1 |
![](https://dcdp.uoc.cw/content/AA/00/00/00/98/00001/AA00000098_00001_00007thm.jpg) |
“...Machi,
Maske tbatin otro obra di mi ku ma dorna ku bo nomber, mi ke dedika esaki tambe na bo. Pa tres motibu.
Abo a sinjami lesa (prome ku mi bai skol), tempu ku bo tabata sint riba kama ku mi, hopi dia largu, ku bo man kibr.
Abo semper tabata esun di prome ku ta lesa i duna krtika riba loke mi skirbi.
Abo a sende e prome kandela den mi alma, for di e dia ku bo a resit a pa mi, e mucha chikitu: Es envano buscar en la arena los nombres que un tiempo escrib.
Bo ju majo....”
|
|
2 |
![](https://dcdp.uoc.cw/content/AA/00/00/00/98/00001/AA00000098_00001_00011thm.jpg) |
“...baranka i informa kon ta sigui ku Benny su kas.
Anto bo n sa ku nos a separ sinku luna pas? el a komunikami.
Muchu e notisia no a stranjami, pasobra mi por a hole for di dia ku e ku Benny a subi alt, ku e kos ei lo no dura muchu tempu. Benny tabata e tipo intelektwal ku ta guli buki di-dia i anochi, mientras Clara ta gusta fiesta ku balia. Pa kolmo Clara tin un stem manera klok solem. I ora e kuminsa papia, su motor di boka no tin brek. Benny sa sinta kunsumi, sin por konsentra pa lesa. A la largu Benny a kuminsa bebe pildora pa kalma su nervio.
Kestion ku tin ma grunja mas neutral posibel, pa mi hanja okashon di tende mas kos.
Ai si, ju, Clara a sigui bati bai. Bo mes konose Benny. Henter dia su kara ta peg den buki. Pero ora e sali riba kaja, e no por mira un palu di basora ku shimis bist. Mesora e ta kla pa tira flor i namora. Ma bo mes sa. Ami no sa maha mi kabes ku su pantominanan. Pasobra mi sa ku semper e ta bolbe serka mi na kas. Bo mes sa. Pidi pordon, jora, priminti ku nunka mas...”
|
|
3 |
![](https://dcdp.uoc.cw/content/AA/00/00/00/98/00001/AA00000098_00001_00013thm.jpg) |
“...riba un dia, ora e mucha a mira nubianan ta drif bai pabow, el a puntra su mama: Mamai, ta angel eseinan ta?
E mama di ku ne: ,,No, mi ju. Angelnan tambe ta blanku, pero muchu mas bunita. Eseinan ta nubia.
Di unda e nubianan ta bini, Mamai?
E nubianan ta bini di Dios. Awor nan ta blanku. Pero ora tur hende trata bon, anto Dios ta hasi e nubianan shinishi. E ora ei nos ta hanja awaseru.
Unda Dios ta biba?
Masha lew, mi ju, te tras di e serunan ei. E kaminda pa jega serka Dios ta masha largu, muchu mas largu ku di kunuku pa Punda. I e kaminda ta seku, jen di tera, jen di pieda. No tin pos kntra di kaminda, ni palu di shimaruku. Pasobra bo mester sufri sedu. Hendenan ku ta kamna bai serka Dios, no por tin pargata ni sanbarku na nan pia. Pasobra Dios ke pa bo pia ta jen di sumpinja ora bo ta bai serka dje. I sod mester seka manera slu riba bo frenta, ora bo jega riba e plenchi grandi rondo di Dios su kas.
Riba e plenchi ei kada hende ta hanja un ramada. Ei semper ta hasi fresku. E ora ei nunka...”
|
|
4 |
![](https://dcdp.uoc.cw/content/AA/00/00/00/98/00001/AA00000098_00001_00014thm.jpg) |
“...aki lo ta Dios su deseo. Ja ta tres anja ku nos no tabatin jobida. Nos magasinanan ta bashi. Tres anja largu nos no por a balia seh. Tur kabritu ku kame ta flaku. Hopi a muri na mondi. Kisas Dios tabatin mester di sanger inosente komo sakrifisio pa tur malu ku nos a hasi. E sanger di Anaclara lo bira awaseru pa nos. Bira kara boso mira e nubianan pretu ku ja ta bin for di pariba aja. Nan ta manera muhe den su di nuebe luna.
