| 1 |
 |
“... Kada be e mes tabata bisa: Esta bunita mi ta. Esta bunita mi ta.
E lokura ei a buta Tina bira flaku, pasobra e tabata deskuid su sal. Si no ta pasobra Tina ku Tansha tabata war da poko koi kome pe, kasi Tina por a para muri di hamber.
Tansha di kun: Mi yu, ki dia bo kabes ta sera? Bo no por sigui asina. Pero Tina a rosponde ku mal airu: Mamai no ke pa mi ta bunita?
Sigur mi ke, mi amor, pero mester kome tambe, pa bo no bira malu. Toni, su tata, a skual e hopi be, bisando: Mucha ku tin kabes di pali maishi, lo mira kiko ta pasa kun.
Ni skual di su tata ni bon konseho di su mama no a buta Tina kambia. Tina a sigui hasi pantomina, keriendo su mes un beyesa sin igual.
Riba un bon dia Tina a bin realisa ku e ta presis meskos ku tur otro totolika: E mesun forma, e mesun kol di shinishi ku chukulati. E kos ei a buta Tina bira tur di malu. El a bolbe bai mira su kara den e baki di awa. Di ripente Tina a kuminsa yora: Mi ke ta bunita. Mi ke tin kol manera trupial, manera barika-hel o manera blenchi...”
|
|
