| 1 |
 |
“...a sinti kon lagrima a hera di basha na su wowo. Pero el a sera djente, pa e no jora.
Den esei Mushe Raton a tende batimentu di ala den palu riba su kabes. El a hisa kara, i mira un blenchi drnasol ta chupa flor.
Jen di bro Mushe Raton a grite: Ai, esta un angel bunita. Bo ta mas bunita ku solo. Lagami dedika mi bida na bo.
E blenchi a grita hari: Homber sokete. Miho bo buska trabow i laga hortamentu para. Ki mishi ami aki rebaha mi mes i kasa ku un ladrn. E blenchi a bula bai, laga Mushe Raton boka habr.
Ma te ainda Mushe Raton no a prd kurashi. El a sinta pensa bon kiko e mester hasi pa e hanja un bon dams. I den esei a dal na su sinti, ku mas patras den mondi tabatin un fiesta di trupial. Den su mes e di: Tesei ta mi kuki. Si mi hanja un dams trupial, mesora mi ta drenta e sosiedad di mas haltu. Mi ta bira persona di alta kategoria.
Mushe Raton no a prd pa gana. Bon pur el a kore bai kaminda tabatin e fiesta di trupial. Ma for di ora ku el a drenta e fiesta, e no a sinti su mes bon. E...”
|
|
| 2 |
 |
“...kurpa.
Mushe Raton a sinti e palabranan krta te den su alma. Tur tristu ku por tin el a kamna un pia un pia, bai te lew den mondi, pa e hanja un luga ketu, kaminda e por sinta jora e so. Ma ora e tabata sinta jora den un kweba, el a tende un stem ta bise: Pakiko bo ta jora, Mushe Raton?
Mushe Raton a bira i topa ku un dams raton par su tras. E ora ei Mushe Raton a disidi di habri su kurason. El a konta e dams raton ki kos tristu a pase.
Anto e dams raton di ku ne: Masha tempu mi tabata stimabo mi boka ketu. Pero bo no kier a tende pa mi. Ba mira kon mundu ta??
Mushe Raton a brasa e dams raton i sunchi tur su kara. Anto e di ku ne: Manjan mes nos ta kasa. Ta mi tabata...”
|
|
| 3 |
 |
“...a bora. Asina nan a sigui pik, kose, pik, kose, te ku banda di atardi e bachi a bin keda kla. Su manise trempan nan a sigui kose e karson, di moda ku banda di shetor di anochi e karson tambe a keda kla. Nan tabata asina kans, ku e anochi ei nan a keda drumi riba kashi den kamber di Bas Pipi.
Su manise ora e shon a bin buska su flus, e tabata masha kontentu. El a paga Bas Pipi, jama danki i sali satisfecho.
Bas Pipi a keda na kama un par di dia mas. Tur e pranan a keda kompanje i dune kumnda na boka.
Dia Bas Pipi a bira bon i lanta for di kama el a sali bai Punda mesora. El a kumpra henter un kachu di bakoba pa e part pa e pranan. E dia ei Bas Pipi ku e pranan a hasi fiesta henter dia. Bas Pipi a bati kwarta, te su dedenan a hasi dwe. E pranan a flit tur sorto di kansjon ku nan tabata sa. Nan a kome, bebe,, pasa un pleiz di grita. Banda di ochor di anochi nan tur tabata morch. Ora Bas Pipi a subi kama e pranan a pega sonjo banda di dje, riba su kusinchi.
Si bo pasa banda di Bas Pipi su kas...”
|
|
| 4 |
 |
“...a baha na katuna. Bon rabi e totolika a bula riba Mushe Raton i pik e den su kabes. Anto e di ku Mushe Raton: Ladrn, bai pone mi webunan mesora na nan luga, sino mi ta saka bo wowonan pa bo.
Unda ba sali ku webu? Mushe Raton a kuminsa de-fende su kurpa. E webunan aki ta di mi. Ajera tardi ma laga nan para den mondi, pasobra mi kurpa tabata kans. Ta mi amigu totki a regala mi nan. Awe ma disidi di hiba nan mi kas.
