Your search within this document for 'hala' resulted in 20 matching pages.
1

“...jen di tera, jen di pieda. No tin pos kntra di kaminda, ni palu di shimaruku. Pasobra bo mester sufri sedu. Hendenan ku ta kamna bai serka Dios, no por tin pargata ni sanbarku na nan pia. Pasobra Dios ke pa bo pia ta jen di sumpinja ora bo ta bai serka dje. I sod mester seka manera slu riba bo frenta, ora bo jega riba e plenchi grandi rondo di Dios su kas. Riba e plenchi ei kada hende ta hanja un ramada. Ei semper ta hasi fresku. E ora ei nunka mas nan no tin mester di kamna kaminda lew, pa bai hala awa na pos. Pasobra kontra di kada ramada tin un pos, jen di awa. Anto Dios ta pasa na kada ramada serka e hendenan. E mes ta saka sumpinja for di nan pia i e ta laba tur nan kurpa ku awa fresku. Semper Dios ta kamna ku un koto, jen di kumnda masha dushi. Esei e ta parti pa tur hende, tur dia, anja den anja afo. Nunka e kumnda no ta kaba. ,,Mi por bai serka Dios? e mucha a puntra su mama. No, mi ju, ainda no. Dia bo bira mas grandi, bo deseo pa bai serka Dios lo bira masha grandi, ora bo mira...”
2

“...PRENCHI DEN MALETA Pa Djeffi ta un figura dje tempu di mi hubentud. Nunka lo mi por lubide. E tabata kaptan di Olivia Grande, un barku di dos master ku tabata nabega entre Venezuela, Colombia, San Dumingo i Corsou. Pa Djeffi tabatin wowo shinishi i un kara masha chistoso. Bo no por a kere ku ja el a pasa kwarenta kaba. Esta bon tersio e tabata. Miho amigu ku ne mi no tabatin, pasobra e por a konta kwenta fantastikamente bon, di kolebra i pisk masha grandi ku por hala un barku bai ku ne den fondu, di muhe pisk ku kabei masha largu, ku a buta nabegantenan tolondra i bula na awa nan tras, di orkan masha mahos ku skwal teribel duru. Ki ora ku Pa Djeffi ta konta kwenta, mi ta imagina mi kon mi ta par den stef di su barku, pa mi gosa kon e ta lucha ku laman. Bow di un palu di indju den Pareda e tabata kontami su historianan, mientras mi ta hunga fli. I e fli ei, ta Pa Djeffi mes a trahe pa mi. Pasobra semper Pa Djeffi a keda mucha. Trahamentu di fli tabata su kuki. Ki ora ku e ta na Corsou durante...”
3

“...varios dia ma riska bai Pa Djeffi su kas. Ma keda para tur tolondra den su kamber i weta erante di mi fli kologa na e klabu. Ta sina mes mester a pasa, su kas a kontami. I el a munstrami e maleta chikitu di Pa Djeffi. Den su ansha el a lubida su maleta riba mesa den kushna. I e no a resa su orashon di kustumber den misa. Ta por mes e no por a skapa. BANANA Ku mi propio bista ma mira e kos aki sosode, djis na skina di brug di Skalo, kaminda tin e borchi Seamens Home. Un moveshon rpido di algu a hala mi atenshon, ora mi tabata pasa ei banda un ratu despwes di mitar di sinku. Ma bira kara pur, net na ora pa mi mira kon un banana hechu a pasa di un man robes pa un man drechi, pa despwes e disparse den un saku di papel riba asera. Mi di: Karamba, e gengu ku a hasi e kos ei ta djaki kanja. E mester tin masha brio pa praktik ligeresa di dede di dia kla. Mesora ma traka riba asera, pa mi weta ta ken e gai-bibu ta. Tabata un tersio chikitu, flaku, den un karson balente sushi i un flanel ku binti...”
4

