tabata sinta ocha nan golos! I ora e bebe algn glas di awa su tras, e ta maija, bai buska kaminda pa drumi na skond.
Asina ei nos por a pasa nos patrujanan trankil.
Na Boneiru Arthur a buta e sergeant ei hera di jena su karson. Pero ora mi ta konta di Boneiru, mi ta bin pe.
*
* *
Pero maske e sergeant ei ta morch, di moda ku e no por molostia nos riba patruja, sa sosode ku un patruja por resulta masha laf. Espesialmente entre tres i kwater or di marduga. Esei ta e ora di mas tristu riba kaja. No tin nada di mira. Ningn pelea. Ningn galinja. Horibel.
Edmund ku mi tabata na patruja un be, entre...”
|
|
| 10 |
 |
“...dolo, mi por bisa ku nos brandspuitnan mrka Merryweather tabata duna tur hende dolo di kabes. Un di nan, un wakamanja biew tabata na wrda di Punda. Nan tabata poko aparato digno di para den un museo. Riba nan wiel haltu, tajer di rubber duru, nan tabata duna impreshon di dalakochi. Mester a limpia nan i lombra nan koper konstantemente. Pero nan resultado na momentu di akshon tabata tristu.
Durante di e kandela grandi di un loods na Parera, ma mira ki lastimoso nan trabow ta.
Par bow di un dak, kaminda lenga di kandela tabata lembe bai, ami a hisa e slang na laria i grita: Nummer twee klaar!
Ora e pomp di e brandspuit a kuminsa traha, mi kurason a sera, mirando kon e slang a pishi djis un tiki awa, sin por jega na e kandela.
Ademas nos tabatin un kleine brandspuit. Esei tabatin dos tanki di awa riba dje. Pero bo mester tabata masha bon shafer, pa bo maneha e porkeria ei. Den kada lorada, e awa den e tankinan tabata zwai bai un banda, buta ku kasi bo ta boltu.
Despwes nos a bin hanja algn ...”
|
|
| 11 |
 |
“...e i un otro muhe a marka otro ku kuchu. E kestion di marka tabata un kustumber di muhenan bringando. No ta korta bo adversario. Pero mester marka su kurpa ku kuchu, pa e korda.
*
* *
Marie Pompoen, wat zijn je ogen dierlijk groen. Asina un poesia den de Stoep tabata kumins. En realidad, Marie Pompoen tabata e sitio kaminda amor den pur a sapatia enormemente hopi.
Asina bira skur, autonan di huur tabata hala e parehanan bai pariba, for di hotelnan den Punda. Un kantidad grandi di lus di flashlight tabata baha entre e palunan di indju i e montonan di sushi kantu di laman. Tabata fasil pa mira e sitionan hopi uz, ora bo pasa ei banda den dia. E swela tabata keda limpi, kaminda tantu kama di pushi a karga peso di dos hende.
No ta na nodi pa drenta den detaje riba loke tabata sosode na Marie Pompoen. Tur hende sa. Unikamente dos kaso mi ke konta.
Djo ku mi a bai hasi un patruja den jeep banda di Marie Pompoen. Awor Djo ta un fregado di mrka maj. El a bai para den skuridad net na un di e sitionan...”
|
|
| 12 |
 |
“...puta chabalitu. E homber tabata karga e kama di pushi bow di su brasa, mientras e muhe tabata bula su dilanti. Kara spant di e biew ei mi no por lubida nunka mas, ora lus di e flashlight a dal riba dje.
*
* *
Marie Pompoen number dos tabata Kur di Baka, kaminda Curaao Trading ta na Skarlo. Ei bo por a mira e parehanan na kareda banda di otro. Ei tambe tabatin e truck di Merikanunan, pa desinfekta, despwes di entrga amoroso.
Inkreibel! Mi ta korda kon mi a mira trupa di homber i muhe para banda di e truck, blo sunu, mientras un sida Merikanu tabata duna nan diferente remed.
*
* *
Henteramente otro asuntu, ta esun dia ku schutternan di Aruba a welga, pasobra kumnda no tabata bon.
Nan a buta nan den e edifisio ku awor aki ta Museo. Nos mester a tee wrda. Pero, komprondemi bon. Ta ken lo por a kere ku nos por a trata malu ku poko sida, kende a sufr pa via di mal kumnda?
Nos sergeant tabata sinta den un stul komodo, den un hanchi. I ora mester kambia wrda, e tabata lanta nos for di sonjo! Asina...”
|
|
| 13 |
 |
“...konsidera Corsou un oasis, kaminda nan por a kwe un rosea, pa bolbe sigui nabega den e peliger konstante.
Ta tur e kosnan aki lo a influensha nos, ku nos a bira indiferente.
*
* *
Imaginabo por ehemplo kiko un adjudant ta sinja nos.