E totolika a hala Mushe na un zundr di kita sombre. Ma Mushe Raton a sigui pusta boka. E kos a bin bira asina un bochincha, ku un trapa di pra a bin rondona nan, pa tende nan beheit.
Pero despwes di un ratu un trupial di: Mira aki. Miho bosnan bai regla e asuntu ei na warda di polis. Pasobra no tin hende ku por soporta e boroto ei mas....”
|
|
| 5 |
 |
“...na gritu di jora-mentu. E otro pranan, ku tabata masha kaweta pa tende kon e kos ta kaba, a hinka nan tras.
Ora nan a jega warda i konta e polis kiko e asuntu ta, e polis di: Mi ta bini mesora. Warda mi un ratu. Nos ta pone claridad den e asuntu aki manera tata di.
E polis a bai kwe dos labizjan. Un el a pone dilanti di
e totolika. E otro el a pone dilanti di Mushe Raton. Anto e di: Ban mira. Kuminsa jora. Esun ku jena su labizjan ku awa di wowo, ta di dje e webunan ta.
Totolika a pone kabes na boka di e labizjan, i jora awa kwater-kwater, te jena su labizjan lata-lata.
Mushe Raton a hanje pur. El a forsa pa jora. El a primi su wowonan. El a pensa riba kos tristu. Pero nada no a juda. Ni un gota di awa no a sali for di su wowonan. Den su ansha el a kuminsa skupi den e labizjan, pa purba jene. Pero su garganta a seka, di moda ku skupi a kaba lague.
E ora ei e polis a entrega e totolika su dos webunan, i duna Mushe Raton un bon airu di sota ku malat. Mushe Raton a grita, te ku murajanan di...”
|
|
| 6 |
 |
“...kamna na kareda bai pariba, te na e asiento di Sorsaka. Ei shon Simon a bin kumpre, huntu ku seis katibu mas. Atrobe Mal mester a hala na pia den solo kajente, te Bandabow.
Na e kas grandi di shon Simon, Mal mester a hasi trabow di kas i laba panja di shon Simon. Nan no a bute traha den kunuku, pasobra ta diesseis anja so e tabatin. Ma ku su diesseis anja ja kaba Mal tabata masha bunita. Su kutis manera felpa. Su kurpa mes elegante ku bin. Su wowonan pretu, i su djentenan un kareda blanku den su boka.
E tres anjanan a pasa manera nada. Mal por a kome bon. Su kurpa a jena poko. E tabata kanta su kantikanan, sigun e ta bar kas o traha den kushina. Tur hende a kere ku Mal ta felis. Pero Mal a sigui pensa riba su tata i su mama. Riba su pueblo na Afrika. Riba Ngano, e hoben ku antes tabata bin kumpra baka serka su tata. Ngano tabata un prinsipe haltu, elegante, bon form. Mal a rekorda kon un dia el a para huntu ku su tata den kur di baka, wetando kon Ngano tabata kamna. I Mal a sinti algu den...”
|
|
| 7 |
 |
“...22
Riba un dia shon Simon a jega kas for di Punda ku shete katibu nobo ku el a kaba di kumpra. Mal tabata bari den kas ora nan a jega para dilanti di e plenchi. Bon pur Mal a kore bai para den bentana di hadrei, pa mira e katibunan.
Su kurason a dal te den su boka. Huntu ku e katibunan el a mira Ngano. E mes Ngano. Pero esta tristu su kara ta. Tur su kurpa na tera di e kaminda largu ku el a kamna. Mal a sinti deseo di grite: Ngano, atami aki den. Pero el a hanja miedu. Shon Simon lo por a laga batie ku wata-pana. Pesei Mal a skonde tras di muraja, kuminsa kanta un kantika di su tera.
Mesora Ngano a rekonose e kantikai i e stem di Mal. El a kuminsa bira tur nervioso. Su wowonan a bula bai bini, pa buska di unda e stem ta sali. Pero e no a hanja muchu okashon. Djis despwes shon Simon a hiba e katibunan den e magasina grandi, pa e fit munstra nan ki trabow nan tin ku hasi.
