1 |
![](https://dcdp.uoc.cw/content/AA/00/00/01/04/00001/AA00000104_00001_00007thm.jpg) |
“...RIO CANARIO (ROI KANAJA)
Na kuminsamentu di anja 1939 e notisia di Schutterij a dal mi un boft den mi kara. E idea di pasa mal bida i gana fl. 4,20 pa siman no tabata di mi agrado.
Pa mi sweltu a sali un aviso den korant. Nan tabatin mester di polis. E salario tabata muchu mas ku fl. 4,20. Ademas polisnan tabata militar e tempu ei. Ke men, ku si mi bira polis, automatikamente mi ta militar i mi ta skapa Schutterij.
Ma solisita. I na maart 1939 ma kamna drenta e kampamentu di Rio Canario, sin por a realisa kwantu aventura tabata sperami.
*
* *
Ora ma pasa den e porta grandi, ma weta e wrda di tabla na mi man robes. Algn polis kans tabata sinta rek lomba i pia den poko stul ku tabata grita miserikordia.
Un brigadier ku pia di kater tabata par den plenchi. Su lomba i su barika tabata demasiadu grandi pa su pianan delega. Un bigoti spinja pretu a duna su kara djis un toke di inteligensha.
Despwes nos lo a bin topa ku otro hopi be.
*
* *
Den e kampamentu un adjudant barika di lodo, ku mustashi...”
|
|
2 |
![](https://dcdp.uoc.cw/content/AA/00/00/01/04/00001/AA00000104_00001_00008thm.jpg) |
“...bo kurpa na fini manera for di trabow desagradabel.
*
* *
Ehersisio ku skopet tabata e adjudant su sistema di kibra nos alma.
Drumi plat abow den un kama di anglo, nos mester a ensaja e posishon pa tira ku skopet. Kantidad di sunpinja di anglo tabata hinka rondo di nos kurpa. Anto bo kokoti di man drechi mester a lastra den tera bai bini, sigun bo ta pone e skopet na posishon.
Si tin un kaminda ku mi kurason a basha palabra malu, sin habri mi boka, anto ta den tal ehersisio.
Asina e adjudant kalkula ku el a mua nos basta, e tabata duna komando: Lanta para, kita sumpinja i kik.
*
* *
Dios a turna e adjudant ei su alma basta tempu kaba. Pero ami ta korda dia notisia a drenta, ku Alemania a ataka Hulanda.
Nos tabata sinti ku algu ta bai pasa. Pesei mester a drumi, ku uniform kla riba stul banda di bo kama, ku skopet, pistol i bala prepara.
Anochi lat un sergeant a kore drenta kampamentu, na gritu: Alemania a drenta Hulanda.
Nos tur a bula lanta, bisti uniform i bai para warda na kareda dilanti...”
|
|
3 |
![](https://dcdp.uoc.cw/content/AA/00/00/01/04/00001/AA00000104_00001_00009thm.jpg) |
“...bist i autoritario te bai.
Abo ta bai tal post. Abo aja. Abo ..El a pone nos tur na diferente post, sin tee kwenta ku mester di resrva pa kambia nos.
Te tres or di marduga e mester a kore den auto, pipit varios di nos, pa bin keda den kampamentu komo resrva.
Mi tabatin sweltu ku mi por a bolbe den kampamentu. Por siertu mi tabatin un sonjo di grita. Ta pesei mi por a mira kon mariniernan a bini ku un truck, i bai ku e uniko metrajadora ku nos tabatin den kampamentu.
*
* *
Pero mientras ku nos tabata par na kareda dilanti di e loods, a pasa algu ku mi no por lubida nunka mas.
U kopr sneiru tabata par na mi man robes. Nunka di su bida el a tee un skopet den su man. Ora sergeant a pasa kontrola ku tur hende tin skopet i sufisiente bala, el a prop un skopet den e sneiru su man. E pober homber a keda mira e skopet, komo si fwera ta un kolebra venenoso nan a dune.