“...Bartol, sali for di haf aki ku marduga grandi. Awor aki ta boto di motor ta manda, pero prome aja ta na rema nos mester a hala. Diesdos homber mester a bua un kanoa grandi. Seis kada banda. Sigun nos ta bua, nos ta kanta. Esei ta pa duna e kurpa poko brio. Anto kada dos ora nos ta sosega un ratu, pa kada homber dal un mushi di rom pa kenta su ardunan. Di aki pa Klein Corsou sa turna nos mas o menos seis ora. Ta basta rema, ma observa. Pero bo ta kustumbra. Korda bon ku e tempu ei nos tabata hoben. Kestion ku tin, ora nos jega Klein Corsou, nos ta sosega basta ratu. Anto despwes di esei nos ta kuminsa piska. E botonan ku a jega un dia prome ta bolbe Corsou ku loke nos a piska. Asina nos tabata kambia otro. I bo por a mira e luga kaminda nan a dera Commodore Murray, e Ingles ? No. Nunka. Ma tende un kos asina, ku hopi tempu pas nan a dera un ofishal grandi ei riba. Pero un otro kos si mi ke konta. Un kos masha stranjo ku a pasami ei riba. Pol a buta su trai na swela, sende su kachimba, grawata...”
5

“...ku kabei largu. Feli di ku ta spiritu o kwalke alma malu. Pero ami tin sigur ku ta un muhe bibu. Sigun mi por a mire den lus di e faro, e tabatin un kol hopi kla. Kasi sigur tribon a kome. Rei ku ei banda ta jen........... Pero bo sa, ora mi ta sinta drecha mi trai aki bow, semper mi tin ku pensa riba e muhe ei. Ma hanja su saja tira riba plaja. Un saja blanku di nanso. Mi tin e ward te ainda den mi bal den mi kamber. Pakiko bo no a avisa polis despwes? ma puntra Pol. Ata bo tin e saja? Pol a hala un rosea grandi, bati e shinishi for di su pipa riba pida pieda i bira wak su boto den awa. Mi tabatin miedu, el a sigui. Pasobra ma sinti ku mester tin mas kos ei tras. I mi ke ku ma hasi bon di no papia. Pasobra hopi tem despwes Feli ta kontami, e mesun Feli ku tabata huntu ku mi riba Klein Corsou, owel Feli a kontami ku un dia nochi el a sali for di shap di Shon Lenchi na Otrobanda. Anto un nabegante grandi kaba tabata zeilu bon kanj su dilanti ta bai pariba. Den su fuma e nabegante tabata...”
6

“...bisabo for di awor aki, el a sigui fulmin, mientras e tabata menasami ku su dede. Si bo hera skirbi ku mi ruman muhe a hanja ju ku un sold Merikanu den tempi gera, mi ta kehabo. Ba kompronde? Ami a sonrei, pasobra ja ma hole un historia nobo pa mi skirbi. Pero parce ku mi kalma a buta e homber bira mas razu. Mi ta laga nan serabo, el a bati bai ku furia, si bo publika ta ju di ken mi ta, i si bo skirbi ta di ki manera ma bini na mi kas. Su wowonan tabata serka di bula afo, i e tabata blo pa pa hala rosea. Tee kwidow bo skirbi ku mi ta bende number o hasi bra. Laga nos kompronde otro bon, mener, ma purba kalme. Si mener sigui kunsumi asina ei, anto ta pasa mener loke sa pasa ku donderbos. E barigon a paralis. Su boka a keda tembla sin por saka palabra. Bueno, mi shon, mi di ku ne. Mener a kontami poko kos masha interesante. Pero mi tin ku sigui. Tin un amigu ta sperami. Sigur ta bo famia ta sperabo den Montekristu, el a benta mi tras Pakiko bo no ta skirbi riba nan? A dwel mi ku mi no por...”
7

“...bentananan, pa siertu respet. Pero a la largu el a bin para bira ,,kas di spiritu. Simplemente pasobra un dia nochi un bientu fwerte a bati un pida papel grandi den su sala. E zonidu a buta tur hende ei banda kere ku ta un spiritu a tuma poder di e kas bashi. Pedro, sinembargo, tabata sa masha bon, ku no tin ningn sorto di spiritu ei den. Por sierto e tabatin kustumber di drumi sosega den e kas ei. Ora su barku jega anochi lat ku slu for di Boneiru, e tabata pasa anochi ei den, pa su manise trempan e hala pa Montanja, kaminda su hendenan tabata biba. Bintitres anja Pedro tabatin, un mulatu haltu ku kurpa ankr. E tabata matros na bordo di e balandra Stormvogel, ku tabata karga slu for di Boneiru. Cada be ku Pedro bolbe di Boneiru, e tabatin kustumber di kamna keiru den Punda ku Otrobanda, tirando un bista riba e nigritanan hoben ku tabata bini di Bandabau, pa sinta bende fruta ku berdura riba kaja. I den nan el a bin topa ku Sabelita, un nigrita katibu di diesnuebe anja di Bandabau. Nan a kuminsa...”
8

