| 1 |
 |
“...prom kandela Lou a para i kenta su kurpa. Di aleu ay e por a mira kon Kalitu ta hala bin pariba. Komo e tabatin konfiansa den e kandelanan, Lou a sosega poko i kue rosea, te ora Kalitu tabata basta seka. Djei Lou a laga sali atrobe. Su pianan a lanta huma di tera, tapa Kalitu su kara, di moda ku kasi e n por a mira unda e ta kore.
Kalitu a frega su wowonan, saka tera, bolbe sigui kore ku mes brio.
Na di dos, di tres i di kuater kandela Lou a bolbe sosega i kenta su kurpa trankil di dje. Den lorada di kaminda, te pabou ay, e por a mira Kalitu ta totobi, morto kans. Lou a grita hari: Chambn! Unda bo formalidat a keda? Kore! Lanta pia, kakalaka mahos!
Kalitu por a yora di rbia, pero e no a perde kurashi. Aunke el a kuminsa kompronde ku kasi sigur e ta perde. El a ripara ku e kandelanan ta yuda Lou.
Despues di a kenta su kurpa bon, Lou a bolbe tuma den, pa e yega na e siguiente kandela. Pero ora el a yega shen meter mas leu, el a ripara ku e kandela a paga. Lou no tabata sa kiko a sosode. Log...”
|
|
