| 1 |
 |
“...diAwasa di Otrobanda.
Mi mester papia. Pasobra ma sintimi ofendi. Mi kurason ta hasi due. I si no ta pasobra nan ta kapas di hibami Montekristu, lo ma para dilanti di hotel Americano i kuminsa grita mas duru ku mi por, te ora mi garganta morde, maske nan harimi, maske polis bin kitami.
Ki mishi nan? Ta ki derecho nan tin di mata un pida di mi bida, un parti di mi alma, di mi hubentut, di mi rekuerdonan?
Mi kiosko ta bai for di Awasa. Mundu moderno a fiha su sentensia, den nan kapricho di ansha i nervio. Nan tin pur. Tempu ta poko pa nan.
Poko obrero tur sod ta koba fundeshi di mi kiosko. Kada sla di piki ta baha te den mi kurason. Mi no por a soporta mas i ma puntra un dje trahadnan ta kiko nan ta hasi. Sekando sod for di su frenta el a kon-testami ku ta den hofi di gobiernu na Kas Kor nan ta bolbe bai lanta e kiosko.
1 pakiko? ma puntre.
0, pasobra e porkeria aki ta stroba trfiko ora Awasa su tipo kambia. Ma grite ku trfiko no ta interesami. El a sagudi kabes, sin por kompronde mi rabia. Djei...”
|
|
| 2 |
 |
“...Mi ke namora den e bientu fresku ku ta bati den mi kara... I e zonidu di laman... e streanan na shelu... si, mi ke namora... Un tumba su tras, kayente, mark: Pkita, pkita, pkita. Ei ta palu! Zoya panos bai...
Kiosko di nos tur, laker a hala tapa. Ta di berde mes bo ta bai. Ma mi tambe ta na mitar di kaminda. Nos aki ya ta straeru, pasaheru, ya nos mishon ta kumpli. Ma nos lo konforma, pasobra manera mi ta mira ki, no tin moda di hasi mas. Ta kambio, mi ruman. Tampu ta eksigi. Ta trfiko, ansha, nervio, pur. Si, mi ruman, tesei te kos. Mundu tin pur. Pero pur pa yega unda?
Di "Rasp (1962).
Splikashon:
Nepomuceno: Elias Paulo Nepomuceno, nas na Korsou 13 di Januari 1887. El a muri dia 15 di april 1961.
Pa Toro: Johannes Petrus Bislick (Korsou 8 desember 1880-9 di juni 1966).
Martina: Julio Jos Martiena (Korsou 12 di april 1899 18 di april 1965). E trompetista tabata bai para den kur di skol St. Martinus Gesticht....”
|
|