“...kontrabanda di whisky pa e komersiante den Otro-banda. Si bo no judami baha Flora Maria na laman, mi ta konta loke mi sa. Simon a sinti kon sanger a subi na su kabes. Pero el a domina su mes i kontest: Ta bo mester sa. Si ataka kwe bo riba laman, ami ta laba man. Sin bisa un pia di palabra mas el a kamna huntu ku Nonato i bai na Flora Maria. Pero el a ripara kon Nonato tabata blo mansa na parti di su kurason ku su man. Tee duru, Nonato a bise ora nan tabata par na kada banda di e boto. Bo tin e? Ban. Hala! Kwater brasa muskul a gara e boto i kuminsa lastre den direkshon di awa. Nonato! Un stem skerpi di hende muhe a grita for di e murajanan di forti. E dos hombernan a spanta i hisa kara wak ta ken. Dolorita, kas di Nonato, tabata par riba forti. Su lensu di kabes tabata bula den bientu. Bira mesora, Dolorita a grits. Ba kere ku mi no a ripara? Ba kamna muchu pur. Pesei ma kompronde mesora ta ki ta bo idea. Bira bai kas mesora. Nonato a bira pasa patras di e boto, i keda par banda di Simon. Su 26...”
9

“...manera motor, el a konta Medardo ku su ju di mas chikitu a kaba di drenta hospital. Medardo a hala un rosea grandi, traha su kara di kompashon i bisa e senjora ku e ta kompronde e sitwashon perfektamente bon. Pero mi tin hopi tempu, senjora, el a splika e muhe. Masha hopi tempu mes. Ademas nos ta riba mundu pa juda otro, no ta berde? Nos mester tin pasenshi i komprenshon. E muhe a keda mire un poko asombra un ratu, pa djis despwes e sigui bati bai ku su mes historia tragiko. Mientrastantu Medardo a kamna drenta kas trankil di dje. Ku masha kalmu el a kai sinta den un stul di zoja den sala. I komo si fwera ta un seremonia e tabata hasiendo, el a saka un buki for di su tas, un termu i un pan franses jen ku keshi. El a pone e termu i e pan riba un mesita banda di dje i kuminsa lesa e buki. Ta den kiko mi ta hanjami? e muhe a puntre. Mi ta spera ku pasenshi, senjora, Medardo a kontest ku un sonrisa masha simpatiko na su kara. Senjora ta mi prohimo. Esei ta nifika ku mi tin obligashon di duna...”
10

“...dunami premio maj, sino mi ta kar-gabo hiba shut na Hato awor aki mesora........ Mil cuatro cientos treinta y siete, e stem na radio a anunsia. Primer premio. Bubuchi a paralisa di sustu. Henter su kurpa a bira friw. Su pianan a bira pis. Di nervio el a kuminsa ranka orea, boka ku nanishi. El a dal man na frenta, grawata kabes i para tembla. Na pida-pida e palabranan a kuminsa sali for di su boka: Trin......ta i....shete......No.......no por ta.... Papa Toni! el a grita, kasi razu. Papa Toni, mi ta hala tur mi palabranan atras. No ta asina mi kier a men. Ta mi nervio, Papa Toni. Por- dona mi, Papa Toni. Papa dushi, pordonami. Hasi manera bo no a tende kiko ma bisa. Bo ta hanja un kaha di bela serka mi. Esnan den glas grandi. Mi ta kumpra un buket di bintisinku florin pa bo. Mi ta seka bo kurpa pa bo. Ku un serbete limpi. Lubida tur loke Bubuchi a bisa awor ei. El a sunchi kabes di e imagen, kore drenta kamber di banjo bon pur, i bolbe ku un serbete di mondongo, riba kwa tabatin un mucha muhe...”
11

