| 1 |
 |
“...Djodji a wanta su sla boka ketu. I e di dos anochi el a bolbe bai hasi e mesun remedi.
Sanguranan a bolbe kome Djodji rondo di su kurpa. Djodji a grita pi ku porko. Atrobe Buchi Albu a bin sake i dune dobbel kantidad di sota.
Di tres anochi ku Djodji a borota den dam, Buchi Albu a harte ku sla atrobe i mare ku kadena bow di un palu di tamarein.
Buriku animal, Buchi Albu a zundre. Ba kere ku mi ta sigui soporta bo bochincha tur anochi? Manjan mainta mi ta bendebo.
Asina a bin sosode ku Pepern a skapa di su dos enemigu-nan. Ora Buchi Albu a sali for di porta di kur ku Djodji na kadena, Pepern a bula riba dak di kwchi di galinja, i dal tres kokojoko ku nan por a t;ende te na cabes di Corsou....”
|
|
| 2 |
 |
“...gobernador kiko a pasa. Ma ora nan a jega na porta di forti bw di masha kantamentu, nan a mira shon Cario ta kore bini tras di gobernador Doncker. I sigun komandant tabata konta gobernador kiko a pasa, shon Cario a ranka bini riba Chiku ku un bulpes. Pero e komandant a ripar kiko shon Cario ke bai hasi. Mesora el a bula dilanti di Chiku i ranka e bulpes for di shon Cario su man. El a hisa e bulpes tira lew i bisa shon Cario: Bo sa kiko e mucha aki a kaba di hasi? Lagami bisabo. Ta e mucha aki a skapa nos tur. Komandant a sigui konta tur loke a pasa, pa gobernador i shon Cario sa presis kon e kos ta. Chiku a para banda di su amigu Klaas i kontest tur loke komandant ku gobernador a puntre. E ora ei shon Cario a bin kalma. Su wowonan a jena ku awa. El a kwe Chiku brasa i primintie tres par di pargata nobo i tres karson nobo.
Ki sorto di regalo bo ke?, gobernador a puntre.
Mesora Chiku a kontest: Si por, mi ke un kabai....”
|
|
| 3 |
 |
“...54
pasenshi nan a warda te ora e Indjan a sali basta den mondi.
Asina nan a kalkula ku e distansha entre e Indjan i e kweba ta basta grandi, nan a bula sali for di rama, ku skopt kla pa tira.
E Indjan a bira wak tur dos, morto spant. E kier a kore drenta e kweba atrobe. Pero e muchanan tabata asina serka di dje, ku e no tabatin moda di skapa mas. El a mira e dos skopetnan dirig riba dje. Esei a bute keda friw. Ku wowo asina grandi jen di miedu, el a hisa man na laria, i pidi nan pa no tira riba dje. E tabata papia Spanjo poko mankaron.
Ki bo ta hasi ei den? Mario a puntre. Emilio a kamna jega serka. E Indjan a keda wak e dos muchanan, sin ku palabra por a sali for di su boka.
Ma puntrabo kiko bo ta hasi den e kweba ei, Mario a ripiti.
No, no mishi ku nos difuntunan, e Indjan a kuminsa rabia.
Unda bo difuntunan ta der? Emilio a puntre. E Indjan a munstra den direkshon di west, kaminda tabatin un pida mondi basta ser.
Ba weta? Emilio a bira bisa Mario. Nos a sherta. Ban ku ne mesora, pa mira...”
|
|
| 4 |
 |
“...laman, Manuel a ganje.
Wak laman di e manera ei, ku bo pia peg den kabuja i bo panja tur muh? Bisa lihe kiko bo tabata hasi, sino mi ta raportabo serka kaptan, pa bo hanja un bon sota. Joselito su kara falsu a buta Manuel tembla di miedu. Ku su rabi wowo el a weta e kuchu na Joselito su faha.
No, Joselito, el a basha na joramentu. Mi no ke hanja sota.
Si bo konfiami tur kos, mi ta keda ketu.
Manuel a tende e rosea pis di Joselito, i el a pensa riba e oro den su saku. Aki no tabatin manera di skapa. Sea konta Joselito o hanja sota den dek dilanti di tur tripulantenan. Kisas Joselito por a mate tambe i tire na laman.
Mi kier a bai keiru un tiki den jola, Joselito, nada mas.
Nada mas? Sigur ba kere ku bo so ta bai buska oro, prome ku nos explora e isla aki? Joselito a lanta Manuel for di swela i kuminsa choka su garganta....”
|
|