Huntu ku e sergeant a kita bai, sneiru a basha na joramentu: Kon mi ta hasi? Mi no sa tira ku skopet. Ai, mi Dios. Ata gera a kumins...”
|
|
4 |
![](https://dcdp.uoc.cw/content/AA/00/00/01/04/00001/AA00000104_00001_00010thm.jpg) |
“...Nos a hanja pki ku skop i krenwa. Hermano, un siman largu nos a tira pki, koba grijs, jena krenwa, bai basha den e formanan di tabla ku nan a traha na e kwater skinanan di kampamentu. Lomba sunu nos a traha. Soda manera buriku. Anochi nos lomba tabata saka vlandam di dolo. Pero su manise mester a sigui hupa.
Porfin nos a logra jena tur kwater mitrailleursnest ku grijs.
Awor ta bini e grasia ... Durante di henter gera ni un di e kwater puestonan ei no a mira ni sombra di metrajadora.
Nos a uza un di nan. Un so. Esun den e huki parti pariba. Komo e tabatin mas o menos un meter i mein di haltura, e tabata net e kos pa drumi skondi, ora nos tin kampwacht. Anto un ta keda lant pa wak ora sergeant ta bin kontrola. Ku un monton di e mes piedanan di grijs ku a habraka nos kurpa, nos tabata tira riba esun drumi, pa nos tur dos por a meldu: Geen bijzonderheden.
*
* *
Despwes di masha tiki tempu nos ku ta nobo a forma amistad ku esnan mas biew. I e komprenshon a bin bira asina bon, ku nos tabata forma...”
|
|
5 |
![](https://dcdp.uoc.cw/content/AA/00/00/01/04/00001/AA00000104_00001_00011thm.jpg) |
“...kwalke malu.
Prome ku nos kumins trata e kaso, nos a wak e dos hembranan bib huntu den kas. Bru, bon te bai. Ser, ankr, bon form, anto hoben.
E amigu huntu ku mi di: Weta kon bo ta maneha e asuntu aki, pa nos logra bo mes sa ki mi ke men.
Ma rebusak e muhe hasido di bra, i obligue di bai kohe e wea di pishi. E dos muhenan a gosa kon nan a gana viktoria. Nan a gradisi nos masha.
Pero nos viktoria tabata anochi. Banda di shetor nos a pasa serka e nigritanan. Tabatin un fiesta di grita. Nos dos a hala na pia, bai Rio Canario banda di nuebor, morto kans, pia tembla-tembla. Pero satisfecho ku nos a solushna e kaso den tur su detajenan.
*
* *
Un otro amigu polis, ku mi a kore patruja ku ne, tabata mas floho ku kaka di marduga. Mi no por korda su nomber mas. E tabata kor di bebe rom. Esei tabatin un kapasidad original. Sint riba bisikleta, e por a pusha un pedal djis un tiki, i sigui kore kasi shen meter, sin manda bisikleta. Ta e toro ei a sinjami kon bo por drumi, sint riba bisikleta. Por siertu...”
|
|
6 |
![](https://dcdp.uoc.cw/content/AA/00/00/01/04/00001/AA00000104_00001_00012thm.jpg) |
“...kos ei den wachtrapport. Pesei un dia el a skirbi: Heden een ezel doodgeschoten, benevens de kampcommandant.
*
* *
Te patras den Suffisant tabatin un kacho muhe ku a werp nuebe ju. E kacho tabata basta brabu.
Pia di kater a bai huntu ku mi, pa tira e kacho mata. Mi no ta kere ku Pia di kater tabata loke nos por jama un scherpschutter. Pasobra na un distansha di seis meter el a los un bala di skopet riba e kacho su pia patras. E kacho a grita teribel. Mesora Pia di kater a lombra e kacho un bala mas den su pechu. E Bestia a muri.
Kiko nos ta hasi ku e nuebe junan? ma puntre.
