| 1 |
 |
“...Mash fasil. Bo ta bisa Kalitu ku ta bon.
Ta kiko esaki, papa? Papa ke pa mi perde?
Bo no ta perde ni un ora so. Bo sa kiko nos ta hasi? Lagami splika mi yu. Nos ta pone un kandela chikitu na kada shen meter di distansha. Esei ta pa bo kenta bo kurpa despues di kada shen meter. Asina ei bo sanger ta keda kayente, di moda ku bo por sigui kore sin preokupa.
Ei ta palu, papa. Bon idea. Nos ta hasi asina.
Dos dia despues, foi banda di sinkor di atardi, un trupa di lagadishi, famia di Lou, a traha kandela riba e kaminda di Montaa. Na kada shen meter un kandela di palu seku ku nan a piki den mondi.
Luna a sali mash bunita na shelu.
Ochor presis Kalitu ku Lou tabata par kla pa ranka un kareda te misa di Montaa.
Bo ta kla pa sali? Lou a puntra yen di formalidat.
Ami ta kla, Kalitu a kontest.
Un kriki ku a para pa rfri a duna seal i Lou ku Kalitu a kuminsa kore. Lou a pasa bai bela yen, laga Kalitu te patras ay. Pober Kalitu tabata hupa den kaminda, perta pia ku tur energia den su kurpa.
Na e prom...”
|
|
| 2 |
 |
“...bis a duelmi ku ma bula riba dje ku mi sufrimentu. Kisas e ta biba na kunuku. Probablemente nunka di su bida el a preokupa pa Suare djadumingu anochi... ku Boskaljon... Nepomuceno... Julio Martina...
Kiko Julio lo ta opina dje kos aki? E si lo ta korda e piesa, kaminda e trompetista ta bai para te den kur dje skol ei dilanti, mientras e otro muzikantnan ta sigui kompae. Te leu ay e trompet tabata kanta su tristesa, manera un alma bandona. I tur hende tabata baha stem, pa skucha e melodia den distansha, e amargura dje trompet solitario. Tur namoramentu tabata para. E karanan ta kambia i esnan ku ta kana keiru, pasando rond di Awasa, ta pausa un ratu. Un emoshon ta mara tur hende su pensamentu. Ningn no ta riska papia... pasobra e trompet... e trompet... esta bunita... sublime...
I despues banda Santa Cecilia ta dal aden ku un marcha alegre di Sousa. Ei den Pa Toro sa ronka su tambu chiki, marsial, dominante, eksitante. Ku muzik asina bo ta bai gera trankil, sin pensa...
E parehanan ta bolbe...”
|
|