Tur hende a drei mira kon e nubianan tabata bola bin pabow. I mesora nan tur a keda katu. Ta blo bjentu so a keda supla den e kadushinan kontra di Ofelia su kur.
Matias a kai na rudija; su tras Ofelia ku awa na wowo, i rondo di nan e homber ku e muhenan. Nan a resa, gradisi Dios, mientras awaseru a kuminsa jobe riba nan kabes.
Seis dia largu awa a kai, sin welek, sin bos. Pasobra Anaclara tabatin seis anja. I despues di esei nos a sigui hanja jobida seis siman largu, tur mainta seis or. I ora awaseru tabata kai, nan tabata mira un nubia blanku chikitu, ku tabata keda...”
|
|
5 |
![](https://dcdp.uoc.cw/content/AA/00/00/00/98/00001/AA00000098_00001_00022thm.jpg) |
“...un figura dje tempu di mi hubentud. Nunka lo mi por lubide. E tabata kaptan di Olivia Grande, un barku di dos master ku tabata nabega entre Venezuela, Colombia, San Dumingo i Corsou. Pa Djeffi tabatin wowo shinishi i un kara masha chistoso. Bo no por a kere ku ja el a pasa kwarenta kaba.
Esta bon tersio e tabata. Miho amigu ku ne mi no tabatin, pasobra e por a konta kwenta fantastikamente bon, di kolebra i pisk masha grandi ku por hala un barku bai ku ne den fondu, di muhe pisk ku kabei masha largu, ku a buta nabegantenan tolondra i bula na awa nan tras, di orkan masha mahos ku skwal teribel duru.
Ki ora ku Pa Djeffi ta konta kwenta, mi ta imagina mi kon mi ta par den stef di su barku, pa mi gosa kon e ta lucha ku laman. Bow di un palu di indju den Pareda e tabata kontami su historianan, mientras mi ta hunga fli. I e fli ei, ta Pa Djeffi mes a trahe pa mi. Pasobra semper Pa Djeffi a keda mucha. Trahamentu di fli tabata su kuki. Ki ora ku e ta na Corsou durante un par di dia, e mester a traha...”
|
|
6 |
![](https://dcdp.uoc.cw/content/AA/00/00/00/98/00001/AA00000098_00001_00026thm.jpg) |
“...junan na Corsou, ma tende un muhe ta jora. Pero jora masha tristu. E kos ei a stranjami masha, pasobra nunka mi no a mira un muhe ei riba. Prome ma kere ku ta spiritu. Pero e joramentu tabata zona muchu duru. Spiritu su jor ta mas lastimoso.
Ma lanta poko-poko for di swela, kohe mi chapara i sali bai pafo. Tabatin un bientu friw ta korta. Ma laman tabata kalmu. Riba e pidasitu plaja ma mira e muhe par. E tabata delega, blo sunu. Ku su man na laria e tabata grita jora. Bientu tabata pone su kabei largu bula.
Ma grite: Mira, ta kiko a pasa ?
Di ripjente el a stop di jora i bira wak mi. Mi no por a mira su kara na e distansha ku mi tabata, pero e manera ku el a dal su mannan, tapa su pechu, a butami kompronde ku el a spanta.
Ma bolbe grite i zwai man pa e kamna bin.
