| 1 |
 |
“...kon e bala a bula pasa riba kabes dje barku, bai dal abou den laman ne otro banda.
Dos ora largu papa Riki a lucha ku e bala te ora el a logra kanse. Anto Wini mester a konop tres bol di lia, pasobra varios be e bala a kore bai mash leu mes.
Kestion ku tin despues di dos ora papa Riki a logra hala e bala te na kantu dje boto. Ku un bari hak papa Riki ku tio Fil a hisa e pisk, bente den dek.
Esaki tin pa barata shen kilo, Tio Til a hari.
Awe kos ta bon, papa Riki di. Awor mai Dora ta kap e na mochi pa nos bende.
Bon kans pero satisfecho papa Riki a boltu bela, pa nan kue kamindi kas. Pa grasia tio Fil a laga Wini wanta timn te ora nan tabata seka di yega Boke Sam.
Ora nan a yega tera, ya mai Dora tabata par den playa, sperando nan. Ta ken a pega e bala ei? mai Dora a puntra.
Ku su kara chistoso papa Riki a kontest: Mi ke ku ta nos Wini.
Tio Fil a hinka boka den: Si, bo sa, Dora. Ta Wini mes.
Mai Dora a kompronde ku esei no ta berdat, pero pa sigui ku e wega e di: Mi yu lo mester a bringa...”
|
|