Ta pik pa gasta bala riba kacho chikitu, el a kontest. Mi ta elimina nan na mi manera mas barata.
10...”
|
|
7 |
![](https://dcdp.uoc.cw/content/AA/00/00/01/04/00001/AA00000104_00001_00013thm.jpg) |
“...Den un saku di kaimas el a hiba e nuebe junan di kacho Rio Canario. Par kontra di e kur di porko, el a saka su klewang skerpi, i korta garganta di tur nuebe kacho.
Mi ta papia berdad, pasobra ma para mira. Mi stoma a wal.
*
* *
Te awe mi ta sinti dwele, sigun mi korda kara di mi amigunan ku tabata jega Rio Canario, for di Boneiru. Aja nan tabata tee wrda kaminda e Alemannan tabata ser. Pero e wrda tabata poko pis. I masha hopi di nan tabata pega sonjo na post. Un tras di otro nan tabata hanja streng arrest. Na Rio Canario nan tabata sera nan. Pero mainta ta saka nan for di cel, pa nan bai banja. I nan ta probecha pasa den loods serka nos. Nos tur tabata duna nan sigaria ku lusafe i kos di kome, pa nan diberti den cel.
Ku punaise nan tabata pega e kwater puntanan di nan lensu bow di nan kama di palu den cel. I den e lensu nan tabata skonde sigaria i kumnda.
*
* *
Un di e celnan (cel No. 21) tabata net keminda nos tin ku sinta ora nos tin kampwacht anochi. Nos tabatin jabi di e cel, pa ora...”
|
|
8 |
![](https://dcdp.uoc.cw/content/AA/00/00/01/04/00001/AA00000104_00001_00014thm.jpg) |
“...tres palabra un G.V.D. Huma sigaria un tras di otro. Nos tabata stime. Nos tabata respete. Di e otronan nos tabatin miedu. Esei ta e diferensha. Mi tin sigur, ku si algu serio mester a pasa na Corsou den gera, ku tur hende lo a juda Sergeant G.V.D. i laga e otronan klap.
Mi no ta ninga ku disiplina ta bon. Te awe mi ta disfruta di e disiplina ku nan a pomp den mi sesu. Pero huntu ku disiplina mester tin respet pa esnan riba bo. No miedu.
*
* *
Konsekwensha di miedu (i rabia) ta lo siguiente.
Tabatin un ku ta perkura pa nos kumnda. Pero nos tabata kome hodidu. Masha hopi di nos tabata sali bai kome na restorant, pasobra no tabatin moda pa guli e platonan ku nos ta hanja.
Riba un bon dia e meneer ei a drenta kampamentu ku un auto nobis-nobis. Mesora nos a komprond ku el a kumpra e auto riba nos kustia. Enbes di perkura pa nos hanja bon kumnda ku e plaka ku e ta hanja, el a laga e plaka den otro kanal.
Pero e gengu ei tabatin un debilidad. E tabata gusta hunga brial masha. Nos tabata perkura...”
|
|
9 |
![](https://dcdp.uoc.cw/content/AA/00/00/01/04/00001/AA00000104_00001_00015thm.jpg) |
“...tabata konsentra. Ma mira kla kon varios di nan tabata tembla. Pa kolmo tabatin un bon konosi di mi sint na mesa.
Durante kisas un sinku o seis minit ma para weta nan. E tenshon tabata horibel. Ma hanja dwele di nan. I den mi mes mi di: Si bosnan mes ke pluma bosnan kurpa, sigui pluma bai. Esei ta e miho kastigu.
Ma sali bai, laga nan.
Despwes ma tende ku dos di nan a bati bankrut, perde nogost. Por siertu tur e otronan, despwes di algn anja, a keda man na sanka.
*
* *
Trahando na Warda di Punda ma mira varios krimen.
