| 1 |
 |
“...54
pasenshi nan a warda te ora e Indjan a sali basta den mondi.
Asina nan a kalkula ku e distansha entre e Indjan i e kweba ta basta grandi, nan a bula sali for di rama, ku skopt kla pa tira.
E Indjan a bira wak tur dos, morto spant. E kier a kore drenta e kweba atrobe. Pero e muchanan tabata asina serka di dje, ku e no tabatin moda di skapa mas. El a mira e dos skopetnan dirig riba dje. Esei a bute keda friw. Ku wowo asina grandi jen di miedu, el a hisa man na laria, i pidi nan pa no tira riba dje. E tabata papia Spanjo poko mankaron.
Ki bo ta hasi ei den? Mario a puntre. Emilio a kamna jega serka. E Indjan a keda wak e dos muchanan, sin ku palabra por a sali for di su boka.
Ma puntrabo kiko bo ta hasi den e kweba ei, Mario a ripiti.
No, no mishi ku nos difuntunan, e Indjan a kuminsa rabia.
Unda bo difuntunan ta der? Emilio a puntre. E Indjan a munstra den direkshon di west, kaminda tabatin un pida mondi basta ser.
Ba weta? Emilio a bira bisa Mario. Nos a sherta. Ban ku ne mesora, pa mira...”
|
|
| 2 |
 |
“...64
Juan Luis a kai sinta den un huki banda di poko troshi di kabuja, pa e bebe su binja manera kustumber. Manuel a warda ku su santu pasenshi, te ora Juan Luis a bira fuma i kuminsa kabisha.
Asina Juan Luis tabata bon na sonjo, Manuel a kita bai, riba su punta di pia. Manera pushi el a pasa riba dek, pa wak ta kwa matros ta na wrda. Tabata Joselito. Manuel tabatin miedu di dje, pasobra Joselito tabata masha falsu i e tabata gusta bringa ku kuchu. Ma un detaje si e tabata sa bon di Joselito. Ki chens ku Joselito hanja, e tabata drumi, hasta ora e ta na wrda.
Manuel a warda un ratu mas, pasobra e ke tabatin sigur ku ningn hende ta mira kiko e ta bai hasi. Despwes di un ora a bin sosode manera Manuel a kalkula. Joselito tabata kabisha patras den dek, kaminda tabatin e lantrnu kologa.
Manuel a kamna pasa poko-poko den skuridad, skucha un ratu mas pa weta ku por tin kwalke hende lant ainda. Tur tabata na sonjo. Uniko zonidu tabata di e barku ku tabata zoja i keha riba anker.
Ku masha kwidow...”
|
|
