1 |
![](https://dcdp.uoc.cw/content/AA/00/00/00/98/00001/AA00000098_00001_00013thm.jpg) |
“...Dios ta masha largu, muchu mas largu ku di kunuku pa Punda. I e kaminda ta seku, jen di tera, jen di pieda. No tin pos kntra di kaminda, ni palu di shimaruku. Pasobra bo mester sufri sedu. Hendenan ku ta kamna bai serka Dios, no por tin pargata ni sanbarku na nan pia. Pasobra Dios ke pa bo pia ta jen di sumpinja ora bo ta bai serka dje. I sod mester seka manera slu riba bo frenta, ora bo jega riba e plenchi grandi rondo di Dios su kas.
Riba e plenchi ei kada hende ta hanja un ramada. Ei semper ta hasi fresku. E ora ei nunka mas nan no tin mester di kamna kaminda lew, pa bai hala awa na pos. Pasobra kontra di kada ramada tin un pos, jen di awa. Anto Dios ta pasa na kada ramada serka e hendenan. E mes ta saka sumpinja for di nan pia i e ta laba tur nan kurpa ku awa fresku. Semper Dios ta kamna ku un koto, jen di kumnda masha dushi. Esei e ta parti pa tur hende, tur dia, anja den anja afo. Nunka e kumnda no ta kaba.
,,Mi por bai serka Dios? e mucha a puntra su mama.
No, mi ju, ainda no. Dia...”
|
|
2 |
![](https://dcdp.uoc.cw/content/AA/00/00/00/98/00001/AA00000098_00001_00014thm.jpg) |
“...Kada homber tabata arm ku un bulpes o un machete.
Anaclara su mrkanan di pia a sigui bai riba e kaminda di kabritu te na e pieda di sababa. Ei no tabatin mrka di pia mas. Anto riba e pieda di sababa nan a mira e pargatanan kor di Anaclara.
Ora e hombernan a weta e kos ei, nan tur a spanta. Jen di miedu nan a gloria nan kurpa i mesora nan a kuminsa baha for di seru. Tabatin den nan ku a kore baha seru asina pur, ku ora nan a jega abow, nan no tabatin rosea mas.
Unda mi ju ta? Ofelia a grita, ora el a mira e hombernan ta jega serka. Pero e hombernan no tabatin kurashi di hisa cara i mira Ofelia. Asina nan a konta Ofelia loke nan a mira, nan a kamna manera kame i drenta den Ofelia su kur. Na tur a jongota kontra di kurpa dje kas, mientras Ofelia ku e otro muhenan a kuminsa jora morto di Anaclara.
Den esei Matias, esun di mas biew den kunuku, a kamna jega. Mesora tur hende a lanta para, pasobra nan tabatin masha respet pa Matias. Henter su bida Matias tabata un bon homber, tantu pa hende komo...”
|
|
3 |
![](https://dcdp.uoc.cw/content/AA/00/00/00/98/00001/AA00000098_00001_00015thm.jpg) |
“...kompronde mesora ku e homber bon bist no tabata ken ku ta. Bo por a mira ku su flus ta algu espesial. Su dashi luangu tabata grita, mientras su feneta di dashi tabata un perla di tamanjo balente grandi. E sig burusi den su boka a buta su kara hanja un expreshon espantoso. Pa kolmo e tabata hole stinki di rom i perfume barata.
Mi mes por juda meneer? e mucha homber a puntrele.
,,Eh..... no, e homber a kontest. Ta e botikario mes mi mester.
E mucha homber a forsa un sonrisa i kamna bai patras un pia un pia, pa avisa e botikario.
Bondia, mi shon, e botikario a saluda masha kortes, ora el a kamna jega serka e kliente gordo. Ku kiko mi por sirbi mi shon?
Wel, mi kier a papia riba un......... eh..... un asuntu un poko........
Klaro, klaro, e botikario a kontest ku kara jen di komprenshon. Pasa patras aki den mi ofisina.