Ay, mi Dios, el a kuminsa sklama. Dejame, por favor. Dejame. I mesora el a kuminsa kore manera hende ku a perde kabes. Ami a keda tur babuk. Tur sorto di kos a pasa den mi kabes. Pasobra mi no por a kompronde ta kiko un muhe ta hasi...”
|
|
7 |
![](https://dcdp.uoc.cw/content/AA/00/00/00/98/00001/AA00000098_00001_00027thm.jpg) |
“...Aki banda ta jen di tribon, ma grita mas dura ku mi por. Pero a muhe a sigui landa bai afo, te ku el a disparse den skuridad.
Su manise mi amigunan a harimi, ora ma konta nan di e muhe sunu ku kabei largu. Feli di ku ta spiritu o kwalke alma malu. Pero ami tin sigur ku ta un muhe bibu. Sigun mi por a mire den lus di e faro, e tabatin un kol hopi kla. Kasi sigur tribon a kome. Rei ku ei banda ta jen...........
Pero bo sa, ora mi ta sinta drecha mi trai aki bow, semper mi tin ku pensa riba e muhe ei. Ma hanja su saja tira riba plaja. Un saja blanku di nanso. Mi tin e ward te ainda den mi bal den mi kamber.
Pakiko bo no a avisa polis despwes? ma puntra Pol. Ata bo tin e saja?
Pol a hala un rosea grandi, bati e shinishi for di su pipa riba pida pieda i bira wak su boto den awa.
Mi tabatin miedu, el a sigui. Pasobra ma sinti ku mester tin mas kos ei tras. I mi ke ku ma hasi bon di no papia. Pasobra hopi tem despwes Feli ta kontami, e mesun Feli ku tabata huntu ku mi riba Klein Corsou, owel Feli...”
|
|
8 |
![](https://dcdp.uoc.cw/content/AA/00/00/00/98/00001/AA00000098_00001_00031thm.jpg) |
“...NESHI DEN PIETERMAAI
Na anja 1832 e kas a basha den por kompletu. Pero sinku anja prome e mes kas biew ei den Pietermaai, kontra di laman, tabata un nshi di amor.
Prome ku esaki no tabatin ningn hende ta biba den e kas. Tur su porta ku bentanan tabata kibr, i tabata falta varios panchi riba su dak. E ultimo donjo, tempu ku e tabata na bida, a laga klaba poko tabla na e porta ku e bentananan, pa siertu respet.
Pero a la largu el a bin para bira ,,kas di spiritu. Simplemente pasobra un dia nochi un bientu fwerte a bati un pida papel grandi den su sala. E zonidu a buta tur hende ei banda kere ku ta un spiritu a tuma poder di e kas bashi.
Pedro, sinembargo, tabata sa masha bon, ku no tin ningn sorto di spiritu ei den. Por sierto e tabatin kustumber di drumi sosega den e kas ei. Ora su barku jega anochi lat ku slu for di Boneiru, e tabata pasa anochi ei den, pa su manise trempan e hala pa Montanja, kaminda su hendenan tabata biba.
Bintitres anja Pedro tabatin, un mulatu haltu ku kurpa ankr....”
|
|
9 |
![](https://dcdp.uoc.cw/content/AA/00/00/00/98/00001/AA00000098_00001_00032thm.jpg) |
“...kiko por a pasa. Ora el a hanja sa ku nan a hiba su Sabelita kunuku, Pedro por a bira loko di tris-tesa. E tabata desespera, pasobra e no por a bishita Sabelita na Bandabau. Ma despwes ku el a sinta pensa un ratu, el a bin kompronde ku ta un manera so tin pa e bolbe hanja Sabelita.
Pedro a buska tur sorto di djap ora e baha for di barku, maske kon kans su kurpa tabata. El a juda baha karga for di otro barku. El a bari kaja. El a limpia kur di masha hopi hende. I asina el a sigui traha dos anja largu, hopi be te lat anochi, pa e gana plaka.
Despwes di dos anja e tabatin sufisiente plaka, ku e por a bai Bandabau, pa buska su Sabelita. El a kumpra Sabelita liber, i huntu ku Sabelita e mester a kumpra su propio ju homber ku tabata serka di kumpli dos anja. E mester a konforma ku e shon a buta su ju jama Juan, maske e mes tabatin deseo di jama su ju Antonio.
