| 1 |
 |
“...Ngano a lanta for di swela i bai pafo serka Mal i Madela. Tur kos el a konta nan. Kon poko komerciante di katibu a kwe nan prezu. Kon nan mester a kamna distansha lew, meskos ku Mal. Te dia nan a jega Corsow.
Judami, Ngano, Mal a rogue. Judami pa nos hui bai. Mi sa di hopi katibu ku a hui den kanoa, bai biba na ksta di e luga ku nos ta mira ora tempu ta bon.
Ngano a priminti ku e ta hasi tur su posibel. Pero ku nan lo mester a warda te dia laman ta poko kalmu.
Asina a bin sosode, ku un anochi, den luna di agosto, laman tabata basta kalmu. Mal a lora un bola di funchi ku poko karni salga den un lensu di kabes, pa nan por kome na kaminda. Ngano a bai ku e machete ku el a uza pa kap palu den mondi.
Banda di un or di marduga nan a subi kabai di shon Simn, kore bai te Wespen. Ei nan a drenta un kanoa ku tabajtin hal riba tera. Ngano a rema, te ora nan a sali for di e boka. Pero djei el a hisa bela. E brisa di laman a dal den e bela. Te kanoa a korta laman, den direkshon di ksta di Venezuela....”
|
|
| 2 |
 |
“...e mucha su pia, te ora nan a bira kajente. Mientras-tantu e otro bestianan a trese loke e palabrua a pidi. Den un kalbas e palabrua a meskla tur e kosnan ku su pik i duna Dolfi bebe.
Bo ta bai djis un krenchi sonjo, e palabrua a avise. Ora bo lanta, bo por kamna.
Dolfi a bebe golos i djis el a pega sonjo masha dushi. E palabrua a sigui ku masashi, mientras ku e otro bestianan a para un banda, ku nan boka ketu.
Ni un kwartu di ora despwes Dolfi a habri wowo, mira tur e bestianan rondo di dje.
Kalmu. No move ainda, e palabrua di ku ne. Bo ta sinti bo pianan kishiki? Dolfi a kontesta ku s.
Ta e remedi ta sigui traha. Awor e konenchinan ta bolbe hibabo bow di e palu di tamarein. Ora Chein bolbe, bo ta lanta kamna su dilanti. Korda loke bo a priminti. Si bo no kumpli ku bo palabra, bo ta bolbe bira mankaron....”
|
|
| 3 |
 |
“...50
fantasia, si un o mas Indjan por a bolbe Corsou despwes.
Bo tin rason.
Pero kiko e Indjan ei a bin hasi? Tesei mi ke sa. I mi ke sa ku despwes di dje por a bini mas Indjan.
Indjannan tabata respeta nan difuntunan masha.
Esei ta sigur.
I kisas nan tabatin algu mas ward o skond aki na Corsou.
Bo ke men oro?
Por ehemplo.
Ma na Corsou no tabatin oro.
Na Aruba s. Nan lo por a bini ku oro for di Aruba.
Nan lo tabatin kwalke artikulo, prenda o kadena di oro.
Ban ku kalmu. Awor si bo ta sonja.
Mi sinti ta parew.
Bo ke men ku den Klof tin kos di oro skond?
Exaktamente. I pesei e Indjan o mas Indjan lo por a bolbe Corsou.
E dos muchanan a sinta pensa poko mas riba e kaso, te ku a la largu a drenta nan un entusiasmo pa bai investiga e
misterio di den Klof. Nan a priminti otro, ku nan no ta bisa
ningn hende nada di nan plan. I si nan grandinan puntra algu, nan lo bisa ku nan ta bai kamper un siman na Barber den nan vakansi grandi.
XXX
Den di dos siman di nan vakansi grandi Mario ku Emilio tabatin...”
|
|
| 4 |
 |
“...62
Banda di mitar di sinku di atardi e karabela a logra drenta den e awa kalmu di e haf. Na un distansha di dos shen meter for di e boka Ojeda a laga nan tira anker. Ei e barku a keda zoja riba anker, mas o menos mei-mei di awa.
Nan a ripara ku djis un tiki mas lew, na man drechi, tabatin un laman chiki ta bai aden. Vespucci a propone pa nan drente, pa hanja kisas mas protekshon kontra bjentu. Pero despwes nan a nota ku e awa den boka mes ta hopi kalmu, i e karabela a keda mes kaminda.
Na kada banda, riba tera, tabata jen di palu di mangel. Algn makwaku tabata drif den larja riba nan kabes. Te kaminda nan bista por a jega, nan a mira seru, hopi palu di indju, palu di brasil i jerba. Pero nada di hende bibu.
Bo ta kere ku e isla aki por ta pobl? Ojeda a puntra Juan de la Cosa, kende tabata studia un mapa.
Ta posibel. E hendenan lo por a spanta i bai skonde. Probablemente nan sa kaba ku nos tei.
Ban tera anto pa nos mira.
Vespucci sinembargo a hanja ku a tripulantenan ta muchu kans despwes...”
|
|
| 5 |
 |
“...rpidamente. E mester a pensa pur kiko e por hasi pa salba su amigunan. Sigun e jola tabata sigui bai paden, Manuel tabata bira mas nervioso.
Den esei, ora nan tabata serka di jega na e lorada banda di e baranka, a parse Manuel ku el a mira algu move den e mangelnan. El a warda un ratu, pa mira ku Joselito por a nota algu. Pero parse ku Joselito no a ripara nada, pasobra el a sigui rema ketu bai.
E ora ei Manuel a disidi riska su chens. E di ku Joselito: Laga nos pasa te. kantu di tera. Ei awa ta mas kalmu i asina nos ta jega mas lihe. Joselito a kere i mesora nan a hala mas kantu di tera. Mientrastantu Manuel su wowonan tabata buska manera loko den e skuridad mei-mei di e mangelnan.
Kasi e por a dal un gritu di kontentu, ora el a mira un punta di Menatao su kabes sali djis un ratu for di e mangelnan. E no a prd pa gana, i duna Menatao un senjal, mustrando riba Joselito.
Menatao ku tabata sint skond den su kajuka tras di mangel a kompronde mesora ku su amigu ta den peliger. El a warda te ora e jola...”
|
|