Mal no por a sinta ni para mas. El a traha ku ansha. A la largu e no por a wanta mas. El a kore bai den kushina serka...”
|
|
| 8 |
 |
“...priminti ku e ta hasi tur su posibel. Pero ku nan lo mester a warda te dia laman ta poko kalmu.
Asina a bin sosode, ku un anochi, den luna di agosto, laman tabata basta kalmu. Mal a lora un bola di funchi ku poko karni salga den un lensu di kabes, pa nan por kome na kaminda. Ngano a bai ku e machete ku el a uza pa kap palu den mondi.
Banda di un or di marduga nan a subi kabai di shon Simn, kore bai te Wespen. Ei nan a drenta un kanoa ku tabajtin hal riba tera. Ngano a rema, te ora nan a sali for di e boka. Pero djei el a hisa bela. E brisa di laman a dal den e bela. Te kanoa a korta laman, den direkshon di ksta di Venezuela.
Nunka mas shon Simon ni Madela no a tende nada mas di Ngaino ku Mal. Pero hopi tempu despwes un katibu lber, ku tabata nabega na bordo di un balandra, a bin konta e...”
|
|
| 9 |
 |
“...28
ku a la largu Djodji no por a soporta mas. El a bringa pa sali for di awa, ma su pianan a pega den lodo. Djodji a spanta i basha poko gritu masha mahos mes. Su boroto a lanta Buchi Albu for di sonjo. Bon sar Buchi Albu a drenta hfi, lastra Djodji for di den awa i dune un bon sota di bulpes. Ma Djodji a wanta su sla boka ketu. I e di dos anochi el a bolbe bai hasi e mesun remedi.
Sanguranan a bolbe kome Djodji rondo di su kurpa. Djodji a grita pi ku porko. Atrobe Buchi Albu a bin sake i dune dobbel kantidad di sota.
Di tres anochi ku Djodji a borota den dam, Buchi Albu a harte ku sla atrobe i mare ku kadena bow di un palu di tamarein.
Buriku animal, Buchi Albu a zundre. Ba kere ku mi ta sigui soporta bo bochincha tur anochi? Manjan mainta mi ta bendebo.
Asina a bin sosode ku Pepern a skapa di su dos enemigu-nan. Ora Buchi Albu a sali for di porta di kur ku Djodji na kadena, Pepern a bula riba dak di kwchi di galinja, i dal tres kokojoko ku nan por a t;ende te na cabes di Corsou....”
|
|
| 10 |
 |
“...Dolfi. E ta bai kunuku ku mi, sino nos amistad a kaba. Dolfi por a grita di kontentu.
Si, pero kompronde........ Adela a purba korta Chein
su palabra.
Nada di pero, shon Adela. Dolfi tin ocho anja kaba. Bosnan no por sigui tee e mucha den kas henter su bida. Drecha su panjanan, pasobra manjan tramerdia mi ta bin buske.
Ma mi tin ku puntra Mani prome.
Aki ratu mi mes ta pasa serka Mani na Punda.
Si ta asina, anto......
Anto te manjan tramerdia. Chein a kita bai, subi den su garoshi, laga Adela boka habri par den porta. Loke ta Dolfi, esei por a kanta kokojoko di legria.
E anochi ei Dolfi no por a pega sonjo drechi. E tabata blo wak e saku di papel banda di su kama. Den e saku e mama a buta tur Dolfi su panjanan pa e bai kunuku. Asina ei Dolfi a sigui boltu den kama, te sonjo a hibe den marduga grandi.
Sinkor Dolfi a spierta i bula lanta. I ora Chein a jega mainta, ja Dolfi tabata banj bisti kaba.
Korda bon, e di ku Chein. No lubida di pasa aworo. Mi ta sinta warda.
Ken? Ami lubida? Chein...”
|
|
| 11 |
 |
“...Dolfi kome. Chein a drenta pa porta di kushina, kologa su sombre di kabana na un klabu, i sinta na mesa.
