| 1 |
 |
“...pia bou i lomba sun a pasa den hanchi, lastrando un Huda bisti na un flus shinishi bieu tur manch i yen di buraku.
Un di e muchanan tabata blo bati e wantomba den su lomba korkob ku un pali basora, mientras un otro tabata lembe ku moketa den su stoma shawawa. E Huda su kabes ku man i pia a sigui kai di un banda na otro sigun e tabata kome sla di su huesnan.
Porko, un di nan, kabei kor, a grita.
"Burdugu desgrasiadu, unu flakitu ku djente putr a zundre. I bou di gritu di harimentu, den lokura di furia, nan a sigui molosta e Huda, kende a plama su shirishiri di sas den hanchi.
Den tur porta di kas hendenan ku a tende e beheit di batimentu di Huda a sali lur. Ku nan komentario i ekspreshon di despresio pa e traidor malvado nan a entusiasma e muchanan pa sigui yorkia e popchi di mal fason. Karga e alim ku skop, un biehita ku kara lapi-lapi, par kanti kur a konseha nan.
51...”
|
|
| 2 |
 |
“...trek e. E ta bula foi awa, lanta bai laria manera pra. Pesei bo mester tee masha kuidou. Bala sa bora boto ku su pipa. Esei ta e wesu largu ku e tin na su boka. Esei nos ta yama pipa di bala. A yega di sosode ku Antuan mi ruman a pega un bala na Ua. Hopi aa pas esei a sosode. Sigun Antuan tabata lucha ku e bala, e bestia a bula bin den su direkshon. Antuan a sak abou den su kanoa ora el a mira e bala salta foi awa. E bala a dal abou atrobe den laman, kore bin riba Antuan su kanoa. Anto den su furia el a bora e kanoa ku su pipa. Ta klaro ku e bala a keda pega den kurpa dje kanoa. E ora ei Antuan mester a laga e bala peg den su kanoa. Asina ei mes el a rema bai Boke Sami, pasobra e no por a saka e bala. Despues ku a hala e kanoa riba tera, por a ranka e bala, sake.
Wini a sinta skucha boka ketu i el a haa un tiki miedu. Ku un poko sustu den su kurpa el a keda mira laman.
Algn pisk bulad a salta foi awa, bati ala un ratu i djublum den laman un krenchi mas leu. Wini a mira algn turtuka tambe...”
|
|