“...lena a hala su kas ku su ju muhe bai paden. E ora ei ma disid di habri kranchi tur ku tin, i ma harta e muhe ku mi vokabulario kompletu. Nunka mas Madalena no kier a papia ku mi. Di su amiga na ofisina ma bin hanja sa poko tempu despwes, ku e hendenan di Madalena no tabata di akwerdo pa nan ju kasa ku un sjowru. ,,Bo mes tambe ta muchu animal, e amiga di Madalena a splikami. Kon bo ke zundra e tanta di bo namorada? LABA MORTO Shosho a dal su ultimo hap, sera wowo i drenta su sonjo eterno. El a muri, Doma, Elenita a bisa su amiga, ku a sinta huntu ku ne, sperando e ultimo momentu di Shosho su bida riba mundu. Bo ta bai buska Ma Tencha pa laba morto? Domatilia di ku ta bon. Pero ora el a lanta for di su stul, el a keda wak e kurpa flaku di Shosho drumi riba e kama di pushi riba swela den kamber. Domatilia a gloria su kurpa i sali bon pur, pa bai buska e labado di morto. Nacho ku Cerilio, dos amigu di shap di Shosho, tabatin basta ratu sint riba banki dilanti di nan kas, un dosshen meter for...”
12

“...opinion ku Juju no tabata mal mucha homber. Asta Anchi, e kantinero, ku generalmente no sa tin ningn klase di sintimentu pa e burachenan stinki ku ta sinta borota den shap, tabata djis un krenchi impreshon. Sigun su klientenan tabata repas bida di difuntu Juju, e tabata len kontra di trazjet, ku kara serio, sku-chando e diferente komentarionan. Gos tabatin palabra: Ami ta korda dia ku Juju a horka Benacio su dbel seis. Aki den. Na e mesa kaminda Janshi ta sint ei. Mi ta korda manera ta awe. Gos a hala un huma na su sigaria, raspa garganta i sigui: Bosnan mes sa ku nunka tabatin un hende ku por a bati Benacio na wega di domino. No tabatin hende na mundu ku por a buta Benacio kologa. Sapatu no ta kos ku Benacio por a hanja. Ma bon, manera mi di, na e mesa ei. Ami tabata sint den huki aki banda. El a bira weta Anchi. Bo ta korda, no Anchi? Anchi a grunja uhun, raska su lomba na trazjet i sigui skucha. Bueno, e kos ta asina aki. Un par di dia prome Benacio a drenta aki den ku masha formalidad,...”
13

“...Asina el a bati poko-poko na e bentana, Marietta a habri pe. El a tuma Marietta su maleta. Despwes Marietta a bula bentana, bahando riba Harry su lomba. Manera pushi nan a kamna bai na e auto. Porfin mi ta liber, Marietta a bise masha kontentu, ora nan a jega den kaminda grandi. Harry, bisami. Bo ke kasa ku mi? Pero aki no ta posibel, mi amor. Nos ta bai Colombia. Colombia? Esta dushi. Bo tin boto? Na Wespen. Nan a drenta auto y Harry a trapa gasolin pa e jega Wespen mas lihe posibel. Marietta a hala pega banda di dje y pasa su brasa tras di Harry su garganta. Harry tabata sinti su mes den shelu. Su manise polisnan a hanja e auto tur kibr kontra di un pali manza-linja kantu di kaminda di Sabaneta. Tur paden di e auto tabata na sanger. Harry tabata drumi boka bow riba kusinchi, morto. Na su garganta tabatin mrka di djente, kaminda un hende a morde su ardu di garganta. KONFESHON Diadumingu atardi ma kai sinta riba un banki, den e parke riba Plasa Konkordia, sperando di dos klok bati, pa mi drenta...”
14