Nan a drenta e ofisina, i e kliente a kuminsa konta ku algn dia pas el a jega for di Haiti.
Mi ta kompronde tur kos, e botikario a trankilise. Sigur ta un kaso espesial.
Sigur si...”
|
|
4 |
![](https://dcdp.uoc.cw/content/AA/00/00/00/98/00001/AA00000098_00001_00017thm.jpg) |
“...seremonia ku algn gritu masha mahoso, e kurioso di ku Tonchi: Bueno, e prome preparashon ta kla. Awor ta falta esun aki. El a kohe dos vel di papel, skirbi poko senja stranjo riba nan, hinka kada un den un envelop i plak nan sera.
Awe nochi diesun or, el a bisa Tonchi ku kara serio, ,,bo ta hinka kada envelop den un buraku, na un distansha di dies sentimeter na parti padilanti di un graf fresku. Bo ta bolbe tapa e burakunan. Pero korda bon. Durante e bintikwater ora despues bo no por papia un pia di palabra ku ningn hende.
Exaktamente meskos ku e kurioso a bisele, Tonchi a hasi. I ora el a bula muraja di santana, pa e bai kas, el a primi su boka sera, pa e no laga ningn zonidu sali.
Tur esfwerso tabata envano. Tres dia despwes Tonchi su mama a muri. No tabatin hende pa konsole. Tristu di su alma el a konta su amigunan kon a kurioso a tumele hasi chombon. I sigun hendenan a sigui papia, e kos a jega na orea di un recherche. Di mes e asuntu a kuminsa move.
Poko tempu despues e kurioso tabata...”
|
|
5 |
![](https://dcdp.uoc.cw/content/AA/00/00/00/98/00001/AA00000098_00001_00018thm.jpg) |
“...sushi e tin den su man. Te ainda ningn zonidu no a sali for di su boka. Djei el a keda mira su unjanan pint, mientras ami por a weta e flanel.
Kwantu pe, senjorita? ma riska puntrele.
Hermenegilda! el a dal un gritu. Kwantu pa e flanel aki?
Esun ku jama Hermenegilda, un gorditu, a grita ku mes volumen: Mi n sa. Puntra Jorge.
Un otro mucha muhe den un shimis di flor grandi y ku un monton di kabei riba su kabes, a kuminsa hari manera henda chifl. Esun ku tabata judami a grunja un kos y kamna un pia un pia, bai serka e donjo di pakus, ku tabata sinta lesa korant tras di su kaha di plaka.
Riba su eskritorio tabatin un kantidat di papel, faktura, karta y un florero lila, jen ku flor di plastik di tur sorto di kol.
Kwantu pa e flanel aki ? e galinja a puntra Jorge.
Ku masha esfwerso Jorge a hisa kara y keda weta nos. El a dunami asko. Su kara tabata meskos ku hende ku a sali for di un paranda sep di tres dia sin drumi.
Pero mi no a duna komentario, pasobra mi mes a kompronde, ku mi mester koopera...”
|
|
6 |
![](https://dcdp.uoc.cw/content/AA/00/00/00/98/00001/AA00000098_00001_00019thm.jpg) |
“...E
polis a pasa den sala, bai patras, y habri e porta mankaron di kushna.
Mesora tur boroto a stop.
Mi ju a mira, Pachi Feli a kuminsa hari. E showru a baha na awa.
E polis a drenta den kushna i wak tur kaminda. Tabatin algn botter tir na swela. E di: Dindina, mi ta bai purba un be mas, pasobra mi no
ta kere...... Pero e polis no a finalisa su frase. El a sende un sigaria i
sinta warda un ratu.
Djis despwes boroto a bolbe kuminsa den kushna. E polis a kohe su flashlight i kamna riba su punta di pia, bai na e porta di kushna. Asina el a dal e porta habri, el a tira lus tur kaminda. Tres djaka grandi a bula for di mesa i disparse tras di algn kaha bashi.
