| 1 |
 |
“...Chein a buta Dolfi riba su lomba i kargue hiba den hofi. Boka habri Dolfi a keda weta e palunan grandi di mespu i mango. Prikichinan tabata borota.
Tende un kos aki, Dolfinki, Chein di ku ne, ora nan a jega bow di un palu di tamarein masha grandi. Pa Chein ta butabo aki bow un ratu. Anto mi ta probecha bai drecha e bodogo. Bo ta keda wardami den fresku aki bow?
Ta bon, Pa Chein.
E blachinan seku riba swela a forma un kolchon diki. Dolfi a fula nan ku tur dos man i gosa kon moli e kama di blachi ta. Mesora el a kwe algn tamarein ku a kai for di palu i kome nan.
Chein a disparse tras di e palunan di fruta parti pariba den hfi. E tabata kanta sigun el a kamna bai.
Dolfi a kai drumi pechu ariba, skucha kon bientu ta...”
|
|
| 2 |
 |
“...kiko asina??
Tur bestianan den mondi a mandami komo nan representante, pa mi papia ku bo.
Bon. Papia numa. Si ta kos ku mi por juda, lo mi juda. E chuchubi a limpia su pik na su ala i sigui: E kos ta esaki. Nos tin ku biba di loke nos ta hanja den mondi o den hofi. Komo mondi ta seku, nos mester buska kumnda den hofi. Pero Chein, bo amigu, no ta laga ningn fruta hecha na palu, pa nos kome. Tur e ta hiba Punda, pa bende. Nos ta pasa masha trabow pa hanja algu di tira na stoma. Bo por papia ku Chein pa nos?
Dolfi a keda mira e chuchubi i pensa un ratu. Djei e di: Bo sa kiko? Mi ta kere ku mi por juda bosnan. Manjan mainta, ora mi ta bai kas atrobe ku Chein, mi ta konte tur kos. I mi ta bise, ku si e no laga fruta hecha na palu pa bosnan, mi no ta bini nunka mas serka dje.
Mi ke ku bo a dal e klabu riba su kabes, e chuchubi a observa. Bo sa pakiko? Pasobra Chein ku Mena no tin ju. Ta pesei nan a pidi asina tantu pa bo bin pasa dia serka nan.
Dolfi a hanja ku e chuchubi tin rason, i el a bolbe...”
|
|
