|
|
|
|
|
| 1 |
 |
“...Masu Boro, par. E mama a jega di konta nan di Masu Boro, e diabel den figura di chubatu. Masu Boro tabata biba lew den mondi. E tabata mas grandi ku un buriku. Anto su wowonan tabata lombra manera kandela.
Asina Michi a mira e bestia mahos tras di porta, el a korda loke su mama a konta, ku tin be Masu Boro ta sali for di mondi, pa e bai buska mucha chiki pa kome. Michi su pianan a kuminsa tembla di miedu. Silvia ku Chencha a tee nan ruman grandi masha duru mes, pasobra nan a kompronde ku tin peliger.
Na prome momentu Michi a pensa na grita, pidi judansa. Ma e otro kasnan tabata asina lew, ku e bisinjanan lo no ** tende su gritamentu.
Tresten Masu Boro a kuminsa bati mas duru na porta i grita: Mi ta sinti ol di mucha. Habri lihe. Mi tin hamber. Michi kier a dal porta di patras habri, i kore bai ku su rumannan. Pero el a kompronde, ku maske kon duru e kore, Masu Boro ta kwe nan na kaminda. E ora ei Michi a kai na rudija, kuminsa resa. Masu Boro tabata blo kunsumi i ranka e porta...”
|
|
| 2 |
 |
“...matami ku flecha.
Den esei di ripjente un kajuka chikitu a blo for di den
e mangelnan na su man drechi, biniendo den su direkshon.
Den e kajuka tabatin un mucha indjan sint. Rpidamente e mucha a rema su kajuka i bin pega kontra di Manuel su jola. El a saka man i tee e jola, mientras e tabata hari.
Tur Manuel su miedu a kita di golpi. El a kumind e mucha. E indjan a papja poko palabra ku Manuel no a kompronde. Ma Manuel a disidi di hari tambe, komo el a kompronde ku aki no tin ningn sorto di peliger.
Ku masha trabow i hasiendo un kantidad di senja ku man e mucha indjan a logra splika Manuel, ku e pueblo kaminda e ta biba ta mas paden. Ora el a munstra Manuel ku senjal pa Manuel sigui su tras, Manuel a munstre ku ta...”
|
|
| 3 |
 |
“...di tera. Ei awa ta mas kalmu i asina nos ta jega mas lihe. Joselito a kere i mesora nan a hala mas kantu di tera. Mientrastantu Manuel su wowonan tabata buska manera loko den e skuridad mei-mei di e mangelnan.
Kasi e por a dal un gritu di kontentu, ora el a mira un punta di Menatao su kabes sali djis un ratu for di e mangelnan. E no a prd pa gana, i duna Menatao un senjal, mustrando riba Joselito.
Menatao ku tabata sint skond den su kajuka tras di mangel a kompronde mesora ku su amigu ta den peliger. El a warda te ora e jola a pase un krenchi. Djei el a sali manera welek ku su kajuka, i sigui pushi-pushi tras di e jola. Manuel no por a tende nada, pasobra Menatao tabata pagai su kajuka sin hasi ningn zonidu den awa. Pero Manuel su sinti por a bise ku Menatao tabata djis nan tras.
Asina Menatao a jega serka di e jola, el a lanta bula for di su kajuka, te riba lomba di Joselito. E jola a boltu i nan tur tres a kai na awa. Bon pur Manuel a landa, pa bai juda Menatao. Pero no tabatin nodi mas...”
|
|
| 4 |
 |
“...72
Menatao tabata morto kans, pero el a landa bai kwe su kajuka. Manuel a kwe su jola ku tabata drif djis serka. Nan a hala te kantu di tera, pa nan sosega un ratu. Ei Manuel a bin splika Menatao kon Joselito kier a mata nan, pa hanja nan oro.
Menatao a dal un gritu hari. E di ku Manuel, ku el a sinti ku algu ta bai pasa. Pesei el a keda spera den mangel. Asina el a mira Manuel su senjal i Joselito den jola, el a kompronde ku tin peliger.
Ora Menatao a sosega, Manuel a pidie pa bai konta su hendenan mesora kiko a pasa, i pa nan skonde tur oro. El a duna Menatao su kadena tambe, pa warde te dia ta kunbini.
Rpidamente Menatao a rema bai. Manuel a bolbe na bordo di e karabela, bai drumi ketu di dje.
Su manise nan a sinti falta di Joselito. Pero nan no a buske muchu, pasobra nan a kalkula ku lo e tabata fuma i pesei lo el a kai na laman. Manuel a sera su boka ketu.
Ora solo a subi un poko Ojeda, Vespucci, de la Cosa i seis nabegante mas a baha na tera, pa bai buska awa di bebe. Manuel a bai...”
|
|
|