Kestion ku tin el a barka bai Boneiru ku Sabelita i su ju. Sigun nan ta bisa Pedro a bai biba banda di Antriol, i ku el a sigui traha riba...”
|
|
10 |
![](https://dcdp.uoc.cw/content/AA/00/00/00/98/00001/AA00000098_00001_00036thm.jpg) |
“...drecha ainda.
Tende un kos aki, Simon, Nonato a kuminsa ku masha kwidow. Bo ta mira e makwakunan ta djump te afo aja?. Simon a drei wak mesora.
Unda Juan Pablo ta? el a puntra Nonato. Mi no a tende grita.
Kon mi por sa? Bo ke judami, Simon?
Mira aki, Nonato, Simon a bira kontest rabi. Bo no por bai laman. Ta bo morto bo ta bai buska. Korda ku dokter di ku bo kurason...............
Kwa kurason? Nonato a korta su palabra. Kwater luna largu ma drecha mi boto. Mi no a sinti kansansio ni un ora so. E boto di mi ta un bon boto. Bo mes sa, Simon, Bintitres anja largu ma piska ku ne, te bow di ksta di Venezuela. Ata makwakunan ta djump, Simon. Ta jen di dradu ei fo. Mi mester bai piska nan. Si mi keda sinta na kas, mi ta bira chocho. Mi ke sinti un dradu ranka na mi linja atrobe. Judami, Simon. Aki un ora mi ta bolbe. Flora Maria ta riba tres pida pipa. Nos dos por bahe na laman masha lihe.
I si algu pasabo, ta ken nan ta kulpa? No, Nonato. Ta duel mi. Mi n por.
Nonato a tira man kwe Simon tee na...”
|
|
11 |
![](https://dcdp.uoc.cw/content/AA/00/00/00/98/00001/AA00000098_00001_00037thm.jpg) |
“...riba laman. Makwaku ta djump! Makwaku ta djump!.................
PASENSHI KU PROHIMO
Miho kobrad cu Medardo no ta existi. E sa ki ora e tin ku sonre i ki ora e mester traha kara pis. I si ta nesesario, e ta basha gritu di jora-mentu tambe. Pero semper e ta hanja plaka, pa duru ku kokoti di e mal-pago por ta.
E kaso kaminda Medardo a bati rekord, ta dia el a kobra un resibu di tres anja biew. Un siertu senjora a kumpra un set di muebel, pa paga na poko-poko, i e senjora a lubida di paga tres anja largu. Ki ora ku e komersiante a jega na porta di e senjora, esaki tabatin un triki nobo pa bula pipa. Si no ta un famia a muri, ta un ju ta malu, o ta gobiemu a manda kobra belasting.
Ai, mi shon, kompronde pa mi, e senjora sa tin kustumber di sklama, Mi tin deseo di paga. Pero ta parse ku semper kos ta bati ku mi. Mi shon por pasa otro luna? Anto mi ta mira kon nos por baha algu for di e kwenta.
E komersiante tabata desespera. Pero e komedia tabata asina bon, ku kasi e mes por a jora. Te porfin el...”
|
|
12 |
![](https://dcdp.uoc.cw/content/AA/00/00/00/98/00001/AA00000098_00001_00043thm.jpg) |
“...mester mira i tende sin puntra.
Pa mi no tabatin otro manera sino di keda ketu, sin puntra nada mas. Di moda cu te awor aki mi no por a hanja un splikashon pa e ih di karet.
TRINTA ANJA DEN SIRBISHI
Dies or di mainta telefon a bati den ofisina di direktor, i e stem di sub-direktor a rekorde, ku mitar di diesun tin un seremonia chikitu pa Felipi ku a kumpli trinta anja den sirbishi di kompania.
,,Ta kwa Felipi esei? direktor kier a sa.
Esun flaku, seku, ku kara estpido ku a bari ofisina trinta anja largu.
