| 1 |
 |
“...den e garoshi, riba e banki kaminda Chein sa sinta. E saku di papel a bai patras den garoshi. Dolfi a sintie asina tantu den su gloria, ku e no a ripara sikiera ku su mama tabata jora, jamando nan ajo.
Chein a klap e zjwip den laria, i e mla a kuminsa hala e garoshi. Zonidu di e wilnan tabata muzik pa Dolfi su oreanan. E tabata gosa di mira e lomba grandi di e mla ta janga bai bini.
Bute mla basha kareda, el a pidi Chein, asina nan a jega den kaja. Chein a klap su zjwip dos be i dal un gritu. A parse Dolfi ku e garoshi tabata bula. Tur kos ku nan a topa riba kaminda tabatin Dolfi enkant. Un buriku, un palu di shimaruku, un indju grandi, un kabritu ku un blachi di sumpinja na su kurpa, ol di mondi i kantika di paranan. El a puntra Chein mil i un kos, te kasi buta Chein bira ral di papia.
Asina nan a jega Chinch, Chein a baha, bai entrega tur plaka di loke el a bende pa shon. Djei nan a kore un pida mas, pa jega Chein su kas.
Mena a sali bin kontra nan, ku kacho ku pushi. su tras.
O shon, e...”
|
|
| 2 |
 |
“...40
ku nan. I tabata parse ku e kabainan tabata kompronde Chiku, sigun e ta konta nan kon e ta bai pone kui pa kwe totolika kon e ta bai tira juwana den mondi. E kabainan tabata frega nan kabes kontra di Chiku su kara, komo si fwera nan kier a karisj e mucha katibu. Pero ki ora ku e kabainan munstre nan karinjo, Chiku tabata keda ketu i bira un poko tristu. Pasobra shon Carlo a hure ku pena la bida e subi riba e kabainan.
Chiku tabatin masha deseo di un kabai, pa e sinta riba dje i kore pasa den mondi, meskos ku shorombu Albert, e ju maj di shon Carlo. Kada be e tabata konta e kabainan ku kwalke dia lo e tin su mes kabai, pe kore pasa den mondi, pe bai Punda i Bandariba, pe sinti bjentu bati den su kara sigun e ta pasa na galop riba su kabai.
Un dia ku e tabata sinta banda di pos den hofi, trahando un pali lele pa Nana, el a puntra Dozi, e fit, kwantu asina un kabai ta kosta.
Pa barata shen florin.
Chiku su wowonan a span asina grandi i el a pensa un ratu, sigun el a mira kon Dozi tabata...”
|
|
| 3 |
 |
“...kalkula ku ta Mario. El a sigui gatia pushi-pushi, pa jega mas serka posibel di e baranka. Tresten Mario tambe tabata jegando serka.
Ora nan dos tabata basta serka di un kweba grandi den e baranka, nan a para ketu i skucha. Pranan tabata fleit ketu bai.
Mario a imita ku di totolika, sperando ku Emilio lo i kompronde. Den esei el a weta Emilio su punta di kabes sali
tras di un rama. Mario a hasi un senja. Emilio a kompronde.
Mesora Mario a tira un pieda mas o menos binti meter
. dilanti di e kweba. Parse ku zonidu di e piedra a hala aten-
shon di e hende den kweba, pasobra djis despwes e muchanan a mira un Indjan saka kara pafo di e kweba. Nan kurason a dal te den nan boka. Ke men ku tabatin un Indjan di berde den Klof. Ma nan no a kore jega serka mesora. Ku nan santu...”
|
|
| 4 |
 |
“...61
MANUEL I MENATAO
E tres hombernan par riba dek di e karabela Spanjo a keda mira e isla deskonosi na un distansha.
E terenu parse loke nos a kaba di weta na Guajira, Juan de la Cosa a observa despwes di un ratu. Bjentu tabata supla i bruha su kabei pretu, loke a buta su kara severo, ku e chibu na su kachete bira un kombinashon poko chistoso.
Amerigo Vespucci a bira wak e: Basta nos no bolbe pasa e difikultad ku nos tabatin na Guajira. Eh, Alonso, kon ta sigui ku nos hendenan herid?
Tur a rekupera un poko, Ojeda a kontest. Otro kos, Juan, abo ku ta nautiko por bisa nos. Bo ta kere ku nos por baha na tera awe mes?
Mi ta kere ku s. Pero tin un korjente masha fwrte ta hala dilanti di e isla aki.
Morales, Perez, de Siria, Ojeda a grita algn matros. Hisa sobr bela pa nos aumenta velosidad.
Mesora belanan a bai larja i e barku a kuminsa korta laman. Sinembargo nan mester a kapja dos be bai bini, prome ku nan a logra drenta e haf ku nan tabata mirando. Tur homber na bordo a sinti e mes emoshon...”
|
|
| 5 |
 |
“...71
awa. Ku sustu Manuel a fula e skopetnan ku su punta di pia. Su sinti a kuminsa traha rpidamente. E mester a pensa pur kiko e por hasi pa salba su amigunan. Sigun e jola tabata sigui bai paden, Manuel tabata bira mas nervioso.
Den esei, ora nan tabata serka di jega na e lorada banda di e baranka, a parse Manuel ku el a mira algu move den e mangelnan. El a warda un ratu, pa mira ku Joselito por a nota algu. Pero parse ku Joselito no a ripara nada, pasobra el a sigui rema ketu bai.
E ora ei Manuel a disidi riska su chens. E di ku Joselito: Laga nos pasa te. kantu di tera. Ei awa ta mas kalmu i asina nos ta jega mas lihe. Joselito a kere i mesora nan a hala mas kantu di tera. Mientrastantu Manuel su wowonan tabata buska manera loko den e skuridad mei-mei di e mangelnan.
Kasi e por a dal un gritu di kontentu, ora el a mira un punta di Menatao su kabes sali djis un ratu for di e mangelnan. E no a prd pa gana, i duna Menatao un senjal, mustrando riba Joselito.
Menatao ku tabata sint skond den...”
|
|