M shon a mire? Dindina a puntra e polis ora esaki a sali for di
kushna.
Klaro, e polis a kontest. Tabatin tres. Nan ta masha mahos. Pero aki poko dia tur tres ta disparse. Nan a spanta asina nan a mirami.
Ma bisabo, Dindina, Pachi Feli a bolbe tuma den. Polis ta juda semper. Mi shon ta dal un kos pa kenta kurpa?
No, pachi. Masha danki. Pero...”
|
|
7 |
![](https://dcdp.uoc.cw/content/AA/00/00/00/98/00001/AA00000098_00001_00021thm.jpg) |
“...sigui bari te dia rosea kaba. Ta Ma Tida mester sa.
Tida a keda mira Mani i puntre ku no tin otro moda di hasi.
Esei tin sigur, Mani a kontest. Nos por kita kska di e palu. Anto e ora ei e ta para muri poko-poko.
Kwantu ta dura?
Un kwater luna. Kisas sinku.
Tida a drei wak e tamarein i tapa su boka ku su man. Mani a keda spera ku pasenshi. El a kompronde ku Tida lo tabata pensa riba tur e mil i un kosnan ku por kausa un hende su morto: habri parasol den kas. drumi
riba mesa, drei un stul riba un pia, pargata bokabow.......... Probablemente
Tida lo tabata konsidera morto di un palu e kausa di mas serio.
Despwes di un ratu Tida a bira kara i kontest: Mi ta kere ku esei s por. Te ainda mi no a tende ku kitamentu di kska di palu a kausa morto di ningn hende. Bo por hasie pa mi, shon Mani?
Mani a grita hari: Klaro, Ma Tida. Mesora. El a bai kwe su machete i den menos ku mein ora el a kita kska di e palu di tamarein te na un altura di dos meter for di swela.
A pasa dos siman. E palu a keda biba...”
|
|
8 |
![](https://dcdp.uoc.cw/content/AA/00/00/00/98/00001/AA00000098_00001_00023thm.jpg) |
“...brio pa praktik ligeresa di dede di dia kla. Mesora ma traka riba asera, pa mi weta ta ken e gai-bibu ta. Tabata un tersio chikitu, flaku, den un karson balente sushi i un flanel ku binti anja pas tabata blanku. Na su pia e tabatin pargata pretu biew i plam. Su kara tabata lombra di zeta. Su expreshon tabata bobo, aunke no tabatin motibu pa duda di su inteligensia natural. Pasobra e manera ku e banana a disparse, sin e Venesolanu sa, tabata trabow di un experto.
Den mi mes ma pensa: Warda un ratu mas. No bai ainda. Maske na kas nan ta sperami ku un bon konchi di koffi.
E ora ei ma hasi komo si fwera ta Postkantoor mi ta para wak. Pero ku mi wowo di banda robes ma keda peilu e gai. A pasa algn minut. Empleadonan di gobiernu tabata pasa bai kas. Hopi galinja bibitu, ku lomba i pia masha agradabel tabata jang pasa mi dilanti. Mientrastantu e gengu a keda kologa kontra e pida muraja kaminda e Venesolanunan ta pone fruta.
13...”
|
|
9 |
![](https://dcdp.uoc.cw/content/AA/00/00/00/98/00001/AA00000098_00001_00028thm.jpg) |
“...manera dos goti awa?
Bai unda ku bo ke, machi, ma kuminsa sara. I ora bo hanja e sin-berguensa ku no ke perkura pa e pober kriatura di e tal Mimina, bo no tin nodi di pidimi dispensa sikiera. Lagami na pas. Pasobra ni maske bo para grita djawe te manjan, mi no por boltu mi kweru i bira bo Elizeo.
Ma kita kamna bai bon rabi i subi brug di Skalo. Machi a keda para riba asera i halami na un zundra formidabel.