Ahan, esei..... Bo mester bise ku e mester banja de bes en kwando.
E ta hole stinki di sod riba hende. I ta ki bo ke pa mi bisa den mi dis-kurso?
Bueno, palabranan bunita di kustumber. Aki mi tin un lista ku poko dato riba dje.
Bon. Kiko mas? Mi tin ku bai un komida na hotel ku e gerente ku a jega di Merca. Di moda ku mi no tin hopi tempu pa pantomina.
Nos a buta un bter di shampanja barata fria, i ma pone dos siman di plaka den un envelop pe.
Dos siman? Bo kabes ta parew? E baina ta bai bebe...”
|
|
13 |
![](https://dcdp.uoc.cw/content/AA/00/00/00/98/00001/AA00000098_00001_00052thm.jpg) |
“...riba talmu. Lou a pensa ku e no ta esun di mas sokete, i el a bai kamna tira flor den sala, i pik e diferente galinjanan. Por ta ku e galinjanan a hanja ku Lou su lenga tabata muchu pis. Por ta ku su wowonan tabata dema-siadu glas. Kestion ku tin tur galinja a bula pipa pa Lou, splikando ku nan kurpa ta masha kans.
Lou a kik un poko, i hanja ku e mucha muhenan ta masha inkompla-siente. Ku un krenchi mal bis el a bolbe bai para den balkon, sperando ku kwalke kos di bon por pasa su banda.
Muchu largu kos no a bati ku ne. Apenas un dies minut despwes el a mira un pojojo elegante kamna drenta den balkon. E mucha tabatin un bist ros, ku un roza kr grandi den su pechu. Su kabei tabata masha bunita penj, tur na bukel. Lou a hanja ku e galinja ta algu di bebe den un glas di awa.
E no a perde pa gana, i tuma den mesora cu e galeinske. Asina el a aserka e mucha, el a kuminsa batie ku palabra dushi. E galinja a gusta ku Lou, i den un rati ora Lou a start un namoramentu di kita sombre den un huki poko...”
|
|
14 |
![](https://dcdp.uoc.cw/content/AA/00/00/00/98/00001/AA00000098_00001_00053thm.jpg) |
“...grasia, i sigui su namoramentu ku stal ta bula.
Ku masha tristesa i hopi lagrima Lou a tuma despedida di su kurason banda di tres or di marduga. E tabata zet te den su higra. Pero pa su sweltu el a zeilu i kapja, te jega kas, sin topa ku ningn polis riba kaminda.
Un sinku dia despwes a dal na Lou su sinti kon el a pasa un ratu agradabel ku e pojojo. Vagamente e tabata korda unda e galinja ta biba, un kaja banda di Cher Asile.
E mes anochi Lou a kamna dwalu kasi tres ora den Cher Asile, te a la largu el a bin sherta kas di su mucha dushi.
E mama, un olefante mal jen, a kontra Lou na porta i invite pa drenta. Lou a kai sinta kontentu di dje, i djis un ratu despwes e galinja a sali for di kushna.
Si Lou su kurason no a para na e momentu ei, anto ta pasobra no tabata su dia. Ora el a mira e eskeleta su dilanti, ku kara lombr di zeta i tur na pshi grof, Lou a sinti kon su stoma a kuminsa bira. Un tabla di strika a pasa e mucha pa triminti.
Lou a guli su sustu manda bow, i komporta su mes komo...”
|
|
15 |
![](https://dcdp.uoc.cw/content/AA/00/00/00/98/00001/AA00000098_00001_00056thm.jpg) |
“...Trr, el a tende algu zona na su sombre. Boka habri Gachi a keda weta e sombre. Den esei el a zwai e sombre bai bin den bientu. Mesora e sinta na su sombre a zona Trr, trr den bientu.
Ba bolbe bini kas ku bo lampi jen? su kas a kuminsa zundra, ora el a habri porta pa Gachi.