Batie aden, Dolfinki, el a bisa Dolfi. Esaki ta butabo hanja batata asina grandi na bo brasa. Dolfi a suta su ppa ku smak. Asina Mena a mira su tajo bashi, el a bolbe jene pa Dolfi.
Un ratu despwes Chein a bisa Mena, ku e tin ku bai drecha e bodogo di seldu ku sibojo largu te pariba den hofi.
Bo ta ban? el a puntra Dolfi.
Sigur, Pa Chein.
Chein a buta Dolfi riba su lomba i kargue hiba den hofi. Boka habri Dolfi a keda weta e palunan grandi di mespu i mango. Prikichinan tabata borota.
Tende un kos aki, Dolfinki, Chein di ku ne, ora nan a jega bow di un palu di tamarein masha grandi. Pa Chein ta butabo aki bow un ratu. Anto mi ta probecha bai drecha e bodogo. Bo ta keda wardami den fresku aki bow?
Ta bon, Pa Chein.
E blachinan seku riba swela a forma un kolchon diki. Dolfi a fula nan ku tur dos man i gosa kon moli e kama di blachi ta. Mesora el a kwe algn tamarein ku a kai for di palu i kome...”
|
|
| 12 |
 |
“...poko rama masha ser. Ei tras tabatin skond e entrada di un kweba. Nan a drenta den e kweba ku Dolfi, pone mei-mei di un plenchi grandi ei den.
Dolfi a keda ketu, pa e mira kiko ta bai sosode. E chuchubi ku a bini ku nan, a sali un ratu i bolbe kanta.
Un trupa di pra, lagadishi, totki i barbulete a drenta e kweba despwes di un ratu. Tur a kai sinta rondo di Dolfi. I Nan tabata borota manera hende loko.
Ma den esei un palabrua serio a kamna drenta. Su tras e chuchubi. Mesora tur bestia a sera nan boka.
> Do'lfi, e chuchubi a kuminsa splike, esaki ta Teked,
e palabrua di mas sab den mondi. E ta bai traha un remed ku ta kurabo. Hasi tur loke Teked bisabo.
Dolfi a sinti un tiki miedu di e palabrua, ma ora e palabrua a kuminsa papia ku ne, el a kalma....”
|
|
| 13 |
 |
“...sali, e palabrua a kuminsa hasi masashi ku Dolfi su pianan. Ku su pik i ku su alanan el a frega e mucha su pia, te ora nan a bira kajente. Mientras-tantu e otro bestianan a trese loke e palabrua a pidi. Den un kalbas e palabrua a meskla tur e kosnan ku su pik i duna Dolfi bebe.
Bo ta bai djis un krenchi sonjo, e palabrua a avise. Ora bo lanta, bo por kamna.
Dolfi a bebe golos i djis el a pega sonjo masha dushi. E palabrua a sigui ku masashi, mientras ku e otro bestianan a para un banda, ku nan boka ketu.
Ni un kwartu di ora despwes Dolfi a habri wowo, mira tur e bestianan rondo di dje.
Kalmu. No move ainda, e palabrua di ku ne. Bo ta sinti bo pianan kishiki? Dolfi a kontesta ku s.
Ta e remedi ta sigui traha. Awor e konenchinan ta bolbe hibabo bow di e palu di tamarein. Ora Chein bolbe, bo ta lanta kamna su dilanti. Korda loke bo a priminti. Si bo no kumpli ku bo palabra, bo ta bolbe bira mankaron....”
|
|
| 14 |
 |
“...39
CHIKU I SU KABAI
Chiku su dia tabata kuminsa for di seis or di mainta. Asina e lanta for di sonjo den su kas di pali maishi, e tabata gloria su kurpa i bai laba kara i spula boka den kur banda di e trank di datu. Despwes di esei e tabata kamna bon pur bai serka Nana, den kushina di e kas grandi di shon Cario. Ei e ta bari tur shinishi di karbon for di den fornu i bai tira nan te pafo di kur. Ora e bolbe, e ta hanja su konchi di kofi pretu serka Nana, huntu ku un pan ser i pida sku di klenku.