Un dia nochi ma tende un wewe den Werfstraat, ora mi tabata banda di Hotel Curaao (awor aki hotel Majestic). Ma kore bai den direkshon di Kur di Baka, weta dos puta di hotel Curaao ta bringando. Mesora ma tira man, kwe un di nan tee bow di su brasa, di moda ku e muhe a keda mi dilanti. Pero esun otro a ranka bini riba dje. Pa esun ei no hanja chens di hinka esun den mi brasa ku kuchu, ma stret mi pia, laga esaja bin dal riba mi pia. Sinembargo e kuchu a hanja net sufisiente luf...”
|
|
10 |
![](https://dcdp.uoc.cw/content/AA/00/00/01/04/00001/AA00000104_00001_00016thm.jpg) |
“...nabegante Norwechi. Despwes di hopi senja, ma bin komprond ku e tabatin mester di un dokter. I ora el a hisa su kamisa, ma mira un kort na su barika di punta pa punta. E sanger a kwaha kaba. No tabatin ni un gota mas ta lek. Bon pur ma hibe wrda, pa nan transporte pa hospital. Te awe mi no por komprond kon un hende por a kamna ku un kort asina mahos, sin bai lew, sin sanger ta kore. E homber ei tabata kanj di su alma. Kisas alkohol a juda.
*
* *
Un ku a korta garganta den Fleur de Marie tambe mi a presensia. E tabata drumi na swela den un kas kibr di tabla. E flur di tabla tabata kompletamente na werki. Tur kaminda e tablanan putr a sak. Tera fis, muskita ku kakalaka tabata hefia den su kas.
Su wowonan a span asina grandi. E no por a papia mas, maske kwantu e purba. E zonidu for di su garganta tabata unikamente un ronk mahos. Anto un klompi di sanger, peg na un pidasitu kweru di garganta, tabata tembla bai bini, sigun e rosea pasa.
Ambulance a hibe hospital. Ei el a muri djis despwes.
*
*...”
|
|
11 |
![](https://dcdp.uoc.cw/content/AA/00/00/01/04/00001/AA00000104_00001_00017thm.jpg) |
“...jen ku pupu i pishi di kasi un siman.
No tabatin W.C. den e amiga su kas. Pesei ta warda tur ,kos den alt maj, pa despwes bai tire na Marichi.
Ta bon no tabatin hende riba kaja, ora nos a hala bai Penstraat 24. Holo tristu a jena kaja.
Penstraat 24? ? ? ?
Mas lew mi ta splikabo.
*
* *
Kasi enfrente di e hanchi di e festin di alt maj, tin un hanchi ku ta duna pa laman. Esei nan tabata konsidera un brandgang. I tabatin un borchi, pa ningn hende parker nan auto ei den. E hanchi mester a keda liber, pa brandspuit por para na ora di kandela.
Un anochi tabatin un auto par den e hanchi ei. Nos sergeant a pone
un polis na post kada ora, pa asina e donjo di auto sali, dune
proces-verbal.
Mal sweltu a toka ami di hanja e homber, ora el a sali for di un wega di domino ei banda. Tabata, kere o no kere, un bon konosi di mi.
Ma splike e asuntu. Pero e no kier a tende. Na final mi a dune proces-verbal. E homber a keda ku rbia riba mi te dia di awe.
*
* *
Solteronan polis tabata biba un tempu den Penstraat...”
|
|
12 |
![](https://dcdp.uoc.cw/content/AA/00/00/01/04/00001/AA00000104_00001_00018thm.jpg) |
“...de Gezelligheid tabatin un trupa di homber par. Bow di kombersashon i harimentu. Algn a bai para un krenchi mas riba asera, wak na laria, pa mira ku por tin kwalke aeroplanu ku ta bin bombardea Corsou.
Komo mi tambe a realisa mesora ku ta djis un ehersisio, mi no a preokupa pa manda e handenan bai skonde.
Den esei a pasa un ofishal Ingles. Un homber chikitu, manera un eskeleta na bida. Un ju di shete luna.