Abuzador, el a grita mi tras. Lo bo weta ki ta pasa. Tabatin algn homber sin trabow par na pia di brug ora ma kamna pasa.
Hei, bru, un di nan a jega bisami te den mi kara. E grasia ei ta kos-tabo pa barata trinta florin pa luna.
Mi no a hiba ni trese i sigui kamna bai sin drei mira. Pero si kwalke hende por topa ku un tersio ku jama Elizeo, hasimi un fabor, i bise ku e tin un kriatura ta spere.
BARIGON
Diadumingu mainta di siman pas, ora ma drenta konvoi i paga e shafer, ma ripar kon un homber balente gordo, riba e di kwater banki, a keda mirami ku kara masha hostin.
E shafer a dunami e...”
|
|
10 |
![](https://dcdp.uoc.cw/content/AA/00/00/00/98/00001/AA00000098_00001_00033thm.jpg) |
“...di dies or di anochi, su rudianan tabata tembla un poko. Aunke el a papia ku masha formalidad, pa Simon no nota su ansha.
Awe nochi nos tin bon tempu, Simon a bise. Garichi a grunja Uhun i para wak kon lusnan di Simon su auto tabata buta e gotanan di awaseru lombra riba kaja.
Te aworo, ma, el a grita su kas i drenta auto.
Simon a start e auto, i nan a kuminsa pasa den kajanan, pa nan bai waf.
Bo ta ketu awe nochi, Simon di ku ne, despwes ku nan a kora komo sinku minut sin ku Garichi a papia un pia di palabra. Ta miedu bo tin ku nan por kwe nos?
Mi n sa, Mon. Henter dia tabatin un barbulete pretu den nos sala di kas.
Laga di ta kere den webi gai, Simon a grita hari. Ta chocho ba bira? Mira aki, bru, ku e awaseru duru ku ta kai aki, ningn selador no ta bai para molostia nan kurpa riba ksta pa kontrola ningn kontra-banda.
Pero Minta mi kas ta masha preokupa.
Ta kiko esaki, Ga? Ta mar na saja bo ta? Pone bo sinti parew, palu. Pasobra mi ta kere ku na bo kas ta bo tin ku manda i no bo kas.
Ma...”
|
|
11 |
![](https://dcdp.uoc.cw/content/AA/00/00/00/98/00001/AA00000098_00001_00035thm.jpg) |
“...ku bo kurason swak. Si e boto tarda pa bini kla, no ta importa. Ba bebe bo pildora kaba?
For di un kwarti ora pas, Nonato a kontest. No ansha si mi tarda. Bo ta hanjami den plaja serka Simon.
Nonato a tira man kwe su sombre di kabana, primie riba su kabes i sali bon pur for di kas. Su wowonan tabata bula bai bini. Su kurason tabata bati te den su garganta. Tur su kurpa tabata tembla di exitashon.
Makwakunan ta djump, Nonato, el a kuminsa papia den su mes. Esaki ta bo chens. E so a hari i lanta pia. Anto nan ta kere ku ta pa mi ju Achi ma para drecha e boto tur e kwater lunanan aki. Ki mishi Achi bai laman. Ta na Isla lo e keda traha te dia e kome pinshon. Lo mi munstra nan ku te ainda Nonato ta e miho piskado di Boka Sami. Ta diesun luna mi ta sinta lombra wowo den kas. Dokter pa papia koi loko. Mi kurason no falta nada. Aworo, ora mi benta e dradunan riba plaja, nan lo keda wetami boka habri. Ta mi ta Nonato. Sigun e tabata bira mas nervioso, e piskado biew tabata papia mas duru i kamna...”
|
|
12 |
![](https://dcdp.uoc.cw/content/AA/00/00/00/98/00001/AA00000098_00001_00036thm.jpg) |
“...Maria ta riba tres pida pipa. Nos dos por bahe na laman masha lihe.
I si algu pasabo, ta ken nan ta kulpa? No, Nonato. Ta duel mi. Mi n por.
