| 1 |
 |
“...bin sosode, ku un anochi, den luna di agosto, laman tabata basta kalmu. Mal a lora un bola di funchi ku poko karni salga den un lensu di kabes, pa nan por kome na kaminda. Ngano a bai ku e machete ku el a uza pa kap palu den mondi.
Banda di un or di marduga nan a subi kabai di shon Simn, kore bai te Wespen. Ei nan a drenta un kanoa ku tabajtin hal riba tera. Ngano a rema, te ora nan a sali for di e boka. Pero djei el a hisa bela. E brisa di laman a dal den e bela. Te kanoa a korta laman, den direkshon di ksta di Venezuela.
Nunka mas shon Simon ni Madela no a tende nada mas di Ngaino ku Mal. Pero hopi tempu despwes un katibu lber, ku tabata nabega na bordo di un balandra, a bin konta e...”
|
|
| 2 |
 |
“...e mrkanan a kaba. Nan no por sigui riba dje mas.
Mario di: Ban buska si nos por hanja kaminda e Indjannan ta der. Kisas ei nos por deskubri algu interesante. E muchanan a ba lomba pa bai. Net e momentu ku nan a bira lomba, un flecha a ronka pasa banda di nan. Mesora tur dos a dal abow na swela, morto spant. Ku rosea tur kortiku Mario di: Esaki s ta mal chansa. Bo ta kla pa kore?
Emilio, ku su kara na tera a grunja: Laga nos drumi ketu un ratu prome. Djei nos ta buska e flecha, pa mira di ki direkshon el a bini.
Halando rosea pis den solo kajente, e muchanan a keda...”
|
|
| 3 |
 |
“...baranka ku bo ta mira ei.
E muchanan a hisa kara, wak rondo. Djei nan a bula lanta i saka un kareda te tras di e baranka. Algn lagadishi skond ei tras a kore bai. Pero ademas di esei mondi a keda ketu.
i Lastrando riba nan barika, nan a bai buska e flecha. Nan
a hanje, pega den un palu di indju.
Ate. Ba mira, Mario? El a bini for di direkshon di e baranka parti nort. Ke men ku mester tin un hende skond den un di e kwebanan. Laga nos ban atak di dos banda. Abo ta kwe pa oost, ami pa west. Nos ta dal un bwelta grandi, i gatia bai den direkshon di e baranka. Ku skopt kla pa tira. Ban liga e asuntu aki mesora.
Mario a tumba pa oost i Emilio a bai dal su bwelta den direkshon di west. Ningn di dos no por a mira otro. Un tres kwartu di ora despwes Emilio a weta algu move te lew aj, i kalkula ku ta Mario. El a sigui gatia pushi-pushi, pa jega mas serka posibel di e baranka. Tresten Mario tambe tabata jegando serka.
Ora nan dos tabata basta serka di un kweba grandi den e baranka, nan a para ketu i skucha...”
|
|
| 4 |
 |
“...pidi nan pa no tira riba dje. E tabata papia Spanjo poko mankaron.
Ki bo ta hasi ei den? Mario a puntre. Emilio a kamna jega serka. E Indjan a keda wak e dos muchanan, sin ku palabra por a sali for di su boka.
Ma puntrabo kiko bo ta hasi den e kweba ei, Mario a ripiti.
No, no mishi ku nos difuntunan, e Indjan a kuminsa rabia.
Unda bo difuntunan ta der? Emilio a puntre. E Indjan a munstra den direkshon di west, kaminda tabatin un pida mondi basta ser.
Ba weta? Emilio a bira bisa Mario. Nos a sherta. Ban ku ne mesora, pa mira kiko nos por topa. Nan a buta e Indjan kamna nan dilanti, i tumba den direkshon di e pida mondi ser. Pero asina nan a jega na kantu di e mondi, e Indjan a kai drumi boka bow na swela, i resa un orashon ku e muchanan no por a kompronde.
Lague un ratu, Emilio a avisa Mario. Nan a para skucha e Indjan te ora el a kaba. Asina el a lanta, e muchanan a pidie pa splika tur kos.
Hopi anja pas Indjannan a muri aki, el a konta. Hopi Indjan Kaiketio. Homber blanku bringa kontra homber...”
|
|
| 5 |
 |
“...bula bai.
Asina Nati a tende pos di kastigu, el a spanta. Ni awa ni kumnda un katibu no ta hanja ora nan tire den pos di kastigu. Te patras den mondi, na parti di nort tabatin e pos di kastigu, den un pida sabana. Bozu, e katibu ku ta kima karbon, a jega di konte kon bo ta sufri den pos di kastigu. Tres dia Bozu a pasa den dje. Solo ta kimabo mata, anto bo no ta hanja bjentu. Sedu ku hamber ta pone bo kurpa trose.
A la largu Nati no por a soporta mas. El a bira su kurpa den laria i bula den direkshon di San Kristof, pa e bolbe bai su kas. Pa nan no mire bini for di laria, el a bai baha lew den mondi. Djei el a dal un bwelta grandi, i bai sinta na su luga bw di palu.
Banda di un or di merdia shon ku bomba a bio riba dje.
Ta unda ba hinka bo kurpa? e bomba a grite. No ta awe mainta bo a bula bai?
Ni un ora so mi no a bula bai, Nati a ganje kara seku. Ta den mondi mi mester a bai, pasobra un dolo di barika masha duru a kwe mi.
Mesora shon a laga saka Nati su mama for di e pos di kastigu. Nati...”
|
|
| 6 |
 |
“...el a komprende ku mester tin un hende skond den mangel ta tirando pieda. Su sinti a pasa riba e figura ku el a mira ora ku e karabela tabata serka di bai drenta haf.
Den su prome sustu el a disidi di bolbe mesora na bordo di e karabela. Ma ora el a pensa bon, e di den su mes: No por ta hende grandi ta hasi chansa di pieda. Si tabata un hende grandi ku mal intenshon, lo el a matami ku flecha.
Den esei di ripjente un kajuka chikitu a blo for di den
e mangelnan na su man drechi, biniendo den su direkshon.
Den e kajuka tabatin un mucha indjan sint. Rpidamente e mucha a rema su kajuka i bin pega kontra di Manuel su jola. El a saka man i tee e jola, mientras e tabata hari.
Tur Manuel su miedu a kita di golpi. El a kumind e mucha. E indjan a papja poko palabra ku Manuel no a kompronde. Ma Manuel a disidi di hari tambe, komo el a kompronde ku aki no tin ningn sorto di peliger.
Ku masha trabow i hasiendo un kantidad di senja ku man e mucha indjan a logra splika Manuel, ku e pueblo kaminda e ta biba...”
|
|
