| 1 |
 |
“...anjanan a pasa manera nada. Mal por a kome bon. Su kurpa a jena poko. E tabata kanta su kantikanan, sigun e ta bar kas o traha den kushina. Tur hende a kere ku Mal ta felis. Pero Mal a sigui pensa riba su tata i su mama. Riba su pueblo na Afrika. Riba Ngano, e hoben ku antes tabata bin kumpra baka serka su tata. Ngano tabata un prinsipe haltu, elegante, bon form. Mal a rekorda kon un dia el a para huntu ku su tata den kur di baka, wetando kon Ngano tabata kamna. I Mal a sinti algu den su kurason.
Papa), el a puntra su tata. Bo ta lagami kasa ku Ngano?
Ta bon, Mal. Pero pa bo kasa, Ngano tin ku pagami ku dosshen baka.
*...”
|
|
| 2 |
 |
“...38
den tempu di sekura, pa asina ei nan tambe demonstra nan gratitud.
Su manise, ora Dolfi a bolbe serka su hendenan, kas por a bini abow di alegra. Tur Dolfi su rumannan tabata kontentu. Papa Mani a bisa Dolfi, ku mesora e ta bai buska skol pe. Adela a hanja sen pa kumpra kamisa, karson i sapatu, pa Dolfi bai skol.
Bea, Anton ku Polin a bin pasa dia serka Dolfi. Konstan-temente kas tabata jen di hende, pa tende e notisia grandi.
Merdia Chein a bin suta su stob di bestia chiki serka nan, i el a keda kombersa te sinkor di atardi.
Asina Dolfi su bida a kambia por kompletu. I tur su vakansinan el a sigui pasa serka Pa Chein ku tantan Mena na kunuku....”
|
|
