| 1 |
 |
“...djis banda di dje. El a habri un wowo so, i mira Djodji, e buriku di Buchi Albu, ku Shi Bitwel, e warawara sinbergwensa, ta para papia. Pepern tabatin rabia riba Djodji, pasobra Djodji tabatin e mal mania di dal gritu den anochi. E kos ei tabata molestia Pepern. Sigun Pepern ta e so tabatin derechi di kanta kokojoko den anochi, pa marka ora. Ademas e gritu mahos di Djodji tabata lanta tur galinja for di sonjo. Loke ta ku Shi Bitwel, ku esei Pepern no por a parti un pan. Shi Bitwel no tabatin konsenshi. Masha hopi be Pepern mester a konsola e galinjanan, pasobra Shi Bitwel a kome nan puitunan.
Pesei ora Pepern a tende su dos enemigunan ta papia, el a span su orea, pa e tende ta kiko e dosnan tin di bisa.
Shi Bitwel di: Bo sa kiko ta pasa, Djodji? Ol stinki di mi kurpa ta molostiami. Tur bestia ta kore pa mi. Mi ke sa ki mi por uza pa kita ol malu.
Djodji tambe a sinti e ol tristu na Shi Bitwel su kurpa. Anto e ol a buta su stoma wal.
Owel, bo sa, Shi Bitwel, el a kontest e warawara. Pa bisabo...”
|
|
| 2 |
 |
“...a bolbe lastre bai ku ne te den su kamarote, i hure pa e keda ketu, sino e ta mate. Joselito a kohe dos skopt i jena su sakunan ku bala. Mientrastantu pober Manuel tabata tembla manera jerba di bjentu. E tabata blo pensa riba Menatao, Osapare i tur e otro indjannan. El e rekorda kon bon nan a trate, anto awor Joselito kier a mata nan, djis pa hanja poko oro. Manuel kier a grita jama Jos Luis. Pero el a realisa ku esei lo a nifika su morto mesora. Joselito no tabatin ni un tiki sintimentu ni konsenshi.
Nos ta kla, Joselito a bira bise. Ban ku mi. Manuel a forsa pa domina su miedu, i el a kamna sali huntu ku Joselito. Riba dek tabata ketu.
Joselito a bute baha prome. Despwes Joselito a baha su tras na e kabuja di anker. Nan a landa bai na e jola i bula aden. Joselito a buta e skopetnan su dilanti den bom di e jola. Awor ku tabatin dos hende pa rema, e jola tabata bula riba...”
|
|
