| 1 |
 |
“...Minta tambe. Papa Lou tabata kuida su matanan den kur. Mama Sus tabata kushin i laba paa. Tawela Mou tabata bai bende e matanan den plasa tur dja-sabra mainta. Wela Nea tabata kose i drecha tur paa. Tio Yanshi tabata kuida e galianan den kur. Tantan Minta tabata tene kas limpi.
I Minta mes? Kiko Minta tabata hasi?
Bo mester sa ku Minta su pianan tabata chikitu i gorditu. Ma esei no a kita ku e por a basha kareda, bai hasi rospondi o kumpra kos na tienda. Ta pesei kada be Minta tabata okupa ku hasimentu di rospondi o kum-pramentu di koi kome.
Riba un dia Minta tabata sinta hunga den kur, den e fresku pabou di kas. E tabatin Michi den su skochi. Michi tabata nan pushi kol pretu ku blanku.
Den esei papa Lou a yame: Minta, papa su prenda, kore bai na kas di shon Mani. Anto bo ta pidi manda e kuchara di mesla ku el a fia di papa.
Ta bon, papa, Minta a kontest, i el a kore bai den kas, pa kue un saku di papel.
Na porta di kushna el a topa mama Sus ku un bleki yen di webu. Anto mama Sus di: Minta...”
|
|