Kada be donjonan di shap tabata pidi asistensha di polis, pasobra tin hende burachi ta molostia nan. Adjudant a rasona: Si bosnan a bende bibida ku nan, anto bosnan no mester bin buska judansa di polis, ora bosnan ta hanja difikultad.
Pesei el a sinja nos, pa ki ora ku nos bai duna asistensha den kwalke shap: Sla altijd naar binnen. Nooit naar buiten. Sla desnoods de hele boel kort en klein. Dan zullen ze het wel leren.
I asina a resulta tambe. Ningn hende no tabata ke mira tur su stulnan i mesanan na filingrana mas ku un be.
*
* *
Un majoor a sinja nos kon no mester bira mas praktiko, ora bo sa ku un persona ta hecha baina, sin ku bo por hanja prueba kontra dje.
Mester buska e viktima i trata na hanje den un hanchi skur, kaminda no tin tistigu. Ei bo ta strika...”
|
|
| 14 |
 |
“...SERU DI PIETERMAAI (Berg Altena)
E edifisio bashi, kaminda antes tabata Wrda di Polis, ta drumi sonja net den kabes di Seru di Pietermaai. Kisas ta asina mester a sosode, pasobra Seru di Pietermaai tabata nos Wrda di Sonjo.
Asina bo tende na Hoofdwacht, ku bo mester bai Berg Altena, bo kurpa ta bira dwe automatikamente. Apenas tabatin algu di hasi. Wachtrapport tabata kubri dos o tres frase, o nada en total. Konsekwensha? Sosiegu i sonjo.
Sinembargo a sosode algu. No muchu kos. Pero kon ku bai bini, ta bal pa konta.
Pa kumins nos tabatin ei un brigadier, ku semper ta pinta, enbes di skirbi den wachtrapport. E tabata tuma kasi un minut pa skirbi kada letter. E homber a faja den su karera. E mester a bira maestro di pintura. E tabata un balente homber. Pero kojon manera e so. Boka grandi, pero kurason no ta bal di dos plaka. E tabatin un idea di loko, ku e ta militar Aleman. Pesei e tabata lombra tur konopi, hspu i kweru di su uniform. Si bo wete kamna, bo ta spanta. Pero djis tochi e tersio...”
|
|
| 15 |
 |
“...KAS CHIKI
Dos o tres be ma hasi wrda na Kas Chiki. Nada di kanta makamba. Un wrda laf, ketu. Den e kas riba e pidasitu seru mi tabata sinta lombra wowo, guli stof di kaja. Poko mas pabow tabatin dos o tres kas, kaminda e polisnan tabata biba.
E tempu ei ja Kabaret di Pargata a pasa pa historia. E nomber Onze Vlag tabata resona ainda, pero ja e tabata un- kska, un kadaver, ku un pasado rebulti.
Un bon resultado so e wrdanan na Kas Chiki a dunami. Ei ma sera konosi ku ju muhe di un polis. Un pichn kol di mespu. Un kara djispow. I un kurpa manera kurason di kwalke chabalitu por desea.
Patras den wrda nos tabatin nos prome enkwentro. Ami no a perde tempu, pero start sali di golpi ku namoramentu. Sunchimentu ku chupamentu di lenga a marka mi entrada.
Galinja a gusta ku mi. Di moda ku nos a palabra pa sigui e freiashi na su kas. Dia ku mi a bai su kas, ni su tata ni su mama no tabata ei. E puitu a blo riba mi, bist na su karson so. Dos pechu tamanjo di pera a buta mi wowonan span.
Sin preliminario...”
|
|
| 16 |
 |
“...Mama.
Djis despwes ku mi a akomoda mi mes, ma bai para wak laman, par den porta di Forti. Un mucha a jega serka mi, puntra mi mi nomber.
Si, ta mi mes. Pakiko?
Mama a pidimi bin buska meneer.
Ami di: Ta kla ta. Ma bai ku e chabalitu na kas di su mama. Loga ja kaba nan tabata na altura, ku mi ta biniendo Boneiru. A start un wega di domino ku brandy. I for di e prome anochi riba Boneiru mi amigunan mester a kargami, pone riba kama.
*
* *
Di Forti nos tabata sali, bai hasi wrda na e kampamentu, kaminda e Alemannan tabata ser tras di waja. Nos komedor, kamber i wrda tabata keda mei-mei. Pa parti di nort tabatin e kampamentu pa muhenan. Pa parti suid, kampamentu pa hombernan. Tur rondo tabatin un kaja di mas
0 menos kwater meter hanchu. Niemandsland. Ta nos so por a pasa ei riba, ora ta bai kambia wrda na e dos postnan ku tabatin. Un post tabata kontra di laman. E otro parti di kaja dilanti di kampamentu.
Un kos tabata teribel na Boneiru. Asina dies or bati, lus ta paga. Kajanan ta keda tristu...”
|
|
| 17 |
 |
“...te bai. I fregado manera e so. Dochi tabata kria un porko pretu chiki, ku tabata peg na su kurason.