Pero Gachi no por a kontest. Pasobra e tabata drumi tur largu di su kurpa riba e pida plenchi dilanti di su kas, i na gritu di harimentu pa su mes bobedad.
PICHON BOW DI KAMA
Mi amigu Fedoi ta drumi mitar morto den hospital. Manera mi ta bisa. Tur su dos wowonan tap. Henter su kurpa ta hasi dwe. Fedoi ta mal bat. Sigun mi opinion asta su tripanan a kenkel bira konopi.
Anto Fedoi ta un gengu ku tin dwele di mata un pruga. E tin kurason di muskita. E no sa rabia. E no ta gusta bringa. Di chiripa e sa habri su boka pa protest meramente, ora Chalita su kas ta rebusak e pa kwalke koi loko.
Pober Fedoi. Ta dunami pena di mire drumi den e kama blanku di hospital. Anto inosente! Tesei ta hasi henter e asuntu mas tristu. Fedoi...”
|
|
16 |
![](https://dcdp.uoc.cw/content/AA/00/00/00/98/00001/AA00000098_00001_00060thm.jpg) |
“...for di banki, kargami un par di wanta, ku a butami kore kabes di gai, bai basha bow te den porta di klas.
Ma interumpi Luis, bisando ku mi ta mira te ainda kon e kos a bai.
Owel, bru, ma bira bestia. Pasobra mi no a hasi nada. Anto Chal a sinta hari. Koi chombon. Pero mesora ma kuminsa pensa kon mi por baha mi vengansa riba dje. Mi no a bisa ningn hende nada.
Dos dia despwes ma bini skol ku un blet nobo. Merdia, ora nos a baha bai den e komedor grandi, ma kome mi pan pur. Mesora despwes ma subi trapi, bai den nos klas bashi. Mi kurason tabata bati te den mi garganta. Mi tabata spant, pero disididu. Mi tabatin un rabia den mi kurpa. Ma para patras den klas, kaminda e mantel ta kologa, i pasa e blet mas di djes be den e mantel, di ariba te abow. Mi tabata gosa sigun e blet ta korta e mantel. Sigun mi e mantel tabata Bennart su kurpa. Pesei ma pasa e blet ku vengansa.
Ora ma sali bai, mi pianan tabata tembla. Pero ma sintimi satisfecho.
Luis a grita hari falsu, tira su kabitu di sigaria afo,...”
|
|
17 |
![](https://dcdp.uoc.cw/content/AA/00/00/00/98/00001/AA00000098_00001_00063thm.jpg) |
“...lantamentu di katibu a buta tur hende ariba bow.
Tresten e katibunan, bow di mando di Luis Mercier, a bira masha hostin; di moda ku den nan rabia nan a kibra tur magasina i saka tur mainshi ku tabatin den nan. Nan a liberta e katibunan ku tabatin ser i nan a pega poko kas na kandela.
Ta klaro ku esei no tabata Tula su idea. E kos ei a dwel Tula masha, pero e katibunan tabata asina sar, ku hopi di nan a perde kabes. Un katibu a mara un mener di skol tras di su kabai, i lastra e homber kasi un ora largu riba swela. Ora e mener di skol tabata grita ku dol i tur na sanger, Luis Mercier a laga mate, pa e homber no sigui sufri.
E mes anochi ei un pader a bini den e kampamentu di Tula na Porto Mari, pa e splika e katibunan ku nan lantamentu no tin chens di logra. Pero Tula di ku ne: ,,Shon pastor, nan a maltrata nos demasiadu. Nos no ke hasi ningn hende malu. Ta nos libertad so nos ke. E negeman franses a hanja libertad. Francia a kwe Hulanda. Ke men ku nos aki tambe mester hanja libertad. Shon pastor...”
|
|
18 |
![](https://dcdp.uoc.cw/content/AA/00/00/00/98/00001/AA00000098_00001_00065thm.jpg) |
“...dere den santana di Wespen? un di e muchanan a puntra.
