| 1 |
 |
“...entreg Adela e kanika di lechi, e sa sinta bebe kofi i kombersa un ratu, prome ku e sigui. Dolfi sa sinta pega ku Chein su stul. Anto e sa weta e simanan di anglo peg riba Chein su pargata. E tabata sinti oio di kunuku rondo di Chein su kurpa.
Despwes ku Chein bai, Dolfi sa hole e bshinan di jerba ku Chein a trese pa su mama, oregano, mampuritu, jerbi ole, jerbi sangura. Asina ei e oio di e jerbanan tabata Dolfi su konswelo, den su deseo di bai kunuku.
Varios be den dia e mama tabata sinja Dolfi lesa ku skirbi, komo Dolfi no por a bai skol. Ma ora su mama ta bari, laba o kushin, Dolfi sa sinta hunga ku su huguetenan den porta di kas. Ma semper ta esun idea tabata den su kabes: bai kunuku.
Riba un dia Chein a jega na porta, ku kara masha serio.
Ta kiko a pasa, Pa Chein? Adela a informa.
Awe mi ta disididu, Chein a kontest i entreg Adela e kanika di lechi. Dolfi a hanja stranjo ku Chein su kara ta ser. Pero Pa Chein a wak un chens i kinipie un wowo. Mesora Dolfi a kompronde ku Pa Chein tabatin...”
|
|
| 2 |
 |
“...nan auto, asina nan jega banda di Klof. Anto nan tabata kore pasa ku masha velosidad. Sigun nan tabatin spiritu den Klof.
Mario a hari i puntra, ku nunka kwalke hende por a mira un spiritu den Klof.
Mi no a tende di ningn ku a mira. Kestion ku tin te awe tin hopi hende ku tin miedu di Klof. Nan ke ku ta un luga peligroso.
Gran pantomina. Spiritu no ta existi. Ami ta kere, ku ta pasobra antes tabatin bringamentu ei banda. Entre Spanjo ku Hulandesnan. Indjannan a bringa na banda di Spanjonan.
Ba lesa algu riba e kos ei??
"Klaro. Dia Hulandesnan a jega Corsou na 1634, Spanjonan a bringa kontra Hulandesnan banda di Ascencin. E Indjannan ku tabata huntu ku e Spanjonan, a hui, bai skonde den mondi i den kweba. Asta e Spanjonan mester a hasi e Indjannan fuma, pa nan hanja brio di bringa kontra e Hulandesnan.
Ma kompronde. Probablemente basta Indjan lo a muri banda di Klof. Pesei e idea di spiritu a drenta, i keda existi.
Awor ami ke pensa mas lew. Bo sa ku biewnan di kunuku tabata papia di un Indjan...”
|
|