Un tramerdia ma sali for di hotel Mama, pasando den e plenchi di Forti. Ora ma drei wak den kushna, ma weta Fincho ku Dochi sint ei den. Anto ku un pinset Dochi tabata piki plateis for di Fincho su kabeinan di wowo. Kada plateis tabata muri un morto kim, riba e plachi kajente di heru kaminda tabata buta weanan di kumnda.
Boka habri ma keda wak nan un ratu. I Dochi tabata blo bisa Fincho: Mira un kos aki, porko. Banja ku flit aworo. Banja tur bo kurpa ku flit. Ta sali mas barata, ku si bo pagami kada be un jotin pa ranka nan pa bo.
Algn dia despwes, mientras mi ta drumi riba mi kama, lesando un karta, ma weta kon riba e flur di hotel Mama un kareda di plateis tabata pasando manera un parada. Tur mi kurpa a kumins hinka. Mesora ma bula lanta, buska pomp di flit i huma nan ku ne. No a juda muchu. E luga tabata pest. Ta pesei mester a tee Platjes-parade den kampamentu. E dokter di Boneiru, un...”
|
|
| 18 |
 |
“...Un tramerdia ma hala den solo kajente riba e kaminda di tera, bai pariba serka e labadera. Di antemano mi a laga e otro amigunan di mi splikami kon e aserkamentu tin ku bai. Pues mi tabata prepara.
Riba mi prome pregunta, e kontsta tabata: Stop, shon, stop.
Pero esei no a kita mi bro. Pasobra mi tabata sa ku ta asina e wega ta bai. Tabatin un mucha homber ta frega den kaminda. Pa e disparse, ma duna dies plaka pa kumpra mangel. I djei ma tow e brik, bai den su kamber ku ne.
Wel, mi no por ganja. Su moda di praktika amor tabata sublime. Aunke e barku grandi tabata pidi un kaptan mas fwerte ku mi, mi a logra pasa den e horkan.
Komo toke final e labadera a hunta tur mi kurpa ku awa di florida. Asina ei, ku e holo di florida pest na mi kurpa, ma baha pa Plaja atrobe, den solo kajente, riba e mes kaminda di tera.
*
* *
No a dura muchu, ku mi tambe tabata met den e weganan di plaka riba muraja di forti. Dow tabata lora ku ta tristu.
Den Forti no tabatin bibida sterki. Pesei nos tabata bai den...”
|
|
| 19 |
 |
“...ei ma sali na kareda, pa jega kampamentu. Pa mi jega mas lihe, ma krusa den e sabana ku tin ei banda.
Un muhe biew ku tres mucha chiki a reis riba mi for di tras di un palu. E biew a dal un gritu: Aleman! i ranka kareda bai ku e muchanan.
Ma komprond su sustu. Den skuridad mi uniform tabata parse esun di Alemannan. Jegando na e kaminda enfrente di kampamentu ma bolbe tende un metrajadora skupi bala. Del tiro ma laga mi kurpa kai den tera, i skucha ta di unda e metrajadora por ta tira.
Djei ma dal un gritu: Habri porta pa mi!
Esun polis ku ta wak porta di kampamentu, a kore sali, dal e porta habri i bolbe saka kareda bai paden. Mi ta kere ku mi a krusa e kaminda di tera den menos ku dos sekondu. Morto kans ma kore drenta nos kwarto, kwe mi skopet ku mi pistol, pa para kla. Tur hende tabata prepara.
Mein ora despwes a drenta e notisia, ku ta un ehersisio. Loga ta nos majoor ku algn polis mas a hasi e wega ei, pa mira kon rpido nos ta bolbe den kampamentu.
Tur polis, sin eksepshon, a koba...”
|
|
| 20 |
 |
“...razu. I mes anochi e kas di tabla kor, den kaminda pa kampamentu, tabatin monton di bishita. Pero e bakanal a bira asina teribel, ku despwes di dos siman Gezaghebber a saka e hambra bon for di Boneiru.
Ta e mes hembra aki tabata par ganch ku nos majoor den Keukenstraat.
*
* *
Ma jega di konta kon nos tabata kwe bala ora di ehersisio na Hato.
Wel, mi resrva di bala, a fasilitami den tiramentu di juwana, djis pabow di Lac na Boneiru.
Un dia mainta nos mester a bai, den truck di sushi, ku poko Aleman, pa nan drecha e kaminda di Lac. Mientras nan tabata karga pieda, mi a sinta huma mi sigaria.
Ora di bolbe kampamentu, mi di ku nan, ku mi ta bai tira dos juwana ku sa drumi banda di un binnenwater. Pero nan perkura sera nan boka, sino nan ta weta kiko mi ta hasi ku nan. Tur kwater a bai di akwerdo ku mi. Nan lo no tabatin gana di pasa pa historia.
E truck a para na un distansha di e binnenwater, ku e Alemannan sint patras den baki. Ma laga e shafer ku su kompanjeru bai shi e dos juwananan pa...”
|
|
