| 1 |
 |
“...Dolfi, esei por a kanta kokojoko di legria.
E anochi ei Dolfi no por a pega sonjo drechi. E tabata blo wak e saku di papel banda di su kama. Den e saku e mama a buta tur Dolfi su panjanan pa e bai kunuku. Asina ei Dolfi a sigui boltu den kama, te sonjo a hibe den marduga grandi.
Sinkor Dolfi a spierta i bula lanta. I ora Chein a jega mainta, ja Dolfi tabata banj bisti kaba.
Korda bon, e di ku Chein. No lubida di pasa aworo. Mi ta sinta warda.
Ken? Ami lubida? Chein a grita hari. Mi tei manera bolo.
Dolfi no a muf for di su luga den porta. Ken ku a pasa el a konta ku e ta bai kunuku. El a priminti Polin labadera, nan bisinja, ku e ta trese totolika pe kome. Antn, e sapate biew ku ta biba na skina, el a priminti mespu. Bea ku ta biba den e garashi mankaron el a priminti ku e ta trese hopi jerba pe, pa kura su romatisma.
Kwartu pas di un Chein a blo. Di kontentu Dolfi a...”
|
|
| 2 |
 |
“...ora e katibunan tabata traha den mondi, Nati a weta ku Djowili a duna nan un senja. Un pa un nan tabata turna un gobi serka Djowili. Anto nan tabata papia un kos den e gobi. Un ratu despwes Djowili a jega serka Nati, i puntre ku te ainda e tin e mesun idea di bula bai.
Nati a kontest Djowili: Dos luna largu mi no a kome slu. Mi kurpa ta lihe. Mi tambe ke bula bai.
Papia anto den e gobi aki loke mi bisabo. Nati a turna e gobi den su man i skucha.
Donu, donu kani bolo, Djowili a kuminsa.
Nati a ripiti meskos: Donu, donu kani bolo, wate ng. Na viau aki au ta mi tera. Tera jobo ku chambo. Mi ze wana waze, tapa zelo.
Nati ku tu e katibunan a subi para riba un baranka. Nan a span nan brasanan, hisa nan kara na laria.
Patagan a grita: Mi ze wana waze.
Djowili a kontest: Tapa zelo. I na mes momentu tur e katibunan a lanta for di e baranka, bula bai manera un trapa di pra. Un katibu ku no por a keda sin kome slu, a grita sigun e otronan ta bula bai: Zan wego. Zan wego. Si boso mira Dios, kuminde...”
|
|