El a kumins zundrami pasobra mi a laga e hendenan para riba asera. Mi mester a realisa e peliger, e desgrasianan ku lo por a sosode. El a borota, loke a stranjami pa un Ingles. Mientrastantu ku e ta hala afo, mi tabata pensa riba e lus grandi di Isla, manera un faro den nos Verduistering.
Pesei ma konteste ku tur e kos aki lo tabata bon pa pone den e revista Ingles ku jama Punch. Jonkuman a kome lip, kamna bai manera un henri-ke-bai-profos. Tur e hombernan a grita hari.
*
* *
Segn mi opinion henter verduistering tabata e pantomina di mas grandi ku nan por a inventa. Imaginabo ku riba...”
|
|
13 |
![](https://dcdp.uoc.cw/content/AA/00/00/01/04/00001/AA00000104_00001_00019thm.jpg) |
“...hiba wrda, mientras ku su wahiki tabata kai. Pero lagami keda den Punda un ratu.
Toon ku mi tabatin patruja di un pa dos, esta wrda di anochi. Pasando den Kuiperstraat nos a tende beheit di un tarai den un kas na di dos piso.
Mi di ku Toon: Bo ta ban balia den tarai.
Toon su kurpa a tembla. Mester ta ku e palabra Tarai tabata zona igwal na fiernu den su orea. Morto spant el a puntrami: Bo ta riska?
,,Pakiko no? Ta Ju di Corsou mi ta. Mi konose tur e muhenan ei riba. Ban, laga di ta hasi bo pendew. Subi!
Toon a subi mi tras. E trapi kolebra tabata falta tret varios kaminda. Mester a span pia pa jega e proximo tret. Un tow di homber a montona den e pidasitu balkon. Nos mester a forsa, pusha, pa nos pasa bai paden. Toon a keda koti-koti mi tras. Mi por a sinti na su rosea, ku su alma na tabata den su kurpa.
Asina ma blo den porta, un puta seku manera jorki mal salg, a dal mi un gritu: Pai dushi, wardami kaba e piesa aki, pa mi mulabo.
Kaha di musika tabata kokobia huntu ku wiri. Henter e flur...”
|
|
14 |
![](https://dcdp.uoc.cw/content/AA/00/00/01/04/00001/AA00000104_00001_00020thm.jpg) |
“...muhe lo no para riba kaja grandi, drecha ningn wahiki. Pero ki dia. Muhe
a tira man, hisa shimis, tene rompi di e shimis bow di su kachete, i drecha su kos trankil di dje.
E amigu di mi no tabata sa kiko e hasi ni unda e drei mira. Anto na tur dos banda di kaja hendenan a para grita hari.
Asina sa pasa hende kos, ora bo no ta spera.
*
* *
Bida militar ta butabo bira masha bibu. Bo ta bira ingenioso. Bo ta paga tinu, pa bo sa kon bo mester trata den kada okashon i sirkumstansia.
Loke a pasa nos ku un sergeant, ta demonstra ki mi ke men. E homber ei tabata masha fastioso. Antipatiko. Di mala higra. E tabata gusta kontrola nos na manera masha sushi. Mi ta kere ku na su kas lo e no tabatin nada di bisa. Ta pesei lo e tabata baha su nervio riba nos.
Pero nos a sinti su debilidad. E tabata gusta kortabus ku dabudek masha. Di tantu ku el a kome, e no tabatin garganta mas. Bo no sa manera un bola? Wel, un bola, ku dos man ku dos pia, asina e tersio ei su figura tabata.
Den wrda di kwater pa diesdos...”
|
|
15 |
![](https://dcdp.uoc.cw/content/AA/00/00/01/04/00001/AA00000104_00001_00021thm.jpg) |
“...Nan a hisa e blekinan benta bow i baha na katuna. E muhenan a kore, ku pia tabata kome ninga.
Edmund ku mi mester a hinka pariba rpidamente, pasobra e perfume di dos bleki a buta henter Keukenstrat bira un W.C. kompletu.
