| 1 |
 |
“...pasobra e tabata sa ku e porta di kas ta ser, i ku ningn hende stranjo por a hasi e muchanan nada. Ma riba un dia, banda di dies or di mainta, e muchanan a tende un batimentu na porta padilanti. Nan a keda ketu i e dos chikitunan a hala pega den kurpa di esun maj.
E batimentu duru na porta a sigui, i den esei e muchanan a tende un stem pis ta puntra: Tin hende paden ei?
Michi a turna un kurashi, bai wak den un skref, pa e mira ta ken ta par tras di porta. Para un pinga Michi a dal un gritu di sustu. Pasobra tras di porta di kas tabatin e chubatu di kabritu, Masu Boro, par. E mama a jega di konta nan di Masu Boro, e diabel den figura di chubatu. Masu Boro tabata biba lew den mondi. E tabata mas grandi ku un buriku. Anto su wowonan tabata lombra manera kandela.
Asina Michi a mira e bestia mahos tras di porta, el a korda loke su mama a konta, ku tin be Masu Boro ta sali for di mondi, pa e bai buska mucha chiki pa kome. Michi su pianan a kuminsa tembla di miedu. Silvia ku Chencha a tee nan ruman...”
|
|
| 2 |
 |
“...sinti gana di grita, di tantu miedu ku e tabatin. Tur su kurpa tabata tembla.
Pero den esei el a tuma un kurashi i bula lanta for di e banki. Su bista a kai riba e kaha grandi. Sin prd pa gana el a hisa tapa di e kaha, wak si kwalke hende por ta mire, i skonde su kurpa den e kaha. El a kalkula ku den e kaha ei nada lo por a pase. E no tabata sa ku ta den kaha di bala pa skopt el a drenta.
Djis despwes el a tende kon dos sold a kamna jega serka. Nan a hisa e kaha for di swela i kamna bai ku ne. Un sustu di grita a drenta Chiku su kurpa, pero e no a riska grita.
E soldnan a karga e kaha di bala i pone riba un garoshi pafo di porta di forti. Sigun Chiku ta den e kaha el a tende kon varios sold riba kabai tabata pasa banda di dje. Chiku a tende e komandant ta duna komando. Algn sold riba kabai a hanja rdu di bai Bandariba, pa mira kiko e Franses-nan su intenshon ta.
E garoshi ku tabatin e kaha riba dje a kuminsa move. Chiku no por a mira nada, pero di loke e por a tende, el a kompronde ku tur hende...”
|
|
| 3 |
 |
“...triki i pipit poko sombre i poko skopt di e fransesnan.
E Fransesnan a kuminsa basha kareda i grita masha mahos. Chiku a keda skonde ketu di dje. Pero tresten a kuminsa bira sukuritu. Chiku a skonde su kabai den un kweba ei banda, i bai buska poko fruta ku awa den un hofi ei banda. E ku e kabai a kome bon i warda nochi sera.
Asina a bira basta skur, el a bolbe sali ku su kabai. El
a gatia pasa den rama, te ora el a bin weta e Fransesnan
atrobe. Nan tabata papia manera lora, i Chiku a kompronde ku sustu mester a drenta nan kurpa.
Korjendo di un punta na otro Chiku a bolbe molostja e Fransesnan. I kada be ku e bula un sombre o un skopt, e tabata sklama manera alma malu, pa spanta e Fransesnan.
A la largu e Fransesnan a hanja asina tantu miedu di
e spiritunan ku tabata tira riba nan, ku nan tur a kore subi
bordo di nan barkunan i hisa bela bai.
Pa e tin mas sigur ku e Fransesnan a bai, Chiku a subi un seru i para weta kon e barkunan a nabega bai pabow. Djei Chiku a disidi di bolbe Punda. Pero e...”
|
|
| 4 |
 |
“...a wanta riba rema i skucha. Blo
bjentu tabata supla den e palunan di mangel kantu di awa. Manuel su kurason tabata bati te den su garganta. Ma el a domina su miedu i sinta ketu den boto, pa weta ku e por tende mas zonidu.
Tras di otro dos pieda chiki a djublum den awa, dilanti di e jola. Manuel a spanta, aunke mesora el a komprende ku mester tin un hende skond den mangel ta tirando pieda. Su sinti a pasa riba e figura ku el a mira ora ku e karabela tabata serka di bai drenta haf.
Den su prome sustu el a disidi di bolbe mesora na bordo di e karabela. Ma ora el a pensa bon, e di den su mes: No por ta hende grandi ta hasi chansa di pieda. Si tabata un hende grandi ku mal intenshon, lo el a matami ku flecha.
Den esei di ripjente un kajuka chikitu a blo for di den
e mangelnan na su man drechi, biniendo den su direkshon.
Den e kajuka tabatin un mucha indjan sint. Rpidamente e mucha a rema su kajuka i bin pega kontra di Manuel su jola. El a saka man i tee e jola, mientras e tabata hari.
Tur Manuel...”
|
|
| 5 |
 |
“...bin bira basta lat i Manuel a realisa ku e mester bolbe na bordo di e karabela prome ku solo sali. El a splika e piache ku e no por keda mas. Mesora Osapare a bira bisa Menatao algu den su orea. Menatao a kore drenta su kas i sali ku un di e kadenanan ku klornpi di oro. Osapare a tuma e kadena i kologa esaki na Manuel su garganta. Vlandam di e kandela a buta e klmpinan di oro lombra. Manuel por a grita di kontentu. Nunka el a spera di hanja oro asina fasil. Aunke na e mes momentu a drente un sustu. Kon e ta hasi ku e oro na bordo? Kwalke matros o kisas Juan Luis mes lo kite for di dje. Un muhe indjan a trese un makutu ku poko webu di turtuga i webu di bubi pe. Osapare a bolbe pone su mannan riba Manuel su kabes komo sen jal di despedida. Tur e indjannan a bin jame ajo. Un otro muhe indjan a kore bin dune pida konnchi mas. Menatao a regale un flecha masha bunita dorn.
Manuel a drenta su jola i Menatao a bula den su kajuka, pa kompanja Manuel na kaminda. Tur e indjannan a para jama Manuel...”
|
|
| 6 |
 |
“...71
awa. Ku sustu Manuel a fula e skopetnan ku su punta di pia. Su sinti a kuminsa traha rpidamente. E mester a pensa pur kiko e por hasi pa salba su amigunan. Sigun e jola tabata sigui bai paden, Manuel tabata bira mas nervioso.
Den esei, ora nan tabata serka di jega na e lorada banda di e baranka, a parse Manuel ku el a mira algu move den e mangelnan. El a warda un ratu, pa mira ku Joselito por a nota algu. Pero parse ku Joselito no a ripara nada, pasobra el a sigui rema ketu bai.
E ora ei Manuel a disidi riska su chens. E di ku Joselito: Laga nos pasa te. kantu di tera. Ei awa ta mas kalmu i asina nos ta jega mas lihe. Joselito a kere i mesora nan a hala mas kantu di tera. Mientrastantu Manuel su wowonan tabata buska manera loko den e skuridad mei-mei di e mangelnan.
Kasi e por a dal un gritu di kontentu, ora el a mira un punta di Menatao su kabes sali djis un ratu for di e mangelnan. E no a prd pa gana, i duna Menatao un senjal, mustrando riba Joselito.
Menatao ku tabata sint skond den...”
|
|
