| 1 |
 |
“...58
Dos luna largu e katibunan no a kome slu. Nan kurpa a bira lihe. Nati tampoko no a kome slu dos luna largu, i e tambe su kurpa a bira lihe.
Riba un dia, ora e katibunan tabata traha den mondi, Nati a weta ku Djowili a duna nan un senja. Un pa un nan tabata turna un gobi serka Djowili. Anto nan tabata papia un kos den e gobi. Un ratu despwes Djowili a jega serka Nati, i puntre ku te ainda e tin e mesun idea di bula bai.
Nati a kontest Djowili: Dos luna largu mi no a kome slu. Mi kurpa ta lihe. Mi tambe ke bula bai.
Papia anto den e gobi aki loke mi bisabo. Nati a turna e gobi den su man i skucha.
Donu, donu kani bolo, Djowili a kuminsa.
Nati a ripiti meskos: Donu, donu kani bolo, wate ng. Na viau aki au ta mi tera. Tera jobo ku chambo. Mi ze wana waze, tapa zelo.
Nati ku tu e katibunan a subi para riba un baranka. Nan a span nan brasanan, hisa nan kara na laria.
Patagan a grita: Mi ze wana waze.
Djowili a kontest: Tapa zelo. I na mes momentu tur e katibunan a lanta for di e baranka, bula...”
|
|