Si ken ku ta por tende di kwalke persona den Punda, ku tantu anja pas tabatin dos spiritu den Keukenstraat, anto awor aki nan por sa ku ta Edmund ku mi.
*
* *
Ma si holo por buta hende bai kasi flow, anto sanger tambe ta buta hende bai lew.
Un jonkuman simpatiko di Rode Kruis tabata stashona na Wrda di Punda, pa asist na ora di desgrasia. E tabatin un kwarto espesial pa tur su korotonan.
Riba un anochi nos a trese un homber ku un dede kort. E dede a keda kologa na un hilu di kweru. Asina e tipo di Rode Kruis a mira e dede na sanger, el a kambia kol, dal abow. E ora ei nos tabatin dobbel trabow. Mester a rebiba e genio di Rode Kruis i juda e viktima ku su dede.
*
* *
Mi ta kere ku nos tabata sa mas di E.H.B.O. ku e jonkuman ei. Pasobra un dia a jega un puta run di den Punda...”
|
|
16 |
![](https://dcdp.uoc.cw/content/AA/00/00/01/04/00001/AA00000104_00001_00022thm.jpg) |
“...homber manera un tata pa nos. Mi ta korda dia ku el a check Bart ku mi. Nos lo por a hanja un balente kastigu pasobra nos a tira un kabes na wrda. Ma e majoor ei a rebusak nos manera un tata, sin un palabra malu, sin un godverdomme.
Te den e kamber mas patras den wrda di Punda el a kaska nos rok pa nos. I ora el a kaba e di: En nu doen wij er zand over heen. Tantu Bart ku mi a dal un rosea grandi, pasobra ta net nos a kaba di pasa examen pa brigadier.
Bo mes ta komprond ku e majoor ei tabatin permit di nos pa hasi loke e kier. Asina a sosode ku Karei ku mi a lora drenta Keukenstraat un dia anochi, riba nos bisikletanan, i reis riba e majoor ei. E tabata par, bon ganch ku un hembra. Mesora nos a lora pushi-pushi, baha na awa masha lihe. Nos no tabata ke, pa e mira ku nos a mire ta pik su pida koi grasia.
E mes muhe ei a hunga un papel importante dia nos tabata na Boneiru. Pero esei ta bini despwes.
*
* *
Ma mi no a kaba ku e majoor ei. E tabata un balente pikaflor. Imaginabo ku e tabata gusta...”
|
|
17 |
![](https://dcdp.uoc.cw/content/AA/00/00/01/04/00001/AA00000104_00001_00023thm.jpg) |
“...Di moda ku nan a skapa Schutterij.
Un mucha homber asina lew ku mi por korda e tabata Sumam a drenta serka mi, pa pisa. Mesora ma ripara ku su kara ta hal di dieta. El a subi riba e balansa i pone su man na e kozein di bentana, pa di tal manera e hasi su peso bira menos.
Kita man, ma bise. Jonkuman su kara a trose. E balansa a marka 56 kilo. I el a drenta dienst komo schutter. Ma pa bisa kla, te awe mi ta sintimi kulpabel. Lo mi por a dune un chens di skapa. Enfin, despwes di tantu anja e mes lo a lubida kon mi a juda kologue.
*
* *
Peleanan den Punda tabata e akshon di mas interesante ku mi a mira. Tur dia tabatin bringamentu. No un. Pero dos, tres o mas.
Un anochi tabatin un free-for-all serio den e balkon di hotel Venezuela den Columbusstraat. Ignacio ku mi a kore subi, ku klewang na man. Prome ku nos jega den e balkon, un glas grandi di serbes a pasa manera welek nos dilanti, bai dal kibra kontra di muraja. Nos a lansa un atake riba e grupo enorme di homber. Dos klewang tabata korta...”
|
|
18 |
![](https://dcdp.uoc.cw/content/AA/00/00/01/04/00001/AA00000104_00001_00024thm.jpg) |
“...nan. Si bo ke, bringa komo machu. Ku bo man i no ku kuchu. Ta pesei ma laga nan bati e Colombianu, i Ignacio ku mi a sigui kamna trankil bai pariba.