“...na barba i keda wak lew su dilanti. Tur e karanan di mi amigunan den klas a bolbe pasa den mi sinti. ,,E kos ei ta trinta i kwater anja pas, ma observa. Trinta i kwater, Luis a ripiti. Pero bo sa, ta stranjo. Mi ta sinti un alivio ku ma kontabo mi sekreto. Ta abuzu ma hasi ku e homber. Ma kompronde ku Luis su sekreto mester a molostie basta durante di tantu tempu. Pesei ma kambia kombersashon, i hala su atenshon riba e muchanan ku tabata kore kontentu rondo di e parke. TULA Papa Monchi, e fit biew, tabata sint riba e pidasitu stupi dilanti di su kas di pali maishi, gosando kon solo tabata baha riba laman. Ku su mannan tur na kajo den su skochi i ku su lomba kontra di muraja dje kas, e tabata mira su tres njetunan ta hunga ninichi djis banda di e kama di flaira serka di su kas. Ja Papa Monchi su edad tabata hopi haltu. Ochenta i tres anja el a kumpli riba fiesta di su patrono, San Ramn. Dia e tabatin tres dia ku el a nase, nan a hibe misa di Wespen, den garoshi di buriku. Ei nan a batise:...”
15

“...Djei nan a sigui bai Porto Mari, i ei nan a traha nan kampamentu. Riba un garoshi di buriku nan a hala tur e skopetnan ku nan a hanja. Ei na Porto Mari Tula a parti skopet ku bala pa nan tur. Un mulatu, Andres, ju di afo di un otro shon i kocheru di su mes tata a logra kwe diesun skopet na diferente kaminda. E Andres ei tabata biba na skondi ku un muhe blanku. Parse ku e muhe ei tabata konose tur e kasnan di shon na Bandabow, i e tabata sa unda e rmanan ta. Despwes ku nan a laga mata e katibunan riba Rif, e muhe ei a tira su kurpa den un pos banda di Santa Cruz, pasobra e tabata spera ju di Andres. Den esei un otro katibu, Luis Mercier, a perkura ku poko katibu a bai huntu ku e otronan riba un seru banda di Fontein. Un trupa di sold ku a bini for di Punda, a purba forsa e katibunan pa entreg. Pero Tula a duna e katibunan asina tantu brio, ku nan a ataka e soldanan i buta e soldanan kore bai. Dos dia despwes a jega un grupo mas grandi di sold for di Punda, pa liga e asuntu di e katibunan...”
16

“...katibunan a bolbe Fontein. Ei nan a skonde tras di baranka i sigui bringa ku masha furia. Tabatin un katibu hoben ku tabata par riba un baranka. Un kaptan di e soldanan a aserke ku pistol den man. E katibu a dal un gritu: Nos ta ki pa gana o muri. E bala a kwe e katibu den su kurason. El a dal un gritu, kai for di e baranka, i su sanger a kore riba e baranka. E katibunan tabata kore pasa manera pushi tras di e barankanan, sigun nan tabata tira riba e soldanan. Pero despwes di algn ora nan mester a hala tras, i nan a subi seru di San Cristof. A kosta masha trabow pa obliga nan entreg. Nan kumnda a kaba i soldanan a rondona nan di tur banda. Tula tabata par bow di un pali indju, i ei el a bisa e katibunan ku nan mester entreg. El a jora masha ora el a bisa nan: Shon pastor a bisami, ku si bosnan entreg, anto bosnan no ta hanja kastigu. Mi ta kere pastor. E no por laga e soldanan sigui mata bosnan. Nan a rondona nos. Bai traha numa i keda sperami ku pasenshi, te ora mi prepar un otro lantamentu...”
17

“...lus send den e hadrei di shon Rudelof su kas. Nan no por a tende ningn zonidu di stem. Pasobra e kas tabata par mas ku nobenta meter for di kaminda grandi. Sinembargo nan a kompronde ku Petra di shon Rudelof i su ju muhe Rodolfa tabata preparando pa nan tambe bai misa di marduga. E subrina di shon Rudelof a bai New York kaba?, Servania, un muhe gordo di kwarenta i piku, a puntra su amiga. Ma tende ku kasi sigur e ta barka otro manjan. E ta na Punda, tabata kontsta di Marta, su bisinja. Marta a hala su shal pretu, pa tapa su skowrunan. Kon biew shon Rudelof tabata? Sesenta i seis. I su njetu, e mucha chocho? Mi ta kere binti. Ba mira nan morto pasa ajera? Ora mi tabata par den bentana di kushna. Dos waha di morto tras di otro. Tabatin dos korona. Lo ta di Petra ku Rodolfa. Pasobra shon Rudelof no tin mas famia. E subrina ei so. Ma bo sa, Servania a sigui sigun e ta buska rosea. ,,E asuntu ei ta masha stranjo. Ta ki jama e njetu? Michiel. E tabata uniko ju di Arnold. Anto Arnold tabata uniko...”
18