No, mi ju, Monchi a konteste. Nan a tira su kurpa na laman. Mi ta kere ku su burdugunan lo tabatin miedu hasta di Tula su spiritu.
Un kwenta mas, Papa Monchi, e dos otro muchanan a pidi e biew.
Manjan atrobe, Monchi a priminti nan. Pa awe ta basta. Awor ta ora di bai kome. Bisa Tantan Clara, ku Papa ta bai dal un bwelta serka Calitu.
Te aworo, Papa Monchi.
Te aworo, mi junan.
E fit biew a kamna kokocha, baha seru, disparse entre e kareda largu di datu na pia di e seru.
PETRA SU KAS
E dos nigritanan ku tabata kamna bai misa di marduga, riba Pasku mainta, banda di kwator, a para nan kombersashon di golpi, ora nan a mira lus send den e hadrei di shon Rudelof su kas. Nan no por a tende ningn zonidu di stem. Pasobra e kas tabata par mas ku nobenta meter for di kaminda grandi. Sinembargo nan a kompronde ku Petra di shon Rudelof i su ju muhe Rodolfa tabata preparando pa nan tambe bai misa di marduga.
E subrina di shon Rudelof a bai New York...”
|
|
19 |
![](https://dcdp.uoc.cw/content/AA/00/00/00/98/00001/AA00000098_00001_00068thm.jpg) |
“.......mucha muhe di diesseis anja. Den su shimis barata di katuna. Su
kabes tur na flektu chikitu. E tabata juda den kushna. Na kas di Rudelof su grandinan. Anastasia, e kki biew, tabata hefja den kushna, manera te mes ta donjo. Su jchinan blanku tabata sali bow di su lensu di kabes. Un sigaria tras di su orea.....
....ET REVERSI SUNT PASTORES.................
....shon Jeanette, mama di Rudelof, tabata un bon alma. Ku wowo blow
ku semper tabata sonrei. Shon Hendrik, su kas, tabata flaku, largu. E tabata kamna un krenchi dobl. Henter dia e tabata bebe kfi, sin sku.
Petra, e tabata sa para grita den hadrei, kaminda e tabatin su eskri-torio di mahok. Trese poko kfi pa mi.
Petra su wowonan a kore pasa riba alt, riba tur e kabesnan den misa, riba e pesebre den huki na man drechi, riba e konfeshonario. Semper tabatin un olo stranjo den e konfeshonario. E pastor biew, ku su kabei blanku. E tabata wanta su kachete ku su man drechi, wowo ser, ora e ta konfesa. I semper e mesun palabranan, ku e tabata...”
|
|
20 |
![](https://dcdp.uoc.cw/content/AA/00/00/00/98/00001/AA00000098_00001_00069thm.jpg) |
“...persist, ku te so por a zoja Dolly, pa e kriatura pega sonjo. Ku Dolly den su brasa, e tabata kamna bai bini den hadrei padi-lanti, kantando pa Dolly drumi, e uniko kantika ku e tabata sa.
Shon Jeanette a laga kumpra panja ku bruki na Punda. Japon chikitu di nans, ku streki ros, i sapatu di lana blanku. Asina Rodolfa spjerta den anochi i kuminsa jora, shon Jeanette tabata sali bon pur for di su kamber, pa mira ki falta e mucha. Anto e tabata keda sinta banda di Dolly su kama, den su japon blanku largu, te ora su Dolly dushi bolbe pega sonjo.
....otro anja, dia di tur difuntu, lo mi bolbe kumpra un krans di dies-
sinku florin, pa mi pone riba graf di shon Hendrik ku shon Jeanette.........
Asina bo mester kome, shon Hendrik di. E tabata par tras di Dolly, sigun e tabata tee e mucha su mannan. E forki den bo man robes. E kuchu den bo man drechi. Meskos ku hende grandi. El a karisja e mucha su kabei, bolbe kai sinta na mesa, banda di Dolly. Rudelof, sint na e otro banda di mesa, mester a hari masha...”
|
|