| 1 |
 |
“...Prom papa Riki no ker a tende nada dje asuntu ei. Pero tio Fil di kun: Un mucha di Boke Sam mester konose laman ku trempan. Pasobra despues ku e bira homber grandi, e tamba mester gana su bida ku piska-mentu.
Asina ei a bin sosode ku un djasabra mainta Wini a drenta e boto grandi di su tata, huntu ku tio Fil.
Papa Riki a hisa bela, mientras ku tio Fil a para na timn. Wini a mira kon riba dek dje barku tabatin hopi lia bunita lor, banda di un kahita ku varios anzue grandi.
Bientu a bola e belanan i e barku ku tabatin mes nomber ku Wini su mama, esta Dora, a tumba pa laman grandi. Poko despues nan a mira e kasnan di Boke Sam te leu ay, sigun e barku tabata nabega bai nort. Wini tabata gosa di sinti e brisa fresku di laman den su kara. Anto el a skucha e zonidu dje olanan sigun e barku tabata korta awa.
Papa Riki a pega un masbangu na su lia i bente na awa.
Nos ta ban slep poko, el a bira bisa Wini. Kisas nos por kue un bala. Wini a yega di mira bala grandi, pero morto riba tera, despues ku...”
|
|