Nonato a tira man kwe Simon tee na su faha i menase: No lubida ku mi sa ku ba tira kontrabanda di whisky pa e komersiante den Otro-banda. Si bo no judami baha Flora Maria na laman, mi ta konta loke mi sa.
Simon a sinti kon sanger a subi na su kabes. Pero el a domina su mes i kontest: Ta bo mester sa. Si ataka kwe bo riba laman, ami ta laba man.
Sin bisa un pia di palabra mas el a kamna huntu ku Nonato i bai na Flora Maria. Pero el a ripara kon Nonato tabata blo mansa na parti di su kurason ku su man.
Tee duru, Nonato a bise ora nan tabata par na kada banda di e boto. Bo tin e? Ban. Hala! Kwater brasa muskul a gara e boto i kuminsa lastre den direkshon di awa.
Nonato! Un stem skerpi di hende muhe a grita for di e murajanan di forti. E dos hombernan a spanta i hisa kara wak ta ken. Dolorita, kas di Nonato, tabata par riba forti. Su lensu di kabes tabata...”
|
|
13 |
![](https://dcdp.uoc.cw/content/AA/00/00/00/98/00001/AA00000098_00001_00042thm.jpg) |
“...konosi ku tata i mama di mi ih. Kedabo trankil. Djis nos ta sigui.
Obencio a kamna drenta sin bati porta, i ami a sigui su tras. E muebel-nan den e pidasitu sala tabata pobersitu pero limpi. Den un huki parti pabow tabatin un fonograf model di 1930 riba pia haltu. Un imagen di San Hudas Tadeo ku poko flor di papel su dilanti i algn potret moda biew tabata doma e murajanan.
No papia dura, Obencio a pidimi. Chenda ta hasi e ju drumi. El a kamna riba su punta di pia i drenta un kamber na man robes. Enberdad
mi a tende stem di un muhe ta kanta: Drumi............. juchi..... drumi......
mi juchi.
Ma kai sinta lenchi-lenchi den un stul di ki-mi-ke-hasi i spera. Tres pushi flaku di diferente kol a kamna drenta, i un di nan a kuminsa lora rondo di mi pia.
E porta di kamber a keda na kap, pero no ku mi por a weta den kamber. Mi kuriosidad a buta mi oreanan lanta para manera antena di radio, di moda ku mi por a skucha e siguiente kombersashon entre Obencio i mama di e kriatura: O, kompr, kon kompr a pasa...”
|
|
14 |
![](https://dcdp.uoc.cw/content/AA/00/00/00/98/00001/AA00000098_00001_00044thm.jpg) |
“...deseando Felipi un par di dia masha felis. Pero Felipi no a kaba di sali, ku sub-direktor a jama e kri, pa bin kita tur e porkerianan for di riba mesa. E otro empleadonan a kompronde ku nan papel a finalisa. Un pa un nan a sali bai, pa nan sigui traha.
Na porta di kur Felipi a saka e envelop for di su saku i konta e plaka:
Nobenta florn. Si e paga tres luna di huur di kas atraz......... ta setenta i
sinku..... Ku e sobr diessinku......... ki e por hasi?...... Kumpra un par
di sapatu?...... Esun na su pia tin buraku........ Awor e dos dianan liber...
Kisas Anguchi ke bai piska ku ne riba baranka............ Si nan kunpra poko
pan ku keshi....... un boter di rom chiki......... Ai si, e ku Anguchi por
34...”
|
|
15 |
![](https://dcdp.uoc.cw/content/AA/00/00/00/98/00001/AA00000098_00001_00045thm.jpg) |
“...diberti poko......Esta bon hende su chefnan ta..........Aworo e mester konta
Anguchi ki bon hende su chefnan ta.........
NERO
Siman pas ma sali sine na Roxy, i sigun mi tabata kamna riba Dempel bai pabow, ma tende un hende ta perta pia mi tras. Den esei un stem kans a gritami: Hei, palu, hei. Tendemi un kos aki.