*
* *
Ma no ta tur biaha mi tabata victorioso. A pasami un be, ku dilanti di Merchants Sailors Club na Negropont, ku un Merikanu nabegante a dal mi un knock-out.
El a atakami tras di mi lomba, ora mi tabata bai tras di su amigu.
Ta un moketa ma mira pasa dilanti di mi bista.
Ora ma habri wowo, ma hanjami na swela. Mi pchi tabata mas ku kwater meter lew.
*
* *
Den en peleanan nos tabatin judansa di dos kacho. Un kacho muhe, ku tabata jama Nora, i un kacho machu, Bobby. Tabatin un puta flakitu, bib na un kas ariba, na Awasa di Punda, ku tabata duna Nora kumnda.
Ora nos ta para na verkeerspaal, bo por a mira e dos kachonan huntu ku nos. Un riba e stupi mas ariba, i un riba e tret mas abow.
Nora tabata esun di mas fiera. Ki ora ku nos bai kwe un homber burachi automatikamente Nora tabata kwe e homber tene na su karson. Den pelea e tabata bula bai...”
|
|
19 |
![](https://dcdp.uoc.cw/content/AA/00/00/01/04/00001/AA00000104_00001_00025thm.jpg) |
“...Cher Asile.
Tur dos nos a jama Pinokio, pasobra nan tabata chikitu. Ma mi por tabata jama Nora, i un kacho machu, Bobby. Tabatin un puta flakitu, bib na un kas hotel Venezuela.
*
* *
Rbia ta drentami, si mi korda kon mi por tabata asina bobo di bisa nos majoor ku mi sa skirbi na mashin. Esei tabata mi desgrasia. Durante tur wrda di kwater pa diesdos i di diesdos pa ocho mi mester a keda den wrda. Anto e otro polisnan tabata trese tur datu i detaje, pa mi traha nan proces-verbaal pa nan. i bente na swela. E homber a grita masha mahos, i pidi nos kita e kacho. Tur mi amigunan tabata diberti riba kaja, pasando mil i un aventura. Mientras ku ami tabata prezu den wrda, dilanti di e malditu mashin.
A la largu mi por a skirbi e frasenan di proces-verbaal kasi na sonjo.
Dia mi a hanja un luf, mi por a kanta kokojoko. I manera un hende ku a pasa hamber na sabana ma baha den kaja, buskando mi aventuranan.
*
* *
Un di e aventuranan ei ta dia nos a check un hefe haltu di nos. Djul
ku mi tabata kore patruja...”
|
|
20 |
![](https://dcdp.uoc.cw/content/AA/00/00/01/04/00001/AA00000104_00001_00026thm.jpg) |
“...Papiando di dolo, mi por bisa ku nos brandspuitnan mrka Merryweather tabata duna tur hende dolo di kabes. Un di nan, un wakamanja biew tabata na wrda di Punda. Nan tabata poko aparato digno di para den un museo. Riba nan wiel haltu, tajer di rubber duru, nan tabata duna impreshon di dalakochi. Mester a limpia nan i lombra nan koper konstantemente. Pero nan resultado na momentu di akshon tabata tristu.
Durante di e kandela grandi di un loods na Parera, ma mira ki lastimoso nan trabow ta.
Par bow di un dak, kaminda lenga di kandela tabata lembe bai, ami a hisa e slang na laria i grita: Nummer twee klaar!
Ora e pomp di e brandspuit a kuminsa traha, mi kurason a sera, mirando kon e slang a pishi djis un tiki awa, sin por jega na e kandela.
Ademas nos tabatin un kleine brandspuit. Esei tabatin dos tanki di awa riba dje. Pero bo mester tabata masha bon shafer, pa bo maneha e porkeria ei. Den kada lorada, e awa den e tankinan tabata zwai bai un banda, buta ku kasi bo ta boltu.
Despwes nos a bin...”
|
|