Sint kantu di porta di kushina Chiku tabata bebe su kofi i kome su pan, skuchando Nana ta kanta tur sorto di kantika. Nana koki tabata su tanta grandi, un di e katibunan di shon Cario. Nana tabata masha gordo aunke e tabata move masha lihe den kushina.
Ei kantu di porta Chiku tabata wak e katibunan ta reuni dilanti porta di kas di shon Cario. Bomba Cheli tabata parti trabow i kada un tabata sali bai traha, sea pa muha hofi, roza mondi, planta o kima karbon. Chiku tambe tabata katibu, pero komo e...”
|
|
| 15 |
 |
“...Inglatera i Francia. De bes en kwando Chiku a mira e soldnan traha ku e kajonnan riba muraja di forti. Kada be ku nan tira ku kajon, e zonidu tabata buta Chiku lanta bula di spantu.
Riba un dia ku Chiku ku Klaas tabata sinta kome i kombersa bw di e bog, nan a tende kon un sold a kuminsa supla alarma ku trompet riba muraja di forti. Mesora Klaas a tira man kwe su skopt i kore bai sin jama Chiku ajo. Chiku a spanta asina tantu, ku el a keda manera kos peg riba e banki. Su kurason a bati te den su boka, pasobra e no tabata sa ta kiko a sosode.
Den esei el a mira kon masha hopi sold tabata kore bai bini ku skopt den man. Poko sold a kuminsa saka e kabainan for di un otro bog i hiba nan pafo. Dos sold a krusa e plenchi di forti, kargando un kaha grandi. Nan a pone e kaha djis banda di Chiku i bolbe kore bai mas paden. Varios ofisjal tabata grita komando. E komandant di e soldnan a sali riba plenchi i kuminsa dirigi e soldnan. Tabatin un boroto di otro mundu. Chiku a kuminsa tembla i el a sinti...”
|
|
| 16 |
 |
“...53
drumi boka abow den tera, skuehando ku por tin kwalke zonidu stranjo. Pero den e mondi a keda un silensio.
Ban awor, Mario a bisa su amigu. Nos tin ku jega tras di e pida baranka ku bo ta mira ei.
E muchanan a hisa kara, wak rondo. Djei nan a bula lanta i saka un kareda te tras di e baranka. Algn lagadishi skond ei tras a kore bai. Pero ademas di esei mondi a keda ketu.
i Lastrando riba nan barika, nan a bai buska e flecha. Nan
a hanje, pega den un palu di indju.
Ate. Ba mira, Mario? El a bini for di direkshon di e baranka parti nort. Ke men ku mester tin un hende skond den un di e kwebanan. Laga nos ban atak di dos banda. Abo ta kwe pa oost, ami pa west. Nos ta dal un bwelta grandi, i gatia bai den direkshon di e baranka. Ku skopt kla pa tira. Ban liga e asuntu aki mesora.
Mario a tumba pa oost i Emilio a bai dal su bwelta den direkshon di west. Ningn di dos no por a mira otro. Un tres kwartu di ora despwes Emilio a weta algu move te lew aj, i kalkula ku ta Mario. El a sigui gatia ...”
|
|
| 17 |
 |
“...asina grandi jen di miedu, el a hisa man na laria, i pidi nan pa no tira riba dje. E tabata papia Spanjo poko mankaron.
Ki bo ta hasi ei den? Mario a puntre. Emilio a kamna jega serka. E Indjan a keda wak e dos muchanan, sin ku palabra por a sali for di su boka.
Ma puntrabo kiko bo ta hasi den e kweba ei, Mario a ripiti.
No, no mishi ku nos difuntunan, e Indjan a kuminsa rabia.
Unda bo difuntunan ta der? Emilio a puntre. E Indjan a munstra den direkshon di west, kaminda tabatin un pida mondi basta ser.
Ba weta? Emilio a bira bisa Mario. Nos a sherta. Ban ku ne mesora, pa mira kiko nos por topa. Nan a buta e Indjan kamna nan dilanti, i tumba den direkshon di e pida mondi ser. Pero asina nan a jega na kantu di e mondi, e Indjan a kai drumi boka bow na swela, i resa un orashon ku e muchanan no por a kompronde.