“...kantidad enorme di bichi di kandela ta bula, sende paga den mondi; ku e palunan korkob kontra di kaminda tabata zoja bai bini; ku bjentu tabata supla masha dushi den e datunan tur na tera. I sigun Marta a hupa den kaminda, e di ku Servania: Bon Pasku, ju. Tur kos bon. Servania ku tabata kasi sin rosea, a kontest tur kans: Pa bo tambe. I el a hari den su so, di felis ku el a sinti su mes. Evangelio a kuminsa kaba ora Petra ku Rodolfa a kamna drenta misa, tur dos na blow skur. E hombernan par patras a hala un banda, pa nan pasa. Nan a keda weta Petra ku su ju Rodolfa. Despwes di misa lo tabatin hopi kos di papia. Tur banki tabata jen. Petra ku Rodolfa mester a keda para patras. ....TRANSEAMUS USQUE BETHLEHEM, ET VIDEAMUS HOC VERBUM.......... Petra su dedenan gorditu tabata frifri ku e kwentanan di su rosario. Pero su orashon tabata na pida-pida, sin konsentrashon. Su pensamentu-nan tabata henteramente otro kaminda....... 57...”
19

“... Te dia Dolly a sinja konose Frits, e jonkuman makamba. E tabata koresponsal. Anto e sa jamami Mamaatje Peetra. Rudelof, bo ta mirami par den misa aki? Djis aki mi ta resa pa bo. Seis Nos Tata, seis Ave Maria. Bo ta korda dia Dolly a kasa ? Ba purba balia ku ne. Pero ja bo pianan a bira muchu steif. Michiel a grita hari. Anto Frits di: Goed zo, Papaatje. Goed zo. Bo tabata morto kans despwes di esun piesa ei. Ba bin sinta serka mi, pone bo man den mi skochi. Anto bo di: Petra, mi ke ku nos ta hala pa biew. Ma pone mi man den bo man. Asina ei nos a sinta gosa e felisidad di nos junan. Esta pik ku Frits i Dolly mester a barka bai Colombia. Ma mi ta kompronde. Aja Frits lo por a gana mas tantu. Nos dos a para den plenchi padilanti, jama nan ajo, ora nan a sali pa Punda. Bo tabata guli e kartanan ku Dolly tabata manda for di Colombia. Kada un bo tabata lesa mas di dies be, pa mi tende. Ku awa na bo wowo. E notisia di Yvette su nasementu a hasi bo masha kontentu. Pero dia nos a hanja Yvette...”
20

“...parti pabow di su ofisina i wak trafiko. Den esei a dal na su sinti pa bai keiru den Otrobanda. Mesora el a tumba pabow, krusa brug i pasa den Kaja Grandi di Otrobanda. Ku su pensamentunan fih riba su ideal, el a bolbe sigui balu kada nigrita ku a pasa den kaja. Kamnando di tal manera el a bin resulta te na Kas Chiki. Ei el a kansa i buska un luga di sinta sosega. Ma kcmo no tabatin ningn kaminda di sinta, el a ln kontra di muraja di un kas i sende un sigaria. Zonidu di un par di pargata lastr a hala su atenshon i sake for di su pensamentu. Dos pali pia pretu bon form ta prome kos ku su wowonan a topa. El a hisa kara i mira e kurpa ankr den un shimis barata di katuna. E brasanan tabata jen. E garganta limpi. Kara lizu. Boka jen, orgujoso. Henri a kita kurpa for di e muraja i sigui wak e parti patras di e nigrita sigun e mucha muhe a sigui pasa bai. E atras tabata burdug bow di e 66...”