| 1 |
 |
“...konop punta dje lia na un otro bol ku tabatin den dek. Bon pur el a fula ku e konopi ta wanta. Djei el a benta e lia abou, pasobra ya e lia di papa Riki tabata kabando.
Ata e alim ta bin atrobe, papa Riki di ku tio Fil. Bon pur papa Riki a bolbe kobra su lia.
Den esei nan a mira kon e bala a lanta bai laria, anto basta seka dje barku.
Sak abou!, tio Fil a dal un gritu.
Mesora Wini a laga su kurpa kai den dek. Anto drumi asina ei boka Tdou, el a mira ku su kanti wowo kon e bala a bula pasa riba kabes dje barku, bai dal abou den laman ne otro banda.
Dos ora largu papa Riki a lucha ku e bala te ora el a logra kanse. Anto Wini mester a konop tres bol di lia, pasobra varios be e bala a kore bai mash leu mes.
Kestion ku tin despues di dos ora papa Riki a logra hala e bala te na kantu dje boto. Ku un bari hak papa Riki ku tio Fil a hisa e pisk, bente den dek.
Esaki tin pa barata shen kilo, Tio Til a hari.
Awe kos ta bon, papa Riki di. Awor mai Dora ta kap e na mochi pa nos bende.
Bon kans pero...”
|
|
