| 1 |
 |
“... ta di dje e webunan ta.
Totolika a pone kabes na boka di e labizjan, i jora awa kwater-kwater, te jena su labizjan lata-lata.
Mushe Raton a hanje pur. El a forsa pa jora. El a primi su wowonan. El a pensa riba kos tristu. Pero nada no a juda. Ni un gota di awa no a sali for di su wowonan. Den su ansha el a kuminsa skupi den e labizjan, pa purba jene. Pero su garganta a seka, di moda ku skupi a kaba lague.
E ora ei e polis a entrega e totolika su dos webunan, i duna Mushe Raton un bon airu di sota ku malat. Mushe Raton a grita, te ku murajanan di warda a tembla. Tur e
pranan par pafo a hari te lora bow.
Ora Mushe Raton a sali ku su kara na bergwensa, el a dobla rabu, kore drenta mondi, sin drei wak patras.
For di e dia ei nunka mas Mushe Raton a riska horta webu di ningn pra....”
|
|
| 2 |
 |
“...28
ku a la largu Djodji no por a soporta mas. El a bringa pa sali for di awa, ma su pianan a pega den lodo. Djodji a spanta i basha poko gritu masha mahos mes. Su boroto a lanta Buchi Albu for di sonjo. Bon sar Buchi Albu a drenta hfi, lastra Djodji for di den awa i dune un bon sota di bulpes. Ma Djodji a wanta su sla boka ketu. I e di dos anochi el a bolbe bai hasi e mesun remedi.
Sanguranan a bolbe kome Djodji rondo di su kurpa. Djodji a grita pi ku porko. Atrobe Buchi Albu a bin sake i dune dobbel kantidad di sota.
Di tres anochi ku Djodji a borota den dam, Buchi Albu a harte ku sla atrobe i mare ku kadena bow di un palu di tamarein.
Buriku animal, Buchi Albu a zundre. Ba kere ku mi ta sigui soporta bo bochincha tur anochi? Manjan mainta mi ta bendebo.
Asina a bin sosode ku Pepern a skapa di su dos enemigu-nan. Ora Buchi Albu a sali for di porta di kur ku Djodji na kadena, Pepern a bula riba dak di kwchi di galinja, i dal tres kokojoko ku nan por a t;ende te na cabes di Corsou....”
|
|
| 3 |
 |
“...ku ta. Pero ja Joselito tabata par su dilanti kaba.
Ta kiko bo ta hasi riba dek awor aki? Joselito a puntre ku stem hostin.
Mi tabata para wak laman, Manuel a ganje.
Wak laman di e manera ei, ku bo pia peg den kabuja i bo panja tur muh? Bisa lihe kiko bo tabata hasi, sino mi ta raportabo serka kaptan, pa bo hanja un bon sota. Joselito su kara falsu a buta Manuel tembla di miedu. Ku su rabi wowo el a weta e kuchu na Joselito su faha.
No, Joselito, el a basha na joramentu. Mi no ke hanja sota.
Si bo konfiami tur kos, mi ta keda ketu.
Manuel a tende e rosea pis di Joselito, i el a pensa riba e oro den su saku. Aki no tabatin manera di skapa. Sea konta Joselito o hanja sota den dek dilanti di tur tripulantenan. Kisas Joselito por a mate tambe i tire na laman.
Mi kier a bai keiru un tiki den jola, Joselito, nada mas.
Nada mas? Sigur ba kere ku bo so ta bai buska oro, prome ku nos explora e isla aki? Joselito a lanta Manuel for di swela i kuminsa choka su garganta....”
|
|
