| 1 |
 |
“...E tempu ei Wini no a kompronde e asuntu di Christiaan Zimmerman. Ma despues el a bin realisa ku e ta bisa-bisa-etu di e sold makamba ku hopi tempu pas a traha den e fbrti bieu i piska tambe den su ora liber. Wini su fam tabata Zimmerman. Ke men ku e tabata desendiente di Christiaan Zimmerman. Ma no e so. Hopi hende mas di Boke Sami tambe tabatin e fam Zimmerman.
Hopi be Wini ku su amigunan a bai kue tapakoncha ku kokolishi djaka-rou riba baranka. E djakarounan tabata fasil pa kita. Pero ku un kuch o pida heru mester a lanta e tapakonchanan for di baranka. Anto na kas mai Dora, Wini su mama, tabata buta tur tapakoncha ku djakarou den binager ku pika pa Wini kome.
Mash hopi be anochi Wini a sinta tende kon e piskadnan bieu tabata konta loke a pasa nan riba laman. Kon nan a kue hopi dradu. Kon nan a bringa ku tribon grandi. E kuenta ku mas el a gusta ta esun di kompa Bernardo. Mash hopi aa pas, tempu kompa Bernardo tabata yonku-man, e tabata riba laman ku su kanoa. Den esei un pisk mash grandi...”
|
|