Lague un ratu, Emilio a avisa Mario. Nan a para skucha e Indjan te ora el a kaba. Asina el a lanta, e muchanan a pidie pa splika tur kos.
Hopi anja pas Indjannan a muri aki, el a konta. Hopi...”
|
|
| 18 |
 |
“...62
Banda di mitar di sinku di atardi e karabela a logra drenta den e awa kalmu di e haf. Na un distansha di dos shen meter for di e boka Ojeda a laga nan tira anker. Ei e barku a keda zoja riba anker, mas o menos mei-mei di awa.
Nan a ripara ku djis un tiki mas lew, na man drechi, tabatin un laman chiki ta bai aden. Vespucci a propone pa nan drente, pa hanja kisas mas protekshon kontra bjentu. Pero despwes nan a nota ku e awa den boka mes ta hopi kalmu, i e karabela a keda mes kaminda.
Na kada banda, riba tera, tabata jen di palu di mangel. Algn makwaku tabata drif den larja riba nan kabes. Te kaminda nan bista por a jega, nan a mira seru, hopi palu di indju, palu di brasil i jerba. Pero nada di hende bibu.
Bo ta kere ku e isla aki por ta pobl? Ojeda a puntra Juan de la Cosa, kende tabata studia un mapa.
Ta posibel. E hendenan lo por a spanta i bai skonde. Probablemente nan sa kaba ku nos tei.
Ban tera anto pa nos mira.
Vespucci sinembargo a hanja ku a tripulantenan ta muchu kans despwes...”
|
|
| 19 |
 |
“...63
nan, su boka ketu. Pero a jega un momentu ku e no por a domina su mes mas. Pasobra e tabata blo pensa riba e figura ku el a mira disparse tras di rama. I el a puntra Juan Luis, ku kisas por tin oro brd riba e isla aki.
Mira aki, mucha, Juan Luis a kontest sar, ma mira e terenu di otro pais kaminda tin oro. Sigun ma mira e isla aki, mi por hurabo ku ta pieda so tin riba dje. Traha bo trabow i laga di ta sonja lant.
Manuel a keda ketu, pa Juan Luis no rabia mas ku ne. Ma den su mes el a disidi kaba kiko e ta bai hasi. E no tabatin ni un tiki miedu. I el a rekorda kon el a topa Juan Luis den e shap na Cadiz. Juan Luis tabata basta fuma, i e tabata konta un otro nabegante ku pronto Ojeda lo sali ku su barku, pa bai deskubri mas pais nobo.
Ojeda a skohemi pa koki, el a konta su amigu burach. Awor mi mester di un mucha pa judami kushin i laba tajo. Manuel a para tende tur esei na bentana. El a keda warda te ora Juan Luis a sali pafo. Den e kaja skuT el a aserka Juan Luis i pidie pa bai ku...”
|
|
| 20 |
 |
“...forsa, pa e keda koti-koti tras di e indjan. Ademas di esei, despwes ku nan a pasa e skina kaminda tin e baranka grandi, bjentu ku olanan a kuminsa kibra velosidad di Manuel su jola. Manuel mester a sera kurpa i saka forsa, pa hala rema.
Mas o menos un kwartu di ora nan a rema, prome ku Manuel a mira di alew poko kas chiki riba tera. Tabatin un kandela send. E vlandam di e kandela tabata lusa e kasnan. Manuel a mira tambe poko figura di hende ta move bai bini.
E mucha indjan a pone su dos man na boka i dal un gritu. Mesora un hende par banda di e kandela a kontest ku otro gritu. Djei Manuel a mira kon tur e hendenan a reuni banda di e kandela.
Ora e indjan ku Manuel a jega tera i hala nan botonan riba kantu, un trupa di homber, muhe i mucha a bin rondona nan. Tur tabata sunu, ku eksepshon di un pida panja chiki, un taparita, nan dilanti. Ta ora e indjan chiki a sali for di su kajuka, Manuel a ripara ku e tambe tabatin unikamente un taparita bisti.
E mucha indjan a bira papja un kos ku e homber...”
|
|
