| 1 |
 |
“...a koba un buraku hundu den su kamber, pa stiwa prenda ku plaka di oro. Rei Tibay ta kria bin. E tin kasi binti mil bin, sinku mil baka, djesdos mil kabritu ku karn. Su palasio ta masha bunita. Na kada dede e ta bisti un remchi grandi di oro, ku pieda di dja-manta. Pero prinsipe Romualdo, su yu, ta un animal tap. Henter dia e ta sinta piska riba baranka o den boto riba laman. Ta di pisk so e sa papia. E tin asina tantu forsa, ku el a yega di bringa ku un tribon. Romualdo tin kara hanchu manera hapa. E ta chinu. Nan di ku su kabei a kay, pasobra el a sinta muchu den solo. Su oreanan ta manera dos repa. Su boka ta yen di djente putr.
Djispi a skirbi tur loke e makwaku a konta. Djei e makwaku, e kangrew i e kakalaka a bai soseg nan kurpa seka e otro bestianan den kamber di Djispi.
Komo Djispi tabata kans di skirbi tantu historia ku el a tende, e mester a ln su lomba den stul, sera su wowonan, pa e soseg un krenchi. Pero di ripente a dal na su sinti, ku ainda e no a haa ningn notisia di rei...”
|
|