Un homber kortiku di mas o menos kwarenta anja a kamna jega kasi sin rosea serka mi, i bisami: Hermano, no tumami na malu ku te lat di anochi mi ta molostiabo. Pero bo sa ki ta pasa? Awe mi kacho a hasi anja. Henter anochi ma kamna buska un hende ku ke selebra anja di mi kacho huntu ku mi.
Ma keda wak e tersio boka habri, pasobra sigun mi su kabes mester ta un krenchi sushi. Mesora ma puntre ku kisas e ta kere ku ami ta loko. El a seka su kara ku su lensu i e di: Tendemi bon, bru. Mi ta rekonose kwalke hende ku ta meskos ku mi.
I ki sorto abo ta? tabata mi pregunta.
Simplemente loko, el a kontest. I na mes momentu el a pone su man riba mi lomba, komo si fwera nos ta amk for di...”
|
|
16 |
![](https://dcdp.uoc.cw/content/AA/00/00/00/98/00001/AA00000098_00001_00046thm.jpg) |
“...sidad i inteligensia, Bon bis su papiamentu pur a hasimi ral, pero ma pensa ku ora un hende ta stima, di mes nan ta papia hopi.
Ki bo ta desea? el a puntrami ora nos a traka dilanti di e truck.
Dos pastechi, dos empan.
El a pidi loke mi ke, ademas tres pia di galinja pa e mes tira na stoma.
Sigun nos a lanta fitl di nos stoma ku betrols i koi kome na sal di Nero, tabatin algn tersio ta para borot tokante nan konkistanan amoroso. E tipo a halami un banda i bisami den mi orea: For di dia ku mi a sinja konose hende bibu, ma hanja masha apresio pa mi kacho Nero.
Ma sagudi kabes, sigui moncha mi pastechi, i pensa profundamente riba loke e gai a bisami.
PIDI MAN
Bini mi kas diadumingu mainta, despwes di misa majo, Madalena a bisami, anto e ora ei mi tata ku mi mama tur dos ta na kas.
Pa papia kla, mi kurason a sera un krenchi. Mi por a hole masha tempu kaba ku riba un bon dia e kos aki lo mester a bin sosode. Maske mi tabata sa ku namora na skondi ta loke majoria di tata ku mama no sa gusta....”
|
|
17 |
![](https://dcdp.uoc.cw/content/AA/00/00/00/98/00001/AA00000098_00001_00051thm.jpg) |
“...Benacio ta kon sa hunga domino.
Benacio a bira bestia, pusha Juju, te ku e pober a dal abow. Djei Benacio a sali bai na gritu di harimentu.
Andresitu a hanja ku Benacio ta un animal brutu. I Gos di ku ta pesei mes e desgrasiadu a bati su kas mal bat, te ku e pober muhe a muri loko na Montekristu.
Ma bon, dos dia despwes, riba un diasabra, tabatin e wega entre Benacio ku Juju. Benacio ku su formalidad di kustumber a kumpra un bter di pinchi, i trit tur hende aki den. Ningn di nos a riska papia un pia di palabra, mientras e wega tabata den.
Den esei ma mira kon Benacio a sera frenta. Ami di: Hepa, e kos aki ta hole malu.
Juju tabatin dos pieda den su man. Benacio tabatin tres. Juju a pone dos i blanku. Benacio a pega dbel blanku ku rabia su tras. E ora ei ma weta kon Juju a hisa kara i keda mira Benacio. Ku masha delikadesa Juju a pega su ultimo pieda, tres i blanku, na e dbel blanku di Benacio. Wel, mira aki. Nunka di mi bida ma mira un hende su kara asina hostin manera esun di Benacio. Ni...”
|
|
18 |
![](https://dcdp.uoc.cw/content/AA/00/00/00/98/00001/AA00000098_00001_00052thm.jpg) |
“...gana, i tuma den mesora cu e galeinske. Asina el a aserka e mucha, el a kuminsa batie ku palabra dushi. E galinja a gusta ku Lou, i den un rati ora Lou a start un namoramentu di kita sombre den un huki poko skur di e balkon.
Esta dushi bo ta, shon bunita, Lou a kuminsa merma.
Bo ta hanja?
Bo ta manera un strea den skuridad di mi bida.
Papia poko-poko. E hendenan ta tendebo.
Ki mi tin ku nes. Laga nan tende ku bo ta un bejesa excepshonal.
Tasina tantu ba gustami?
Tur ku tin. Mi ke lastra na bo pia. Mi ke kasa ku bo.
Hahai!
Lou a sigui gaba bunitesa di su galinja ku tur sorto di palabra ku a pasa na su sinti. El a pone man riba e kutis suave. El a sunchi e frenta, e brasa i e boka. Tur kos el a priminti. Tur kos e kier a duna.
Na un siertu momentu e mucha a avise, ku tin dos homber ta mira kon
42...”
|
|
19 |
![](https://dcdp.uoc.cw/content/AA/00/00/00/98/00001/AA00000098_00001_00055thm.jpg) |
“...e muraja shinishi ni e kldunan blanku.
Estun dushi fresku, e so a papia, ora el a sinti e bientu di marduga dal den su kara.
Trrr, el a tende djis su tras. Di golpi Gachi su kurpa a bira friw. Su wowonan a kuminsa bula di un banda pa otro, i el a sinti kon sod friw a kore den su roi di lomba.
Sigu kamna, Gachi, el a bolbe duna su mes kurpa kurashi. Sigu kamna trankil di bo. Nada partikular no a sosode.
Trrr...... trrr, e kos a bolbe zona asina Gachi a kuminsa kamna.
Gachi a sera djente i lanta pia.
Trrr...trrr, trrr.... e kos a zona mas duru su tras.
Gachi a bira tur sar. Rpidamente el a bira kara, wak su tras, i grita: Ta ken?. El a tende bientu supla i algn rama di palu raska riba otro. Tur e mondi rondo di dje tabata suk. Te lew aja un gai a kanta.
Den su mes Gachi di: Miho mi no tuma ningn riesgo. Mesora el a kita su bachi, boltu e banda robes, i bistie ku e fru parti pafo, pa asina e por kita spiritu for di su kurpa. Konfiando riba e bachi banda robes, Gachi a kuminsa kamna mas pur...”
|
|
20 |
![](https://dcdp.uoc.cw/content/AA/00/00/00/98/00001/AA00000098_00001_00056thm.jpg) |
“...Tesei ta hasi henter e asuntu mas tristu. Fedoi a kontami tur e historia.
Diasabra pas ei Fedoi ta sinta lesa su korant trankil di dje den sala. Ku su glas di awa ku lamunchi i su paki di sigaria banda di dje. Bo mester sa ku Fedoi no tin lei ku alkohol. Chalita a sali, bai set kabel serka Mirta ku tin e salon di bejesa na skina di kaja.
Den esei Finchi, e ju muhe hopi bon danki di Cai, su bisinja, a kore drenta Fedoi su kas, morto spant, ku dos wowo asina grandi den su kara. Anto na saja so, pia abow. Imaginabo!
Papai ke batimi, e mucha a grita desespera i kwe Fedoi brasa masha duru mes. Lagami skonde aki den. Lagami skonde lihe.
Kompronde bon. Fedoi ta un homber serio. Pero e figura bibitu di e galinja i e perfume delisioso na e mucha su kurpa a buta Fedoi tolondra djis un krenchi. Fedoi a pasa man riba e brasa gorditu di e dams. Pero asina el a sinti ku su boka a kuminsa tembla, el a kita e galinja bon pur for di su kurpa.
,,B...b...bai den kamber. D...den kashi. Bow di k...kama, Fi...”
|
|